ਮੁੰਬਈ(ਬਿਊਰੋ)— ਹਰਿਆਣਾ ਦੀ ਮਸ਼ਹੂਰ ਡਾਂਸਰ ਅਤੇ 'ਬਿੱਗ ਬੌਸ 11' ਦੀ ਸਾਬਕਾ ਮੁਕਾਬਲੇਬਾਜ਼ ਰਹੀ ਸਪਨਾ ਚੌਧਰੀ ਸ਼ੋਅ ਭਾਵੇਂ ਨਾ ਜਿੱਤ ਸਕੀ ਪਰ ਆਪਣੇ ਡਾਂਸ ਦੇ ਦਮ 'ਤੇ ਉਹ ਲਗਾਤਾਰ ਖਬਰਾਂ 'ਚ ਛਾਈ ਹੋਈ ਹੈ।
ਪਹਿਲਾਂ ਤੋਂ ਆਪਣੇ ਡਾਂਸ ਲਈ ਮਸ਼ਹੂਰ ਸਪਨਾ ਹੁਣ ਜਿੱਥੇ ਵੀ ਜਾਂਦੀ ਹੈ, ਉਨ੍ਹਾਂ ਦੇ ਡਾਂਸ ਦੀ ਧੂਮ ਮੱਚ ਜਾਂਦੀ ਹੈ।
ਸੋਸ਼ਲ ਮੀਡੀਆ ਤੋਂ ਲੈ ਕੇ ਹਰ ਪਾਸੇ ਅੱਜਕਲ ਸਪਨਾ ਦੇ ਡਾਂਸ ਦੇ ਹੀ ਚਰਚੇ ਹਨ। ਸਪਨਾ ਨੇ ਮੇਕਓਵਰ ਕਰਵਾ ਲਿਆ ਹੈ, ਜਿਸ ਦੀਆਂ ਤਸਵੀਰਾਂ ਹਰ ਪਾਸੇ ਵਾਇਰਲ ਹੋ ਰਹੀਆਂ ਹਨ।
ਹਮੇਸ਼ਾ ਟ੍ਰਡੀਸ਼ਨਲ ਅੰਦਾਜ਼ 'ਚ ਦਿਖਣ ਵਾਲੀ ਸਪਨਾ ਅੱਜਕਲ ਹੌਟ ਐਂਡ ਮਾਡਰਨ ਲੁੱਕ 'ਚ ਦਿਖ ਰਹੀ ਹੈ।
ਸਪਨਾ ਨੇ ਆਪਣੇ ਨਵੇਂ ਲੁੱਕ ਦੀਆਂ ਤਸਵੀਰਾਂ ਇੰਸਟਾਗਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਸਪਨਾ ਨੂੰ ਸ਼ੋਅ ਦੌਰਾਨ ਸਲਮਾਨ ਨੇ ਕਈ ਵਾਰ ਉਨ੍ਹਾਂ ਦੇ ਵਧੇ ਹੋਏ ਭਾਰ ਨੂੰ ਲੈ ਕੇ ਟੋਕਿਆ ਸੀ।
ਹੁਣ ਲੱਗਦਾ ਹੈ ਕਿ ਸਪਨਾ ਦੇ ਮੇਕਓਵਰ ਪਿੱਛੇ ਸਲਮਾਨ ਖਾਨ ਹੀ ਹਨ, ਜੋ ਉਨ੍ਹਾਂ ਨੂੰ ਸ਼ੋਅ 'ਚ ਟੋਕਦੇ ਹੁੰਦੇ ਸਨ।
ਸਪਨਾ ਦੇ ਇਸ ਨਵੇਂ ਲੁੱਕ ਨੂੰ ਪ੍ਰਸ਼ੰਸਕ ਖੂਬ ਪਸੰਦ ਕਰ ਰਹੇ ਹਨ।