ਮੁੰਬਈ(ਬਿਊਰੋ)— ਸਪਨਾ ਚੌਧਰੀ ਆਪਣੇ ਡਾਂਸ ਨੂੰ ਲੈ ਕੇ ਤਾਂ ਹਮੇਸ਼ਾ ਹੀ ਚਰਚਾ 'ਚ ਰਹਿੰਦੀ ਹੈ।
ਇਸ ਵਾਰ ਉਹ ਇਕ ਖਾਸ ਵਜ੍ਹਾ ਕਾਰਨ ਸੁਰਖੀਆਂ ਬਟੋਰ ਰਹੀ ਹੈ।
ਹਾਲ ਹੀ 'ਚ ਅਰਸ਼ੀ ਖਾਨ ਨਾਲ ਸਪਨਾ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ।
ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਸਪਨਾ ਜਿਸ ਅਰਸ਼ੀ ਖਾਨ ਨੂੰ ਚੱਪਲ ਨਾਲ ਮਾਰਨ ਲਈ ਤਿਆਰ ਸੀ, ਉਸ ਨਾਲ ਉਹ ਪੋਜ਼ ਦਿੰਦੀ ਦਿਖ ਰਹੀ ਹੈ।
ਆਖਿਰ ਅਜਿਹਾ ਕੀ ਹੋਇਆ ਕਿ ਸਪਨਾ ਸਾਰਾ ਗੁੱਸਾ-ਨਾਰਾਜ਼ਗੀ ਭੁੱਲਾ ਕੇ ਅਰਸ਼ੀ ਦੀ ਕੰਪਨੀ ਨੂੰ ਇਨਜੁਆਏ ਕਰ ਰਹੀ ਹੈ।
ਅਰਸ਼ੀ ਹੀ ਨਹੀਂ ਸਪਨਾ ਨਾਲ ਮਹਿਜ਼ਬੀ ਅਤੇ ਆਕਾਸ਼ ਡਡਲਾਨੀ ਵੀ ਦਿਖ ਰਹੇ ਹਨ।
ਅਸਲ 'ਚ ਇਨ੍ਹਾਂ ਸਾਰਿਆ ਨੂੰ ਸਪਨਾ ਨੇ ਆਪਣੇ ਭਰਾ ਕਰਨ ਦੇ ਵਿਆਹ 'ਚ ਸੱਦਿਆ ਸੀ।
ਵਿਆਹ ਦੇ ਮੌਕੇ 'ਤੇ ਇਨ੍ਹਾਂ ਸਾਰਿਆ ਨੇ ਸੋਸ਼ਲ ਮੀਡੀਆ 'ਤੇ ਕਈ ਤਸਵੀਰਾਂ ਪੋਸਟ ਕੀਤੀਆਂ ਹਨ।
'ਬਿੱਗ ਬੌਸ' 'ਚ ਭਾਵੇਂ ਹੀ ਸਪਨਾ ਦੀ ਕਿਸੇ ਮੁਕਾਬਲੇਬਾਜ਼ ਨਾਲ ਨਾ ਬਣੀ ਹੋਵੇ ਪਰ ਬਾਹਰ ਆ ਕੇ ਉਨ੍ਹਾਂ ਨੇ ਸਭ ਕੁਝ ਭੁਲਾ ਦਿੱਤਾ।
ਭਰਾਂ ਦੇ ਵਿਆਹ ਤੋਂ ਬਾਅਦ ਹੁਣ ਪ੍ਰਸ਼ੰਸਕਾਂ ਨੂੰ ਸਪਨਾ ਦੇ ਵਿਆਹ ਦੀ ਉਡੀਕ ਹੈ ਪਰ ਉਹ ਫਿਲਹਾਲ ਆਪਣੇ ਕਰੀਅਰ 'ਤੇ ਫੋਕਸ ਕਰਨਾ ਚਾਹੁੰਦੀ ਹੈ।