ਮੁੰਬਈ (ਬਿਊਰੋ)— ਬਾਲੀਵੁੱਡ 'ਚ ਇਨ੍ਹੀਂ ਦਿਨੀਂ ਸਟਾਰ ਕਿੱਡਸ ਦੇ ਡੈਬਿਊ ਦਾ ਦੌਰ ਚੱਲ ਰਿਹਾ ਹੈ। ਆਉਣ ਵਾਲੇ ਦਿਨਾਂ 'ਚ ਕਈ ਸਟਾਰ ਕਿੱਡਸ ਫਿਲਮਾਂ 'ਚ ਆਪਣਾ ਕਰੀਅਰ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ। ਇਨ੍ਹਾਂ 'ਚ ਹੁਣ ਦੋ ਨਾਂ ਹੋਰ ਸ਼ਾਮਲ ਹੋ ਰਹੇ ਹਨ ਪਰ ਇਸ 'ਚ ਖਾਸ ਗੱਲ ਇਹ ਹੈ ਕਿ ਦੋਵੇਂ ਸਟਾਰ ਕਿੱਡਸ ਨੂੰ ਫੇਮਸ ਡਾਇਰੈਕਟਰ ਸੰਜੇ ਲੀਲਾ ਭੰਸਾਲੀ ਲਾਂਚ ਕਰਨ ਜਾ ਰਹੇ ਹਨ। ਖਬਰਾਂ ਹਨ ਕਿ ਭੰਸਾਲੀ 'ਮਲਾਲ' ਨਾਂ ਦੀ ਫਿਲਮ ਨੂੰ ਪ੍ਰੋਡਿਊਸ ਕਰਨ ਵਾਲੇ ਹਨ, ਜਿਸ ਨੂੰ ਮੰਗੇਸ਼ ਡਾਇਰੈਕਟ ਕਰ ਰਹੇ ਹਨ।
ਇਸ ਫਿਲਮ ਨੂੰ ਪੂਰੀ ਤਰ੍ਹਾਂ ਭੰਸਾਲੀ ਟ੍ਰੀਟਮੈਂਟ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਫਿਲਮ 'ਚ ਭੰਸਾਲੀ ਆਪਣੀ ਭਤੀਜੀ ਸ਼ਰਮਿਨ ਸਹਿਗਲ ਤੇ ਜਾਵੇਦ ਜਾਫਰੀ ਦੇ ਬੇਟੇ ਮਿਜ਼ਾਨ ਜਾਫਰੀ ਨੂੰ ਬਾਲੀਵੁੱਡ 'ਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਜੇਕਰ ਇਹ ਖਬਰ ਸੱਚ ਸਿੱਧ ਹੁੰਦੀ ਹੈ ਤਾਂ 11 ਸਾਲ ਬਾਅਦ ਭੰਸਾਲੀ ਕਿਸੇ ਨੂੰ ਇਕ ਨਹੀਂ ਸਗੋਂ ਦੋ ਸਟਾਰ ਕਿੱਡਸ ਨੂੰ ਲਾਂਚ ਕਰਨਗੇ।
ਖਬਰਾਂ ਤਾਂ ਇਹ ਵੀ ਹਨ ਕਿ ਭੰਸਾਲੀ ਇਸ ਤੋਂ ਪਹਿਲਾਂ ਪੂਨਮ ਢਿੱਲੋਂ ਦੇ ਬੇਟੇ ਅਨਮੋਲ ਤੇ ਪਦਮਿਨੀ ਕੋਹਲਾਪੁਰੀ ਦੇ ਬੇਟੇ ਪ੍ਰਿਆਂਕ ਸ਼ਰਮਾ ਨੂੰ ਵੀ ਲਾਂਚ ਕਰ ਸਕਦੇ ਹਨ।