ਲਾਸ ਏਂਜਲਸ (ਬਿਊਰੋ) : ਕੈਨੇਡੀਆਈ ਅਦਾਕਾਰਾ ਸੈਂਡ੍ਰਾ ਓਹ ਨੇ ਗੋਲਡਨ ਗਲੋਬ ਦੀ ਮੇਜ਼ਬਾਨੀ ਕਰਨ ਵਾਲੀ ਪਹਿਲੀ ਏਸ਼ੀਆਈ ਮਹਿਲਾ ਬਣ ਕੇ ਇਤਿਹਾਸ ਰਚ ਦਿੱਤਾ। ਉਸ ਨੇ ਟੈਲੀਵਿਜ਼ਨ ਸੀਰੀਜ਼ 'ਚ ਸਰਬੋਤਮ ਅਦਾਕਾਰਾ ਦੀ ਟ੍ਰਾਫੀ ਵੀ ਜਿੱਤੀ।
ਸੀਜ਼ਨ ਦੇ ਪਹਿਲੇ ਪੁਰਸਕਾਰ ਸਮਾਰੋਹ ਦੇ 76ਵੇਂ ਐਡੀਸ਼ਨ ਦੀ ਸਹਿ-ਮੇਜ਼ਬਾਨੀ ਕਰਨ ਵਾਲੀ ਸੈਂਡ੍ਰਾ ਨੇ 'ਕਿਲਿੰਗ ਈਵ' ਲਈ ਡ੍ਰਾਮਾ ਟੈਲੀਵਿਜ਼ਨ ਸੀਰੀਜ਼ 'ਚ ਸਰਬੋਤਮ ਪ੍ਰਦਰਸ਼ਨ (ਅਦਾਕਾਰਾ) ਦਾ ਖਿਤਾਬ ਵੀ ਆਪਣੇ ਨਾਂ ਕੀਤਾ।
ਉਹ ਇਸ ਸੀਰੀਜ਼ ਲਈ ਐਮੀ ਪੁਰਸਕਾਰ ਵੀ ਜਿੱਤ ਚੁੱਕੀ ਹੈ। ਸੈਂਡ੍ਰਾ ਨੇ ਐਮੀ ਲਈ ਨਾਮਜ਼ਦ ਹੋਣ ਵਾਲੀ ਪਹਿਲੀ ਏਸ਼ੀਆਈ ਮਹਿਲਾ ਬਣ ਕੇ ਪਿਛਲੇ ਸਾਲ ਵੀ ਇਤਿਹਾਸ ਰਚਿਆ ਸੀ।
