ਮੁੰਬਈ (ਬਿਊਰੋ) : ਫਿਲਮ ਇੰਡਸਟਰੀ 'ਚ ਇਨ੍ਹੀਂ ਦਿਨੀਂ 'ਚ ਲਗਜ਼ਰੀ ਗੱਡੀਆਂ ਖਰੀਦਣ ਦਾ ਫੈਸ਼ਨ ਚੱਲ ਰਿਹਾ ਹੈ। ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਨੇ ਜਿੱਥੇ ਆਪਣੀ ਮਾਂ ਨੂੰ ਰੇਂਜ ਰੋਵਰ ਤੋਹਫੇ 'ਚ ਦਿੱਤੀ ਹੈ, ਉੱਥੇ ਹੀ ਕੈਟਰੀਨਾ ਨੇ ਖੁਦ ਲਈ ਲਗਜ਼ਰੀ ਕਾਰ ਖਰੀਦੀ। ਹਾਲ ਹੀ 'ਚ ਖਬਰ ਆਈ ਹੈ ਕਿ ਬਾਲੀਵੁੱਡ ਦੇ ਸੰਜੂ ਬਾਬਾ ਯਾਨੀ ਸੰਜੇ ਦੱਤ ਨੇ ਵੀ ਰੇਂਜ ਰੋਵਰ ਵੋਗ ਖਰੀਦੀ ਹੈ, ਜਿਸ ਦੀ ਕੀਮਤ 2.33 ਕਰੋੜ ਰੁਪਏ ਹੈ।
ਐੱਸ. ਯੂ. ਵੀ. ਦੇ ਐਕਸਟੀਰੀਅਰ ਤੇ ਇਨਟੀਰੀਅਰ 'ਚ ਕੀਤਾ ਬਦਲਾਅ
ਦੱਸ ਦਈਏ ਕਿ ਸੰਜੇ ਦੀ ਨਵੀਂ ਐੱਸ. ਯੂ. ਵੀ. ਦੇ ਐਕਸਟੀਰੀਅਰ ਤੇ ਇਨਟੀਰੀਅਰ 'ਚ ਬਦਲਾਅ ਕੀਤੇ ਗਏ ਹਨ। ਸੰਜੇ ਨੇ ਐੱਸ. ਯੂ. ਵੀ. ਲਈ ਆਪਣੀ ਪਸੰਦੀਦਾ ਸਿਗਨੇਚਰ ਨੰਬਰ ਪਲੇਟ ਲਈ ਹੈ। ਇਸ ਐਸਯੂਵੀ 'ਚ 4.4 ਲੀਟਰ ਦੀ ਤਾਕਤ ਦਾ S4V8, 8 ਸਿਲੰਡਰ ਵਾਲਾ ਇੰਜਨ ਦਾ ਇਸਤੇਮਾਲ ਕੀਤਾ ਹੈ।
ਸੰਜੇ ਦੱਤ ਕੋਲ ਹਨ ਦੁਨੀਆ ਦੇ ਸਭ ਵੱਡੇ ਬ੍ਰੈਂਡਸ ਦੀ ਗੱਡੀਆਂ
ਸੰਜੇ ਦੱਤ ਦੀਆਂ ਕਾਰਾਂ ਦੀ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਕੋਲ ਦੁਨੀਆ ਦੇ ਸਭ ਵੱਡੇ ਬ੍ਰੈਂਡਸ ਦੀ ਗੱਡੀਆਂ ਹਨ, ਜਿਨ੍ਹਾਂ 'ਚ ਫਰਾਰੀ 599 ਜੀ. ਟੀ. ਬੀ, ਰੋਲਸ ਰਾਈਲਸ, ਔਡੀ, ਮਰਸਡੀਜ਼, ਲੇਕਸਸ ਐਲਐਕਸ 470, ਪੋਰਸ਼ ਐਸਯੂਵੀ ਤੇ ਟੋਇਟਾ ਲੈਂਡ ਕਰੂਜ਼ ਜਿਹੀਆਂ 10 ਲਗਜ਼ਰੀ ਕਾਰਾਂ ਹਨ, ਜਿਨ੍ਹਾਂ ਦੀ ਕੀਮਤ 13 ਕਰੋੜ ਰੁਪਏ ਹੈ।
ਪਤਨੀ ਮਾਨਯਤਾ ਦੱਤ ਨੂੰ ਦੇ ਚੁੱਕੇ ਹਨ ਕਈ ਲਗਜ਼ਰੀ ਗਿਫਟ
ਇਸ ਤੋਂ ਪਹਿਲਾਂ ਅਕਤੂਬਰ 2010 'ਚ ਸੰਜੇ ਦੱਤ ਆਪਣੀ ਪਤਨੀ ਮਾਨਯਤਾ ਦੱਤ ਨੂੰ 3.5 ਕਰੋੜ ਰੁਪਏ ਦੀ ਰੋਲਸ ਰਾਇਲਸ ਘੋਸਟ ਗਿਫਟ ਕਰ ਚੁੱਕੇ ਹਨ।
ਕਰਨ ਜੌਹਰ ਦੀ ਫਿਲਮ 'ਕਲੰਕ' ਨਾਲ ਕਰਨਗੇ ਸਕ੍ਰੀਨ 'ਤੇ ਧਮਾਲ
ਦੱਸਣਯੋਗ ਹੈ ਕਿ ਸੰਜੇ ਦੱਤ ਇਨ੍ਹੀਂ ਦਿਨੀਂ ਕਰਨ ਜੌਹਰ ਦੀ ਵੱਡੀ ਫਿਲਮ 'ਕਲੰਕ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਇਸ ਫਿਲਮ 'ਚ ਸੰਜੇ ਦੱਤ ਨਾਲ ਮਾਧੁਰੀ ਦੀਕਸ਼ਿਤ, ਵਰੁਣ ਧਵਨ, ਸੋਨਾਕਸ਼ੀ ਸਿਨਹਾ, ਆਲੀਆ ਭੱਟ ਵਰਗੇ ਨਾਮੀ ਸਿਤਾਰੇ ਨਜ਼ਰ ਆਉਣਗੇ। ਕਰਨ ਜੌਹਰ ਦੀ ਫਿਲਮ 'ਕਲੰਕ' 17 ਅਪ੍ਰੈਲ ਨੂੰ ਸਿਨੇਮਾ ਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਹੈ।