ਮੁੰਬਈ (ਬਿਊਰੋ)— ਹਰਿਆਣਾ ਦੀ ਮਸ਼ਹੂਰ ਡਾਂਸਰ ਅਤੇ 'ਬਿੱਗ ਬੌਸ 11' ਦੀ ਸਾਬਕਾ ਮੁਕਾਬਲੇਬਾਜ਼ ਰਹੀ ਸਪਨਾ ਚੌਧਰੀ ਸ਼ੋਅ ਭਾਵੇਂ ਨਾ ਜਿੱਤ ਸਕੀ ਹੋਵੇ ਪਰ ਆਪਣੇ ਡਾਂਸ ਦੇ ਜ਼ੋਰ 'ਤੇ ਉਹ ਲਗਾਤਾਰ ਖਬਰਾਂ 'ਚ ਛਾਈ ਰਹਿੰਦੀ ਹੈ। ਪਹਿਲਾਂ ਤੋਂ ਆਪਣੇ ਡਾਂਸ ਲਈ ਮਸ਼ਹੂਰ ਸਪਨਾ ਹੁਣ ਜਿੱਥੇ ਵੀ ਜਾਂਦੀ ਹੈ, ਉਨ੍ਹਾਂ ਦੇ ਡਾਂਸ ਦੀ ਧੂਮ ਮੱਚ ਜਾਂਦੀ ਹੈ।
ਸੋਸ਼ਲ ਮੀਡੀਆ ਤੋਂ ਲੈ ਕੇ ਹਰ ਪਾਸੇ ਅੱਜਕਲ ਸਪਨਾ ਦੇ ਡਾਂਸ ਦੀ ਹੀ ਚਰਚਾ ਹੈ। ਹਾਲ ਹੀ 'ਚ ਸਪਨਾ ਦੀਆਂ ਕੁਝ ਨਵੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਹਨ, ਜਿਸ 'ਚ ਉਨ੍ਹਾਂ ਦਾ ਬੇਹੱਦ ਹੀ ਖੂਬਸੂਰਤ ਲੁੱਕ ਦਿਖਾਈ ਦੇ ਰਿਹਾ ਹੈ।
ਦਰਅਸਲ ਇਕ ਫੈਸ਼ਨ ਸ਼ੋਅ 'ਚ ਸਪਨਾ ਸ਼ੋਅ ਸਟਾਪਰ ਬਣ ਕੇ ਰੈਂਪ 'ਤੇ ਉੱਤਰੀ, ਜਿਸ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਤਸਵੀਰਾਂ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਸਪਨਾ ਨੇ ਗ੍ਰੇ-ਪਰਪਲ ਕਲਰ ਦਾ ਲਹਿੰਗਾ-ਚੋਲੀ ਪਾਇਆ ਹੋਇਆ ਹੈ, ਜਿਸ 'ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ।
ਡਿਜ਼ਾਈਨਰ ਲਹਿੰਗੇ 'ਚ ਜਦੋਂ ਸਪਨਾ ਰੈਂਪ 'ਤੇ ਉਤਰੀ ਤਾਂ ਉਨ੍ਹਾਂ ਦਾ ਕਾਨਫੀਡੈਂਸ ਦੇਖਣ ਲਾਇਕ ਸੀ।
ਉਹ ਕਿਸੇ ਸੁਪਰਮਾਡਲ ਤੋਂ ਘੱਟ ਨਹੀਂ ਲੱਗ ਰਹੀ ਸੀ।
ਹਾਲ ਹੀ 'ਚ ਸਪਨਾ ਨੇ ਮੇਕਓਵਰ ਕਰਾਇਆ ਸੀ, ਜਿਸ ਦੀਆਂ ਤਸਵੀਰਾਂ ਹਰ ਪਾਸੇ ਵਾਇਰਲ ਹੋਈਆਂ ਸਨ।
ਹੁਣ ਸਪਨਾ ਨੂੰ ਸੂਟ-ਸਲਵਾਰ ਦੀ ਜਗ੍ਹਾ ਜ਼ਿਆਦਾ ਵੈਸਟਰਨ ਡਰੈੱਸਾਂ 'ਚ ਦੇਖਿਆ ਜਾ ਰਿਹਾ ਹੈ।