ਮੁੰਬਈ(ਬਿਊਰੋ)- ਹਰਿਆਣਾ ਦੀ ਸਟਾਰ ਡਾਂਸਰ ਅਤੇ ਸਾਰਿਆਂ ਦੀ ਮਨਪਸੰਦੀ ਸਪਨਾ ਚੌਧਰੀ ਦੀ ਜ਼ਿੰਦਗੀ ਵਿਚ ਜਲਦ ਨਵਾਂ ਮੋੜ ਆਉਣ ਵਾਲਾ ਹੈ। ਖਬਰ ਹੈ ਕਿ ਸਪਨਾ ਚੌਧਰੀ ਆਪਣੇ ਕਈ ਫੈਨਜ਼ ਦਾ ਦਿਲ ਤੋੜ ਕੇ ਵਿਆਹ ਦੇ ਬੰਧਨ ਵਿਚ ਬੱਝਣ ਵਾਲੀ ਹੈ। ਹੁਣ ਕੌਣ ਹੈ ਉਹ ਸ਼ਖਸ ਜਿਸ ’ਤੇ ਸਪਨਾ ਚੌਧਰੀ ਦਾ ਦਿਲ ਆਇਆ ਹੈ। ਆਓ ਜਾਣਦੇ ਹਾਂ। ਮੀਡੀਆ ਰਿਪੋਰਟ ਦੀ ਮੰਨੀਏ ਤਾਂ ਸਪਨਾ ਚੌਧਰੀ ਹਰਿਆਣਾ ਦੇ ਇਕ ਲੜਕੇ ਨੂੰ ਡੇਟ ਕਰ ਰਹੀ ਹੈ। ਇਸ ਲੜਕੇ ਨੂੰ ਹਰਿਆਣਾ ਦਾ ਬੱਬੂ ਮਾਨ ਕਿਹਾ ਜਾਂਦਾ ਹੈ। ਇਸ ਲੜਕੇ ਦਾ ਨਾਮ ਵੀਰ ਸਾਹੂ ਦੱਸਿਆ ਜਾ ਰਿਹਾ ਹੈ। ਦੋਵਾਂ ਦੇ ਅਫੇਅਰ ਦੇ ਚਰਚੇ ਅੱਜਕਲ ਸਾਰਿਆਂ ਦੀ ਜ਼ੁਬਾਨ ’ਤੇ ਹੈ।
ਅਜਿਹੇ ਵਿਚ ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਜਲਦ ਹੀ ਆਪਣੇ ਰਿਸ਼ਤੇ ਨੂੰ ਵਿਆਹ ਦਾ ਨਾਮ ਦੇ ਸਕਦੇ ਹਨ। ਇਕ ਇੰਟਰਵਿਊ ਦੌਰਾਨ ਸਪਨਾ ਨੇ ਵੀਰ ਸਾਹੂ ਦੀ ਕਾਫ਼ੀ ਤਾਰੀਫ ਵੀ ਕੀਤੀ ਹੈ। ਉਨ੍ਹਾਂ ਨੇ ਵੀਰ ਨਾਲ ਆਪਣੀ ਪਹਿਲੀ ਮੁਲਾਕਾਤ ਦੇ ਬਾਰੇ ਵਿਚ ਵੀ ਦੱਸਿਆ। ਸਪਨਾ ਨੇ ਕਿਹਾ,‘‘ਵੀਰ ਸਾਫ਼ ਦਿਲ ਦੇ ਹਨ। ਸਾਡੀ ਪਹਿਲੀ ਮੁਲਾਕਾਤ 2015-16 ਵਿਚ ਇਕ ਐਵਾਰਡ ਸ਼ੋਅ ਵਿਚ ਹੋਈ ਸੀ।
ਪਹਿਲੀ ਵਾਰ ਵੀਰ ਨੂੰ ਦੇਖ ਮੈਨੂੰ ਲੱਗਾ ਕਿ ਉਹ ਕਾਫ਼ੀ ਗੁੱਸੇ ਵਾਲੇ ਹਨ ਪਰ ਫਿਰ ਹੌਲੀ-ਹੌਲੀ ਸਾਡੀ ਦੋਸਤੀ ਪਿਆਰ ਵਿਚ ਬਦਲ ਗਈ। ਖਬਰਾਂ ਤਾਂ ਇਹ ਵੀ ਹਨ ਕਿ ਸਪਨਾ ਵੀਰ ਦੀ ਮੰਗਣੀ ਹੋ ਚੁੱਕੀ ਹੈ। ਹਾਲਾਂਕਿ ਅਜੇ ਤਕ ਸਪਨਾ ਚੌਧਰੀ ਦੇ ਵਿਆਹ ਨੂੰ ਲੈ ਕੇ ਸਪਨਾ ਜਾਂ ਉਨ੍ਹਾਂ ਦੀ ਟੀਮ ਵੱਲੋਂ ਕੋਈ ਅਧਿਕਾਰਤ ਕੁਮੈਂਟ ਨਹੀਂ ਆਇਆ ਹੈ। ਨਾਲ ਹੀ ਖ਼ਬਰ 'ਤੇ ਕਿਸੇ ਨੇ ਕੋਈ ਕੁਮੈਂਟ ਨਹੀਂ ਕੀਤਾ ਹੈ