ਮੁੰਬਈ(ਬਿਊਰੋ)— ਫਿਲਮ 'ਕੁਝ ਕੁਝ ਹੋਤਾ ਹੈ' 'ਚ ਸ਼ਾਹਰੁਖ ਖਾਨ ਦੀ ਬੇਟੀ 'ਅੰਜਲੀ' ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਸਨਾ ਸਈਦ ਨੇ ਹਾਲ ਹੀ 'ਚ ਬੋਲਡ ਫੋਟੋਸ਼ੂਟ ਕਰਵਾਇਆ ਹੈ, ਜਿਸ 'ਚ ਉਨ੍ਹਾਂ ਦਾ ਲੁੱਕ ਕਾਫੀ ਬੋਲਡ ਤੇ ਗਲੈਮਰਸ ਹੈ।
ਸਨਾ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਅਦਾਕਾਰਾ ਦਾ ਸਿਜ਼ਲਿੰਗ ਲੁੱਕ ਪ੍ਰਸ਼ੰਸਕਾਂ ਨੂੰ ਕਾਫੀ ਪਸੰਦ ਆ ਰਿਹਾ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਤਸਵੀਰ ਦੀ ਤਾਰੀਫ ਕਰਦੇ ਹੋਏ ਨਹੀਂ ਥੱਕ ਰਹੇ।
ਉਂਝ ਇਹ ਪਹਿਲੀ ਵਾਰ ਨਹੀਂ ਹੈ, ਜਦੋਂ ਸਾਰਾ ਨੇ ਆਪਣੇ ਗਲੈਮਰਸ ਅੰਦਾਜ਼ ਨਾਲ ਪ੍ਰਸ਼ੰਸਕਾਂ ਨੂੰ ਰੂ ਬ ਰੂ ਕਰਵਾਇਆ ਹੋਵੇ। ਉਨ੍ਹਾਂ ਦੇ ਇੰਸਟਾਗਰਾਮ ਅਕਾਊਂਟ 'ਤੇ ਅਜਿਹੀਆਂ ਕਈ ਤਸਵੀਰਾਂ ਦੇਖਣ ਨੂੰ ਮਿਲਣਗੀਆਂ, ਜੋ ਉਨ੍ਹਾਂ ਦੇ ਸਟਾਈਲ ਤੇ ਫੈਸ਼ਨ ਸੈਂਸ ਨੂੰ ਦਰਸਾਉਂਦੀਆਂ ਹਨ।
ਅਦਾਕਾਰਾ ਸਨਾ ਸਈਦ 'ਸਟੂਡੈਂਟ ਆਫ ਦਿ ਈਅਰ' 'ਚ ਵੀ ਨਜ਼ਰ ਆਈ ਸੀ। ਉਨ੍ਹਾਂ ਨੇ 2008 'ਚ ਸੀਰੀਅਲ 'ਲੋ ਹੋ ਗਈ ਪੂਜਾ ਇਸ ਘਰ ਕੀ' 'ਚ ਕੰਮ ਕੀਤਾ ਸੀ।
ਉਹ 'ਝਲਕ ਦਿਖਲਾ ਜਾ', 'ਖਤਰੋਂ ਕੇ ਖਿਲਾੜੀ' ਤੇ 'ਨੱਚ ਬਲੀਏ' ਵਰਗੇ ਕਈ ਰਿਐਲਿਟੀ ਸ਼ੋਅਜ਼ 'ਚ ਵੀ ਕੰਮ ਕਰ ਚੁੱਕੀ ਹੈ।
ਸਨਾ ਉਸ ਸਮੇਂ ਵੀ ਖਬਰਾਂ 'ਚ ਆਈ ਸੀ, ਜਦੋਂ ਨੋਟਬੰਗੀ ਦੌਰਾਨ ਉਨ੍ਹਾਂ ਨੇ ਕਿਹਾ ਸੀ ਕਿ ਉਨ੍ਹਾਂ ਨੇ ਆਪਣੇ ਨਿਰਦੇਸ਼ਕ ਵਿਸ਼ਾਲ ਪੰਡਿਆ ਤੋਂ 5 ਦਿਨ 'ਚ ਕੁੱਲ 500 ਰੁਪਏ ਲੈ ਕੇ ਕੰਮ ਚਲਾਇਆ। ਸਨਾ ਮੁੰਬਈ 'ਚ ਪਲੀ-ਵਧੀ ਹੈ।
ਉਨ੍ਹਾਂ ਦੇ ਪਿਤਾ ਨਹੀਂ ਚਾਹੁੰਦੇ ਸਨ ਕਿ ਉਹ ਅਦਾਕਾਰਾ ਬਣੇ ਪਰ ਸਨਾ ਨੇ ਆਪਣੇ ਦਿਲ ਦੀ ਸੁਣੀ।
ਬਚਪਨ ਤੋਂ ਹੀ ਉਨ੍ਹਾਂ ਦਾ ਝੁਕਾਅ ਐਕਟਿੰਗ ਵੱਲ ਸੀ। ਸਨਾ ਬਾਰੇ ਇਹ ਵੀ ਕਿਹਾ ਜਾਂਦਾ ਹੈ ਕਿ ਉਹ ਸਲਮਾਨ ਖਾਨ ਦੇ ਪੁਰਾਣੇ ਦੋਸਤ ਇਕਬਾਲ ਰਤਨਸੀ ਦੇ ਬੇਟੇ ਜਹੀਰ ਨੂੰ ਡੇਟ ਕਰ ਚੁੱਕੀ ਹੈ।
2015 'ਚ ਸਨਾ, ਦੀਪੇਸ਼ ਸ਼ਰਮਾ ਨਾਲ 'ਨੱਚ ਬਲੀਏ 7' 'ਚ ਨਜ਼ਰ ਆਈ ਸੀ ਪਰ ਕਿਹਾ ਗਿਆ ਕਿ ਉਹ ਉਨ੍ਹਾਂ ਦੇ ਪ੍ਰੇਮੀ ਨਹੀਂ ਹਨ, ਬਸ ਸ਼ੋਅ ਲਈ ਦੋਵੇਂ ਇਕੱਠੇ ਆਏ ਸਨ।