ਮੁੰਬਈ(ਬਿਊਰੋ)— ਬਾਲੀਵੁਡ ਅਦਾਕਾਰਾ ਅਤੇ 'ਬਿੱਗ ਬੌਸ 6' ਦੀ ਮੁਕਾਬਲੇਬਾਜ਼ ਸਨਾ ਖਾਨ ਅੱਜ ਆਪਣਾ 31 ਜਨਮਦਿਨ ਮਨਾ ਰਹੀ ਹੈ। 21 ਅਗਸਤ 1987 ਨੂੰ ਜਨਮੀ ਸਨਾ ਖਾਨ ਨੇ ਬੀ-ਗ੍ਰੇਡ ਫਿਲਮ 'ਹਾਈ ਸੋਸਾਇਟੀ' ਨਾਲ ਡੈਬਿਊ ਕੀਤਾ ਸੀ।
ਇਸ ਤੋਂ ਬਾਅਦ ਉਹ ਸਲਮਾਨ ਖਾਨ ਦੀ ਫਿਲਮ 'ਜੈ ਹੋ' ਅਤੇ ਗੁਰਮੀਤ ਚੌਧਰੀ ਨਾਲ 'ਵਜ੍ਹਾ ਤੁਮ ਹੋ' 'ਚ ਨਜ਼ਰ ਆ ਚੁੱਕੀ ਹੈ।
ਸਨਾ ਖਾਨ, ਸਲਮਾਨ ਖਾਨ ਦੀ ਫੇਵਰੇਟ ਮੁਕਾਬਲੇਬਾਜ਼ ਸੀ। 'ਬਿੱਗ ਬੌਸ' 'ਚ ਆਉਣ ਤੋਂ ਪਹਿਲਾਂ ਸਨਾ ਕਈ ਵਿਗਿਆਪਣਾਂ 'ਚ ਵੀ ਨਜ਼ਰ ਆ ਚੁੱਕੀ ਹੈ।
ਦੱਸ ਦੇਈਏ ਕਿ ਸਨਾ ਨੇ ਹਾਲ ਹੀ 'ਚ 8 ਕਿੱਲੋ ਭਾਰ ਘਟਾਇਆ ਹੈ।
ਹਾਲ ਹੀ 'ਚ ਦਿੱਤੇ ਗਏ ਇਕ ਇੰਟਰਵਿਊ 'ਚ ਸਨਾ ਨੇ ਦੱਸਿਆ ਕਿ ਜਦੋਂ ਮੈਂ ਇੰਡਸਟਰੀ 'ਚ ਆਈ ਸੀ, ਉਦੋਂ ਮੇਰਾ ਭਾਰ 60 ਕਿੱਲੋ ਸੀ।
ਮੈਂ ਭਾਰ ਤਾਂ ਘਟਾ ਰਹੀ ਸੀ ਪਰ ਸਰੀਰ ਦੇ ਕੁੱਝ ਹਿੱਸਿਆਂ 'ਚ ਫੈਟ ਜਮ੍ਹਾ ਹੋ ਰਹੀ ਸੀ।
ਉਨ੍ਹਾਂ ਅੱਗੇ ਦੱਸਿਆ, ''ਮੈਂ ਰੋਜ਼ਾਨਾ ਸਵੇਰੇ ਉੱਠ ਕੇ ਦੋ ਗਲਾਸ ਗਰਮ ਪਾਣੀ ਪੀਂਦੀ ਸੀ।
ਇਸ ਤੋਂ ਬਾਅਦ ਮੈਂ ਕੈਲਸ਼ੀਅਮ ਸਪਲੀਮੈਂਟਸ ਲੈਂਦੀ ਸੀ।
ਮੈਂ ਕੁੱਝ ਵੀ ਖਾਣ ਤੋਂ ਪਹਿਲਾਂ 20 ਮਿੰਟ ਦਾ ਗੈਪ ਲੈਂਦੀ ਸੀ।
ਬ੍ਰੇਕਫਾਸਟ 'ਚ ਮੈਂ ਕੁੱਝ ਅੰਡੇ ਅਤੇ ਫਲ ਖਾਂਦੀ ਸੀ। ਦੁਪਹਿਰ ਜਿਮ ਜਾਣ ਤੋਂ ਪਹਿਲਾਂ ਮੈਂ ਬਲੈਕ ਕਾਫੀ ਪੀਂਦੀ ਸੀ।''
ਜ਼ਿਕਰਯੋਗ ਹੈ ਕਿ ਹੁਣ ਤੁਸੀਂ ਸਨਾ ਦੀ ਬੋਲਡ ਫਿੱਗਰ ਦੇਖ ਹੈਰਾਨ ਹੋ ਜਾਓਗੇ।