ਮੁੰਬਈ (ਬਿਊਰੋ)— ਸ਼੍ਰੀਦੇਵੀ ਦੇ ਦਿਹਾਂਤ ਨੂੰ 4 ਮਹੀਨੇ ਬੀਤ ਚੁੱਕੇ ਹਨ। ਅੱਜ ਵੀ ਉਸ ਰਾਤ ਹੋਟਲ 'ਚ ਉਨ੍ਹਾਂ ਨਾਲ ਵਾਪਰੇ ਹਾਦਸੇ ਨੂੰ ਯਾਦ ਕਰਕੇ ਕਈ ਲੋਕ ਸੋਚਾਂ 'ਚ ਪੈ ਜਾਂਦੇ ਹਨ। ਉਨ੍ਹਾਂ ਦੇ ਛੋਟੇ ਦਿਓਰ ਸੰਜੇ ਕਪੂਰ ਅੱਜਕਲ ਵਿਦੇਸ਼ 'ਚ ਹਨ, ਜਿੱਥੇ ਉਨ੍ਹਾਂ ਦੀ ਅਤੇ ਉਨ੍ਹਾਂ ਦੇ ਪਰਿਵਾਰ ਦੀ ਜਾਨ ਵਾਲ-ਵਾਲ ਬਚੀ। ਐਕਟਰ ਸੰਜੇ ਕਪੂਰ ਅੱਜਕਲ ਨਿਊਯਾਰਕ ਸ਼ਹਿਰ 'ਚ ਛੁੱਟੀਆਂ ਬਿਤਾ ਰਹੇ ਹਨ।
ਉਨ੍ਹਾਂ ਨਾਲ ਪਤਨੀ ਮਹੀਪ ਅਤੇ ਬੱਚੇ ਸ਼ਨਾਇਆ-ਜਹਾਨ ਵੀ ਮੌਜੂਦ ਹਨ। ਜਿਸ ਹੋਟਲ 'ਚ ਉਹ ਰੁੱਕੇ ਹਨ, ਉੱਥੇ ਅਚਾਨਕ ਅੱਗ ਲੱਗ ਜਾਣ ਕਾਰਨ ਹੜਕੰਪ ਮੱਚ ਗਿਆ, ਜਿਸ ਤੋਂ ਬਾਅਦ ਮਹਿਮਾਨਾਂ ਨੂੰ ਗਰਾਊਂਡ ਫਲੋਰ 'ਤੇ ਇਕੱਠੇ ਹੋਣ ਲਈ ਕਿਹਾ ਗਿਆ।
ਸੰਜੇ ਕਪੂਰ ਨੇ ਖੁਦ ਇੰਸਟਾਗਰਾਮ 'ਤੇ ਇਸ ਦੀ ਵੀਡੀਓ ਪੋਸਟ ਕੀਤੀ।
ਹਾਲਾਂਕਿ ਜਲਦ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਅਤੇ ਹਾਲਾਤ ਪਹਿਲਾਂ ਵਰਗੇ ਹੋ ਗਏ। ਜ਼ਿਕਰਯੋਗ ਹੈ ਕਿ ਸੰਜੇ ਕਪੂਰ ਹਾਲ ਹੀ 'ਚ ਫਿਲਮ 'ਲਸਟ ਸਟੋਰੀਜ਼' 'ਚ ਨਜ਼ਰ ਆਏ ਹਨ।
ਇਸ ਤੋਂ ਬਾਅਦ ਉਨ੍ਹਾਂ ਕੋਲ੍ਹ ਫਿਲਮ 'ਬੇਢੱਬ' ਹੈ, ਜਿਸ 'ਚ ਉਹ ਪੂਜਾ ਚੋਪੜਾ ਅਤੇ ਆਸ਼ੀਸ਼ ਸਚਦੇਵਾ ਨਾਲ ਨਜ਼ਰ ਆਉਣਗੇ।
ਸੰਜੇ ਕਪੂਰ ਦੇ ਟੀ. ਵੀ. ਸੀਰੀਅਲ 'ਦਿਲ ਸੰਭਲ ਜਾ ਜ਼ਰਾ' ਨੂੰ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ। ਉਨ੍ਹਾਂ ਨੇ ਫਿਲਮ 'ਰਾਜਾ', 'ਸਿਰਫ ਤੁੰਮ' ਅਤੇ 'ਪ੍ਰੇਮ' ਨਾਲ ਲੋਕਪ੍ਰਿਯਤਾ ਹਾਸਿਲ ਕੀਤੀ ਸੀ।