ਮੁੰਬਈ(ਬਿਊਰੋ)— ਪ੍ਰਸ਼ੰਸਕਾਂ ਵਿਚਕਾਰ ਸੰਜੂ ਬਾਬਾ ਦੇ ਨਾਮ ਨਾਲ ਮਸ਼ਹੂਰ ਸੰਜੇ ਦੱਤ ਦੇ ਚਾਹੁਣ ਵਾਲਿਆਂ ਦੀ ਕਮੀ ਨਹੀਂ ਹੈ। ਸੰਜੇ ਦੱਤ ਅੱਜ ਆਪਣਾ 60ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ 29 ਜੁਲਾਈ, 1959 ਨੂੰ ਮੁੰਬਈ 'ਚ ਹੋਇਆ। ਦੱਸ ਦੇਈਏ ਕਿ ਸੰਜੇ ਦੇ ਪਿਤਾ ਸੁਨੀਲ ਦੱਤ ਅਤੇ ਮਾਂ ਨਰਗਿਸ ਦੋਵੇਂ ਇੰਡਸਟਰੀ ਦਾ ਵੱਡਾ ਨਾਮ ਸਨ।
1981 'ਚ 'ਰਾਕੀ' ਫਿਲਮ ਨਾਲ ਡੈਬਿਊ ਕਰਨ ਵਾਲੇ ਸੰਜੂ ਬਾਬਾ ਨੇ ਸਾਰਿਆਂ ਨੂੰ ਆਪਣੀ ਪਹਿਲੀ ਫਿਲਮ ਨਾਲ ਹੀ ਦੀਵਾਨਾ ਬਣਾ ਲਿਆ। ਸੰਜੇ ਦੀ ਪਹਿਲੀ ਫਿਲਮ ਸੁਪਰਹਿੱਟ ਸਾਬਿਤ ਹੋਈ ਪਰ ਇਸ ਦੇ ਨਾਲ ਇਕ ਬਦਕਿਸਮਤੀ ਭਰਿਆ ਕਿੱਸਾ ਵੀ ਜੁੜ ਗਿਆ। ਫਿਲਮ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਉਨ੍ਹਾਂ ਦੀ ਮਾਂ ਨਰਗਿਸ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ। ਮਾਂ ਦੇ ਦਿਹਾਂਤ ਤੋਂ ਬਾਅਦ ਸੰਜੇ ਨੂੰ ਡਰਗਸ ਲੈਣ ਦੀ ਭੈੜੀ ਆਦਤ ਲੱਗ ਗਈ ਸੀ। ਇਸ ਕਾਰਨ ਉਨ੍ਹਾਂ ਦੇ ਹੱਥ 'ਚੋਂ ਕਈ ਵੱਡੀਆਂ ਫਿਲਮਾਂ ਨਿਕਲਣ ਲੱਗੀਆਂ। ਫਿਰ ਆਖਿਰਕਾਰ ਪਿਤਾ ਸੁਨੀਲ ਦੱਤ ਨੇ ਸੰਜੇ ਨੂੰ ਅਮਰੀਕਾ ਦੇ ਇਕ ਨਸ਼ਾਮੁਕਤੀ ਕੇਂਦਰ 'ਚ ਇਲਾਜ ਲਈ ਭੇਜਿਆ। ਬਾਲੀਵੁਡ ਦੇ ਮਸ਼ਹੂਰ ਅਭਿਨੇਤਾ ਸੰਜੇ ਦੱਤ 'ਆਰਮਸ ਐਕਟ' ਮਾਮਲੇ 'ਚ ਕਰੀਬ 42 ਮਹੀਨਿਆਂ ਤੱਕ ਜੇਲ ਦੀ ਸਜ਼ਾ ਕੱਟਣ ਤੋਂ ਬਾਅਦ 25 ਫਰਵਰੀ 2016 ਨੂੰ ਪੁਣੇ ਦੀ ਯਰਵਦਾ ਜੇਲ 'ਚੋਂ ਬਾਹਰ ਆਏ। ਨਿੱਜ਼ੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਸੰਜੈ ਦੱਤ ਨੇ 3 ਵਿਆਹ ਕੀਤੇ। ਉਨ੍ਹਾਂ ਦੀ ਪਹਿਲੀ ਪਤਨੀ ਰਿਚਾ ਸ਼ਰਮਾ ਦੀ ਬਰੇਨ ਟਿਊਮਰ ਕਾਰਨ ਮੌਤ ਹੋ ਗਈ। ਫਿਰ ਉਨ੍ਹਾਂ ਨੇ ਰਿਆ ਨਾਲ ਵਿਆਹ ਕਰਵਾਇਆ ਪਰ ਜਲਦ ਹੀ ਦੋਵੇਂ ਵੱਖ ਹੋ ਗਏ। ਆਖਿਰਕਾਰ ਉਨ੍ਹਾਂ ਨੇ ਮਨਿਯਤਾ ਨਾਲ ਵਿਆਹ ਕੀਤਾ, ਜਿਨ੍ਹਾਂ ਨਾਲ ਉਨ੍ਹਾਂ ਦੇ 2 ਬੱਚੇ ਹਨ। ਸੰਜੇ ਦੱਤ ਦੇ ਖਾਸ ਦੋਸਤ ਸਲਮਾਨ ਖਾਨ ਨੇ ਇਕ ਇੰਟਰਵਿਊ 'ਚ ਦੱਸਿਆ ਸੀ ਕਿ ਸੰਜੈ ਇਕ ਵਧੀਆ ਸਿੰਗਰ ਵੀ ਹਨ। ਫਿਲਹਾਲ ਸੰਜੇ ਦੱਤ ਪਰਿਵਾਰ ਨਾਲ ਖੁਸ਼ਹਾਲ ਜੀਵਨ ਬਿਤਾ ਰਹੇ ਹਨ। ਉਹ ਇੰਸਟਾਗ੍ਰਾਮ 'ਤੇ ਕਾਫੀ ਸਰਗਰਮ ਰਹਿੰਦੇ ਹਨ ਅਤੇ ਆਏ ਦਿਨ ਪਰਿਵਾਰ ਨਾਲ ਮਸਤੀ ਕਰਦੇ ਹੋਏ ਤਸਵੀਰਾਂ ਸ਼ੇਅਰ ਕਰਦੇ ਹਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਸਾਲ 2019 'ਚ ਸੰਜੇ ਦੱਤ 'ਕਲੰਕ' ਫਿਲਮ 'ਚ ਨਜ਼ਰ ਆਏ। ਉਨ੍ਹਾਂ ਨਾਲ ਇਸ ਫਿਲਮ 'ਚ ਮਾਧੁਰੀ ਦੀਕਸ਼ਿਤ ਵੀ ਨਜ਼ਰ ਆਈ।