ਮੁੰਬਈ (ਬਿਊਰੋ) — ਅਦਾਕਾਰਾ ਸਾਨਿਆ ਮਲਹੋਤਰਾ ਉਂਝ ਤਾਂ ਆਪਣੇ ਜਨਮਦਿਨ 'ਤੇ ਬਿਜ਼ੀ ਸੀ ਪਰ ਉਨ੍ਹਾਂ ਨੇ ਰੁੱਝੇ ਸ਼ੈਡਿਊਲ 'ਚੋਂ ਸਮਾਂ ਕੱਢ ਕੇ ਪਾਪਰਾਜ਼ੀ ਨਾਲ ਇਸ ਵਿਸ਼ੇਸ਼ ਦਿਨ ਨੂੰ ਸੈਲੀਬ੍ਰੇਟ ਕੀਤਾ। ਸਾਨਿਆ ਮਲਹੋਤਰਾ ਨੇ ਆਪਣੇ ਘਰ 'ਚ ਫੋਟੋਗ੍ਰਾਫਰਾਂ ਨਾਲ ਮੁਲਾਕਾਤ ਕੀਤੀ ਅਤੇ ਕੇਕ ਕੱਟ ਕੇ ਉਨ੍ਹਾਂ ਨਾਲ ਸਮਾਂ ਬਿਤਾਇਆ ਤੇ ਤਸਵੀਰਾਂ ਕਲਿੱਕ ਕਰਵਾਈਆਂ।
ਸਾਨਿਆ ਕੋਲ ਇਸ ਦਿਨ ਦਾ ਜਸ਼ਨ ਮਨਾਉਣ ਦੇ ਕਈ ਕਾਰਨ ਹਨ ਕਿਉਂਕਿ ਇਹ ਨਾ ਸਿਰਫ ਅਭਿਨੇਤਰੀ ਹੈ ਸਗੋਂ ਸਾਨਿਆ ਨੇ ਅਨੁਰਾਗ ਬਸੁ ਦੇ ਨਿਰਦੇਸ਼ਨ 'ਚ ਬਣ ਰਹੀ ਫਿਲਮ 'ਸ਼ੀਰਸ਼ਕਹੀਨ' ਦਾ ਪਹਿਲਾ ਸ਼ੈਡਿਊਲ ਵੀ ਸ਼ੁਰੂ ਕਰ ਦਿੱਤਾ ਹੈ।
ਅਦਾਕਾਰਾ ਨੂੰ 'ਫੋਟੋਗ੍ਰਾਫ' 'ਚ ਉਸ ਦੇ ਪ੍ਰਦਰਸ਼ਨ ਲਈ ਇਕ ਸ਼ਾਨਦਾਰ ਪ੍ਰਤੀਕਿਰਿਆ ਮਿਲ ਰਹੀ ਹੈ ਤਾਂ ਉੱਥੇ ਹੀ ਸਾਨਿਆ ਦੀ ਆਖਰੀ ਫਿਲਮ ਬਾਕਸ ਆਫਿਸ 'ਤੇ ਇਕ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਬਲਾਕਬਸਟਰ ਹਿੱਟ ਸਾਬਿਤ ਹੋਈ ਸੀ। ਇਸ ਮੌਕੇ 'ਤੇ ਅਦਾਕਾਰਾ ਵ੍ਹਾਈਟ ਤੇ ਬਲੈਕ ਰੰਗ ਦੇ ਜੰਪਸੂਟ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ।
ਜਨਮਦਿਨ ਦਾ ਜਸ਼ਨ ਇੱਥੇ ਹੀ ਨਹੀਂ ਰੁਕਿਆ ਸਗੋਂ ਸਾਨਿਆ ਦੀ 'ਪਟਾਖਾ' ਸਹਿ-ਅਦਾਕਾਰਾ ਨੇ ਦੋਸਤਾਂ ਹੋਰਨਾਂ ਦੋਸਤਾਂ ਨਾਲ ਮਿਲ ਕੇ ਜਨਮਦਿਨ ਦੀ ਸ਼ਾਮ ਅਦਾਕਾਰਾ ਨੂੰ ਸਰਪ੍ਰਾਈਜ਼ ਦਿੱਤਾ, ਜਿਥੇ ਸਾਨਿਆ ਸ਼ੂਟਿੰਗ ਕਰ ਰਹੀ ਸੀ।
ਫਿਲਮ 'ਫੋਟੋਗ੍ਰਾਫ' ਲਈ ਸਾਨਿਆ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ, ਜਿਸ ਦਾ ਪ੍ਰੀਮੀਅਰ ਸਨਡਾਂਸ ਫਿਮਲ ਫੈਸਟੀਵਲ ਤੇ ਬਰਲਿਨ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2019 'ਚ ਕੀਤਾ ਗਿਆ ਸੀ।