ਮੁੰਬਈ— ਬਾਲੀਵੁੱਡ ਅਭਿਨੇਤਾ ਸੈਫ ਅਲੀ ਖਾਨ ਦੀ ਬੇਟੀ ਸਾਰਾ ਅਲੀ ਖਾਨ ਕੁਝ ਦਿਨਾਂ ਤੋਂ ਮੁੜ ਸੁਰਖੀਆਂ 'ਚ ਹੈ। ਹਾਲ ਹੀ 'ਚ ਡਿਜ਼ਾਈਨਰ ਅਬੂ ਜਾਨੀ ਤੇ ਸੰਦੀਪ ਖੋਸਲਾ ਦੇ ਫੈਸ਼ਨ ਸ਼ੋਅ ਨੂੰ ਅਟੈਂਡ ਕਰਨ ਸਾਰਾ ਪਹੁੰਚੀ ਸੀ। ਇਸ ਸ਼ੋਅ 'ਚ ਸੋਨਮ ਕਪੂਰ ਵਰਗੀਆਂ ਕਈ ਹਸਤੀਆਂ ਮੌਜੂਦ ਸਨ ਪਰ ਸਭ ਦਾ ਧਿਆਨ ਸਾਰਾ 'ਤੇ ਰਿਹਾ। ਇਹ ਫੈਸ਼ਨ ਸ਼ੋਅ ਦਿੱਲੀ 'ਚ ਆਯੋਜਿਤ ਹੋਇਆ ਸੀ, ਜਿਸ 'ਚ ਸ਼ਿਰਕਤ ਕਰਨ ਸਾਰਾ ਆਪਣੀ ਮਾਂ ਅੰਮ੍ਰਿਤਾ ਨਾਲ ਪਹੁੰਚੀ ਸੀ। ਲਹਿੰਗੇ 'ਚ ਸਾਰਾ ਇੰਨੀ ਖੂਬਸੂਰਤ ਲੱਗ ਰਹੀ ਸੀ ਕਿ ਸਾਰਿਆਂ ਦੀਆਂ ਨਜ਼ਰਾਂ ਉਸ 'ਤੇ ਟਿਕ ਗਈਆਂ। ਇਸ ਫੈਸ਼ਨ ਸ਼ੋਅ 'ਚ ਸ਼ਵੇਤਾ ਬੱਚਨ ਤੇ ਜਯਾ ਬੱਚਨ ਵੀ ਪਹੁੰਚੀਆਂ ਸਨ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਸਾਰਾ ਟ੍ਰਡੀਸ਼ਨਲ ਲੁੱਕ 'ਚ ਨਜ਼ਰ ਆ ਚੁੱਕੀ ਹੈ। ਸਾਰਾ ਫਿਲਮ 'ਕੇਦਾਰਨਾਥ' ਨਾਲ ਬਾਲੀਵੁੱਡ ਡੈਬਿਊ ਕਰਨ ਵਾਲੀ ਹੈ। ਇਸ ਫਿਲਮ 'ਚ ਉਸ ਨਾਲ ਸੁਸ਼ਾਂਤ ਸਿੰਘ ਰਾਜਪੂਤ ਹਨ।