ਮੁੰਬਈ (ਬਿਊਰੋ)— ਸਾਰਾ ਅਲੀ ਖਾਨ ਦੀ ਪਹਿਲੀ ਬਾਲੀਵੁੱਡ ਫਿਲਮ 'ਕੇਦਾਰਨਾਥ' ਨੂੰ ਰਿਲੀਜ਼ ਹੋਣ 'ਚ ਅਜੇ ਸਮਾਂ ਬਾਕੀ ਹੈ ਪਰ ਡੈਬਿਊ ਤੋਂ ਪਹਿਲਾਂ ਹੀ ਉਸਨੇ ਫਿਲਮ 'ਸਿੰਬਾ' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ। ਹੁਣ ਚਰਚਾ ਹੈ ਕਿ ਉਹ ਵਰੁਣ ਨਾਲ ਇਕ ਫਿਲਮ 'ਚ ਕੰਮ ਕਰ ਸਕਦੀ ਹੈ। ਸੂਤਰਾਂ ਮੁਤਾਬਕ ਸਾਰਾ ਅਲੀ ਖਾਨ ਅਤੇ ਵਰੁਣ ਧਵਨ ਦੀ ਜੋੜੀ ਪ੍ਰਸ਼ੰਸਕਾਂ ਨੂੰ ਦੇਖਣ ਲਈ ਮਿਲ ਸਕਦੀ ਹੈ। ਵਰੁਣ ਦਾ ਭਰਾ ਰੋਹਿਤ ਧਵਨ ਆਪਣੇ ਪਹਿਲੇ ਪ੍ਰੋਡਕਸ਼ਨ 'ਚ ਫਿਲਮ ਬਣਾਉਣ ਜਾ ਰਿਹਾ ਹੈ। ਜਿਸ ਦਾ ਨਿਰਦੇਸ਼ਨ ਡੇਵਿਡ ਧਵਨ ਕਰਨਗੇ। ਫਿਲਹਾਲ ਫਿਲਮ ਦੀ ਸਕ੍ਰਿਪਟ 'ਤੇ ਕੰਮ ਚੱਲ ਰਿਹਾ ਹੈ। ਅਗਲੇ ਸਾਲ ਫਰਵਰੀ ਤੱਕ ਸ਼ੂਟਿੰਗ ਸ਼ੁਰੂ ਹੋ ਸਕਦੀ ਹੈ।
ਦੱਸਣਯੋਗ ਹੈ ਕਿ ਧਵਨ ਪਰਿਵਾਰ ਆਪਣਾ ਪ੍ਰੋਡਕਸ਼ਨ ਹਾਊਸ ਖੋਲ੍ਹਣ ਜਾ ਰਹੀ ਹੈ। ਇਸ ਬੈਨਰ ਹੇਠ ਜੋ ਵੀ ਪਹਿਲੀ ਫਿਲਮ ਬਣੇਗੀ ਉਹ ਨੰਬਰ 1 ਸੀਰੀਜ਼ ਦੇ ਤਹਿਤ ਹੋਵੇਗੀ। ਜਾਣਕਾਰੀ ਮੁਤਾਬਕ ਪ੍ਰੋਡਕਸ਼ਨ ਹਾਊਸ ਨੂੰ ਡੇਵਿਡ ਧਵਨ ਹੈਂਡਲ ਕਰਨਗੇ। ਇਸ ਬੈਨਰ ਦੀ ਪਹਿਲੀ ਫਿਲਮ ਐਕਸ਼ਨ ਕਾਮੇਡੀ ਹੋਵੇਗੀ। ਇਸ 'ਚ ਹੀਰੋ ਦੇ ਤੌਰ 'ਤੇ ਵਰੁਣ ਨੂੰ ਲਿਆ ਜਾਵੇਗਾ।