ਮੁੰਬਈ (ਬਿਊਰੋ)— ਸੋਸ਼ਲ ਮੀਡੀਆ ਅਤੇ ਇੰਟਰਨੈੱਟ 'ਚ ਇੰਨੀ ਤਾਕਤ ਹੈ ਕਿ ਉਹ ਰਾਤੋਂ-ਰਾਤ ਕਿਸੇ ਵੀ ਆਮ ਵਿਅਕਤੀ ਨੂੰ ਸਟਾਰ ਬਣਾ ਸਕਦਾ ਹੈ। ਪ੍ਰਿਆ ਪ੍ਰਕਾਸ਼ ਇਸ ਦਾ ਚੰਗੀ ਉਦਾਹਰਣ ਹੈ।
ਹੁਣ ਇਕ ਅੰਕਲ ਜੀ ਵੀ ਪ੍ਰਿਆ ਪ੍ਰਕਾਸ਼ ਵਾਂਗ ਰਾਤੋਂ-ਰਾਤ ਹਿੱਟ ਹੋ ਗਏ ਹਨ। ਵਿਆਹ ਦੌਰਾਨ ਇਸ ਅੰਕਲ ਜੀ ਦੀ ਡਾਂਸ ਵੀਡੀਓ ਤਹਿਲਕਾ ਮਚਾ ਰਹੀ ਹੈ।
ਇਹ ਅੰਕਲ ਜੀ ਗੋਵਿੰਦਾ ਦੇ ਗੀਤ 'ਆਪ ਕੇ ਆ ਜਾਨੇ ਸੇ...' ਗੀਤ 'ਤੇ ਡਾਂਸ ਕਰਦੇ ਦਿਖ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਪਤਨੀ ਵੀ ਦਿਖ ਰਹੀ ਹੈ।
ਡਾਂਸ ਕਰਦੇ ਹੋਏ ਇਹ ਅੰਕਲ ਜੀ ਗੋਵਿੰਦਾ ਨੂੰ ਟੱਕਰ ਦੇ ਰਹੇ ਹਨ। ਇਨ੍ਹਾਂ ਦੇ ਇਕ ਨਹੀਂ ਬਲਕਿ ਤਿੰਨ ਵੀਡੀਓਜ਼ ਸਾਹਮਣੇ ਆਈਆਂ ਹਨ।
ਵਿਆਹ ਦੀ ਇਕ ਹੋਰ ਵੀਡੀਓ 'ਚ ਅੰਕਲ ਜੀ 'ਚੜ੍ਹਤੀ ਜਵਾਨੀ ਮੇਰੀ ਚਾਲ ਮਸਤਾਨੀ' ਗੀਤ 'ਤੇ ਪਤਨੀ ਨਾਲ ਡਾਂਸ ਕਰ ਰਹੇ ਹਨ।
ਇਨ੍ਹਾਂ ਦੇ ਸਟੈੱਪ ਤੋਂ ਪਤਾ ਚੱਲ ਰਿਹਾ ਹੈ ਕਿ ਉਨ੍ਹਾਂ ਨੂੰ ਡਾਂਸ ਦਾ ਬਹੁਤ ਸ਼ੌਕ ਹੈ। ਅੰਕਲ ਦਾ ਡਾਂਸ ਇੰਨਾ ਜ਼ਬਰਦਸਤ ਹੈ, ਜਿਸ ਨੂੰ ਦੇਖ ਦਰਸ਼ਕ ਤਾੜੀਆਂ ਅਤੇ ਸੀਟੀਆਂ ਵਜਾ ਰਹੇ ਹਨ।
ਸੋਸ਼ਲ ਮੀਡੀਆ 'ਤੇ ਯੂਜ਼ਰਸ ਅੰਕਲ ਜੀ ਦਾ ਡਾਂਸ ਵੀਡੀਓ ਸ਼ੇਅਰ ਕਰ ਰਹੇ ਹਨ। ਇਸ ਵੀਡੀਓ ਨੂੰ ਫਿਲਮ ਸਟਾਰ ਅਰਜੁਨ ਕਪੂਰ, ਦਿਵਿਆ ਦੱਤ ਅਤੇ ਰਵੀਨਾ ਟੰਡਨ , ਅਨੁਸ਼ਕਾ ਸ਼ਰਮਾ ਨੇ ਵੀ ਆਪਣੇ ਟਵਿਟਰ ਅਕਾਊਂਟ 'ਤੇ ਸ਼ੇਅਰ ਕੀਤਾ ਹੈ।
ਆਖਿਰ ਇਹ ਅੰਕਲ ਦੀ ਕੌਣ ਹਨ, ਜਿਨ੍ਹਾਂ ਨੇ ਰਾਤੋਂ-ਰਾਤ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ ਹੈ। ਇਨ੍ਹਾਂ ਦਾ ਨਾਂ ਸੰਜੀਵ ਸ਼੍ਰੀਵਾਸਤਵ ਹੈ।
46 ਸਾਲ ਦੇ ਸੰਜੀਵ ਭਾਭਾ ਰਿਸਚਰਚ ਇੰਸਟੀਚਿਊਟ 'ਚ ਇਲੈਕਟ੍ਰਾਨਿਕਸ ਦੇ ਅਸੀਸਟੈਂਟ ਪ੍ਰੋਫੈਸਰ ਹਨ ਅਤੇ ਵਿਦਿਸ਼ਾ 'ਚ ਰਹਿੰਦੇ ਹਨ।
ਸੰਜੀਵ ਇਸ ਲੋਕਪ੍ਰਿਯਤਾ ਤੋਂ ਬੇਹੱਦ ਖੁਸ਼ ਹਨ।
ਸੰਜੀਵ ਦੀ ਇਹ ਵੀਡੀਓ ਮੱਧ ਪ੍ਰਦੇਸ਼ ਦੇ ਸੀ. ਐੱਮ. ਸ਼ਿਵਰਾਜ ਸਿੰਘ ਚੌਹਾਨ ਨੇ ਵੀ ਸ਼ੇਅਰ ਕੀਤੀ ਹੈ।
ਸੰਜੀਵ ਬਾਲੀਵੁੱਡ 'ਚ ਕੰਮ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਨੇ ਡਾਂਸ ਤਾਂ ਆਪਣੀ ਮਾਂ ਕੋਲੋਂ ਸਿਖਿਆ ਹੈ ਪਰ ਉਹ ਗੋਵਿੰਦਾ ਜੀ ਦੇ ਬਹੁਤ ਵੱਡੇ ਫੈਨ ਹਨ।
10 ਸਾਲ ਦੀ ਉਮਰ ਤੋਂ ਹੀ ਉਹ ਡਾਂਸ ਕਰ ਰਹੇ ਹਨ।