ਮੁੰਬਈ(ਬਿਊਰੋ)— ਜਿਹੜੇ ਸਟਾਰਡਮ ਨੂੰ ਪਾਉਣ ਲਈ ਲੋਕ ਸਾਲੋਂ-ਸਾਲ ਮਿਹਨਤ ਕਰਦੇ ਹਨ, ਉਸ ਨੂੰ ਸੰਜੀਵ ਸ਼੍ਰੀਵਾਸਤਵ ਨੇ ਇਕ ਰਾਤ 'ਚ ਹੀ ਪਾ ਲਿਆ ਹੈ। ਹੁਣ ਉਹ ਫੈਨਜ਼ 'ਚ ਘਿਰੇ ਰਹਿੰਦੇ ਹਨ। ਪਿਛਲੇ ਇਕ ਹਫਤੇ ਤੋਂ ਉਨ੍ਹਾਂ ਨੂੰ 1 ਹਜ਼ਾਰ ਤੋਂ ਜ਼ਿਆਦਾ ਫੋਨ ਆਏ ਹਨ। ਹੁਣ ਤਾਂ ਉਨ੍ਹਾਂ ਨੂੰ ਫਿਲਮਾਂ ਤੇ ਟੀ. ਵੀ. ਸ਼ੋਅਜ਼ ਦੇ ਆਫਰ ਵੀ ਆਉਣ ਲੱਗੇ ਹਨ। ਪਿਛਲੇ ਦਿਨੀਂ ਸੁਨੀਲ ਸ਼ੈੱਟੀ ਨੇ ਡੱਬੂ ਅਕਾਊਂਟ ਦਾ ਡਾਂਸ ਦੇਖ ਕੇ ਉਨ੍ਹਾਂ ਨੂੰ ਮੁੰਬਈ ਬੁਲਾਇਆ ਸੀ। ਖਬਰਾਂ ਦੀ ਮੰਨੀਏ ਤਾਂ ਸੁਨੀਲ ਸ਼ੈੱਟੀ ਨੇ ਉਨ੍ਹਾਂ ਨੂੰ 'ਹੇਰਾ ਫੇਰੀ 3' 'ਚ ਕਿਰਦਾਰ ਦਾ ਆਫਰ ਕੀਤਾ ਹੈ। ਇਸ ਤੋਂ ਇਲਾਵਾ ਆਪਣੀ ਕੰਪਨੀ 'F the Couch' ਦੀ ਐਡ ਫਿਲਮ 'ਚ ਵੀ ਕਾਸਟ ਕਰਨ ਬਾਰੇ ਸੋਚ ਰਹੇ ਹਨ। ਹੁਣ ਡੱਬੂ ਅੰਕਲ ਦੇ ਪੈਨਜ਼ ਲਈ ਵੱਡੀ ਖੁਸ਼ਖਬਰੀ ਹੈ। ਹਾਲ ਹੀ 'ਚ ਪ੍ਰੋਫੇਸਰ ਸਾਹਿਬ ਬਾਲੀਵੁੱਡ ਦੇ 'ਦਬੰਗ' ਸਲਮਾਨ ਖਾਨ ਨਾਲ ਮਿਲੇ। ਉਨ੍ਹਾਂ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਸਲਮਾਨ ਖਾਨ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤਆਂ ਹਨ। ਤਸਵੀਰ 'ਚ ਡੱਬੂ ਅੰਕਲ ਦੇ ਬੱਚੇ ਤੇ ਪਤਨੀ ਵੀ ਹੈ। ਇਸ ਤੋਂ ਵੱਡੀ ਖਬਰ ਇਹ ਹੈ ਕਿ ਉਨ੍ਹਾਂ ਨੇ ਵੀਰਵਾਰ ਨੂੰ ਮੁੰਬਈ 'ਚ 'ਦਸ ਕਾ ਦਮ' ਸ਼ੋਅ ਲਈ ਸ਼ੂਟਿੰਗ ਵੀ ਕੀਤੀ। ਆਉਣ ਵਾਲੇ ਐਪੀਸੋਡ 'ਚ ਸੰਜੀਵ ਸ਼੍ਰੀਵਾਸਤਵ, ਸਲਮਾਨ ਖਾਨ ਦੇ ਸ਼ੋਅ 'ਚ ਡਾਂਸ ਕਰਦੇ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਸੰਜੀਵ ਨੂੰ 'ਬਜਾਜ ਇੰਸ਼ੋਰੈਂਸ' ਕੰਪਨੀ ਨੇ ਆਪਣੇ ਵਿਗਿਆਪਨ 'ਚ ਸਾਈਨ ਕੀਤਾ ਹੈ। ਉਂਝ ਸੰਜੀਵ ਆਪਣੀ ਵਧਦੀ ਪ੍ਰਸਿੱਧੀ ਤੋਂ ਇੰਨ੍ਹਾਂ ਪਰੇਸ਼ਾਨ ਹੋ ਗਏ ਹਨ ਕਿ ਉਨ੍ਹਾਂ ਨੇ ਆਪਣਾ ਫੋਨ ਭਰਾ ਨੂੰ ਦੇ ਦਿੱਤਾ ਹੈ। ਹੁਣ ਸੰਜੀਵ ਸਿਰਫ ਬਾਲੀਵੁੱਡ ਤੋਂ ਮਿਲਣ ਵਾਲੇ ਆਫਰਜ਼ 'ਤੇ ਧਿਆਨ ਦੇਣਾ ਚਾਹੁੰਦੇ ਹਨ। ਕੁਝ ਦਿਨ ਪਹਿਲਾਂ ਐੱਮ ਪੀ ਦੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਉਨ੍ਹਾਂ ਨੂੰ ਬੁਲਾ ਕੇ ਸਨਮਾਨਿਤ ਕੀਤਾ ਸੀ। ਉਨ੍ਹਾਂ ਦੇ ਭਰਾ ਨੇ ਦੱਸਿਆ ਕਿ ਸਵੇਰੇ ਉੱਠਦੇ ਹੀ ਮੈਂ ਉਨ੍ਹਾਂ ਨੂੰ ਦਿਨ ਭਰ ਦੇ ਅਪਾਊਂਟਮੈਂਟਸ ਦੀ ਜਾਣਕਾਰੀ ਦਿੰਦਾ ਹਾਂ। ਕਈ ਵਾਰ ਸਵੇਰੇ-ਸਵੇਰੇ ਹੀ ਸਾਨੂੰ ਸ਼ਹਿਰ ਤੋਂ ਬਾਹਰ ਨਿਕਲਣਾ ਪੈਂਦਾ ਹੈ ਜਾਂ ਫਿਰ ਕਿਸੇ ਇੰਟਰਵਿਊ ਲਈ ਤਿਆਰ ਹੋਣਾ ਪੈਂਦਾ ਹੈ। ਅਸੀਂ ਕਿਸੇ ਨੂੰ ਵੀ ਮਨਾਂ ਨਹੀਂ ਕਰਨਾ ਚਾਹੁੰਦੇ।