ਮੁੰਬਈ— ਦੱਖਣ ਭਾਰਤੀ ਫਿਲਮਾਂ ਦੀ ਅਭਿਨੇਤਰੀ ਸਮੰਥਾ ਰੂਥ ਪ੍ਰਭੂ ਦੇ ਬੋਲਡ ਫੋਟੋਸ਼ੂਟ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਉਸ ਨੇ 'ਜੇ. ਐੱਫ. ਡਲਬਯੂ.' ਮੈਗਜ਼ੀਨ ਦੇ ਜੁਲਾਈ ਅੰਕ ਲਈ ਫੋਟੋਸ਼ੂਟ ਕਰਵਾਇਆ ਹੈ। ਸਾਰੀਆਂ ਤਸਵੀਰਾਂ 'ਚ ਉਸ ਦਾ ਗਲੈਮਰੈੱਸ ਲੁੱਕ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਫੋਟੋਸ਼ੂਟ ਦੀਆਂ ਤਸਵੀਰਾਂ ਉਸ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ। ਉਸ ਨੇ ਤਸਵੀਰ ਸ਼ੇਅਰ ਕਰਦਿਆਂ ਕੈਪਸ਼ਨ ਦਿੱਤੀ, 'When you wear something made by a person there is something special there @jfwmagazine.' ਦੱਸਣਯੋਗ ਹੈ ਕਿ ਸਮੰਥਾ ਸਾਊਥ ਸਟਾਰ ਨਾਗਾਰਜੁਨ ਦੀ ਹੋਣ ਵਾਲੀ ਨੂੰਹ ਹੈ। ਨਾਗਾਰਜੁਨ ਦੇ ਬੇਟੇ ਨਾਗਾ ਚੈਤਨਿਆ ਤੇ ਸਮੰਥਾ ਰੂਥ ਪ੍ਰਭੂ ਇਸੇ ਸਾਲ 6 ਅਕਤੂਬਰ ਨੂੰ ਵਿਆਹ ਕਰਨਗੇ। ਸੂਤਰਾਂ ਮੁਤਾਬਕ ਸਮੰਥਾ ਤੇ ਨਾਗਾ ਦੋਵਾਂ ਨੂੰ ਹੀ ਟਰੈਵਲਿੰਗ ਕਾਫੀ ਪਸੰਦ ਹੈ ਤੇ ਉਹ ਵਿਆਹ ਤੋਂ ਬਾਅਦ ਲਗਭਗ 40 ਦਿਨਾਂ ਤਕ ਹਨੀਮੂਨ ਮਨਾਉਣਗੇ। ਅਜਿਹੀਆਂ ਖਬਰਾਂ ਹਨ ਕਿ ਦੋਵੇਂ ਹਨੀਮੂਨ ਦੇ ਜ਼ਿਆਦਾ ਦਿਨ ਨਿਊਯਾਰਕ 'ਚ ਬਿਤਾਉਣਗੇ। ਇਥੇ ਸਮੰਥਾ ਦੀ ਡੈਬਿਊ ਫਿਲਮ 'ਯੇ ਮਾਇਆ ਚੇਸਾਵੇ' ਦੀ ਸ਼ੂਟਿੰਗ ਵੀ ਹੋਈ ਸੀ। ਹਨੀਮੂਨ ਤੋਂ ਵਾਪਸ ਆਉਣ ਤੋਂ ਬਾਅਦ ਹੀ ਸਮੰਥਾ ਸ਼ਿਵਕਾਰਤੀਕਯਨ ਦੀ ਅਨਟਾਈਟਲਡ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਦੱਸਣਯੋਗ ਹੈ ਕਿ ਸਮੰਥਾ ਇਸੇ ਸਾਲ ਫਿਲਮ 'ਰਾਜੂ ਗਰੀ ਗੜ੍ਹੀ 2' 'ਚ ਵੀ ਨਜ਼ਰ ਆਵੇਗੀ। ਇਸ 'ਚ ਉਸ ਨਾਲ ਸਹੁਰਾ ਨਾਗਾਰਜੁਨ ਵੀ ਕੰਮ ਕਰ ਰਹੇ ਹਨ। ਇਹ 2015 'ਚ ਆਈ ਫਿਲਮ ਦਾ ਸੀਕੁਅਲ ਹੈ।