ਮੁੰਬਈ(ਬਿਊਰੋ)— ਨਿਰਦੇਸ਼ਕ ਸੰਜੇ ਲੀਲਾ ਭੰਸਾਲੀ ਆਪਣੀਆਂ ਫਿਲਮਾਂ ਦੀਆਂ ਕਹਾਣੀਆਂ ਤੇ ਡਾਰਕ ਸੈੱਟ ਲਈ ਕਾਫੀ ਪ੍ਰਸਿੱਧ ਹਨ। ਉਨ੍ਹਾਂ ਦੀਆਂ ਪਿਛਲੀਆਂ ਤਿੰਨ ਫਿਲਮਾਂ ਕਾਸਟਿਊਮ ਡਰਾਮਾ ਸੀ। ਭੰਸਾਲੀ ਜ਼ਿਆਦਾਤਰ ਆਪਣੀਆਂ ਫਿਲਮਾਂ 'ਚ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਨੂੰ ਹੀ ਕਾਸਟ ਕਰਦੇ ਹਨ। ਹੁਣ ਭੰਸਾਲੀ ਨੇ ਆਪਣੇ ਇਕ ਪ੍ਰੋਜੈਕਟ 'ਚ ਸਲਮਾਨ ਖਾਨ ਨਾਲ ਵੀ ਕੰਮ ਕਰਨ ਦਾ ਮਨ ਬਣਾਇਆ ਹੈ।
ਲੱਗਦਾ ਹੈ ਕਿ ਸੰਜੇ ਨੂੰ ਦੀਪਿਕਾ-ਰਣਵੀਰ ਦੀ ਆਦਤ ਪੈ ਗਈ ਹੈ। ਹੁਣ ਖਬਰ ਆਈ ਹੈ ਕਿ ਭੰਸਾਲੀ ਇਕ ਵਾਰ ਫਿਰ ਇਸ ਜੋੜੀ ਨਾਲ ਇਕ ਹੋਰ ਕਾਸਟਿਊਮ ਡਰਾਮਾ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ। ਪਹਿਲਾਂ ਖਬਰ ਆਈ ਸੀ ਕਿ ਭੰਸਾਲੀ ਕੋਈ ਕਾਸਟਿਊਮ ਡਰਾਮਾ ਨਹੀਂ ਸਗੋਂ ਕਾਮੇਡੀ ਫਿਲਮ ਬਣਾਉਣ ਦੇ ਮੂਡ 'ਚ ਸਨ ਪਰ ਪ੍ਰੋਡਿਊਸਰਾਂ ਦੀ ਡਿਮਾਂਡ 'ਤੇ ਉਨ੍ਹਾਂ ਨੂੰ ਅਜਿਹਾ ਕਰਨਾ ਪੈ ਰਿਹਾ ਹੈ।
ਦੱਸ ਦੇਈਏ ਕਿ ਪ੍ਰੋਡਿਊਸਰ ਚਾਹੁੰਦੇ ਹਨ ਕਿ ਕਾਮਟਿਊਮ ਡਰਾਮਾ ਭੰਸਾਲੀ ਦਾ ਸਿਗਨੇਚਰ ਬਣ ਚੁੱਕਿਆ ਹੈ ਤੇ ਉਹ ਇਸ ਨੂੰ ਨਾ ਛੱਡਣ।
ਬਾਕਸ ਆਫਿਸ ਦੇ ਮਿਜਾਜ਼ ਨੂੰ ਦੇਖਦੇ ਹੋਏ ਭੰਸਾਲੀ ਖੁਦ ਵੀ ਹੁਣ ਕਾਸਟਿਊਮ ਡਰਾਮਾ ਹੀ ਬਣਾਉਣ ਜਾ ਰਹੇ ਹਨ। ਅਜੇ ਤੱਕ ਇਸ ਪ੍ਰੋਜੈਕਟ 'ਤੇ ਕਿਸੇ ਵੀ ਤਰ੍ਹਾਂ ਦਾ ਐਲਾਨ ਨਹੀਂ ਹੋਇਆ। ਦੇਖਦੇ ਹਾਂ ਕਿ ਇਸ ਪ੍ਰੋਜੈਕਟ ਦਾ ਐਲਾਨ ਹੁੰਦਾ ਵੀ ਹੈ ਜਾਂ ਇਹ ਸਿਰਫ ਅਫਵਾਹ ਨਿਕਲੇਗੀ।
