ਨਵੀਂ ਦਿੱਲੀ (ਬਿਊਰੋ) — ਬਾਲੀਵੁੱਡ ਗਲਿਆਰਿਆਂ 'ਚ ਕਾਰਤਿਕ ਆਰੀਅਨ ਤੇ ਸਾਰਾ ਅਲੀ ਖਾਨ ਦੇ ਰਿਲੇਸ਼ਨਸ਼ਿਪ ਦੇ ਚਰਚੇ ਜ਼ੋਰਾਂ 'ਤੇ ਹਨ। ਹਰ ਜਗ੍ਹਾ ਸਾਰਾ ਤੇ ਕਾਰਤਿਕ ਨੂੰ ਇਕੱਠੇ ਦੇਖਿਆ ਜਾਂਦਾ ਹੈ। ਦੋਵਾਂ ਦੀ ਕੈਮਿਸਟਰੀ ਜ਼ਬਰਦਸਤ ਹੈ ਪਰ ਨਾ ਸਿਰਫ ਸਾਰਾ ਨਾਲ ਸਗੋਂ ਭਰਾ ਇਬ੍ਰਾਹਿਮ ਅਲੀ ਖਾਨ ਨਾਲ ਵੀ ਕਾਰਤਿਕ ਦਾ ਸਪੈਸ਼ਲ ਬਾਂਡ ਹੈ।
ਸਾਰਾ ਅਲੀ ਖਾਨ ਸ਼ੁੱਕਰਵਾਰ ਨੂੰ ਫੈਸ਼ਨ ਸ਼ੋਅ 'ਚ ਰੈਂਪ 'ਤੇ ਉਤਰੀ। ਇਥੇ ਉਨ੍ਹਾਂ ਨੇ ਆਪਣੀ ਖੂਬਸੂਰਤੀ ਅਦਾਵਾਂ ਦੇ ਜਲਵੇ ਬਿਖੇਰੇ। ਗੋਲਡਨ ਕਲਰ ਦੇ ਲਹਿੰਗੇ 'ਚ ਸਾਰਾ ਅਲੀ ਖਾਨ ਕਾਫੀ ਖੂਬਸੂਰਤ ਲੱਗ ਰਹੀ ਹੈ।
ਸਾਰਾ ਅਲੀ ਖਾਨ ਦੇ ਭਰਾ ਇਬ੍ਰਾਹਿਮ ਤੇ ਕਾਰਤਿਕ ਵੀ ਉਸ ਨੂੰ ਚੇਅਰ ਕਰਨ ਪਹੁੰਚੇ ਸਨ। ਈਵੈਂਟ ਦੀਆਂ ਕੁਝ ਤਸਵੀਰਾਂ 'ਚ ਇਬ੍ਰਾਹਿਮ ਤੇ ਕਾਰਤਿਕ ਦੀ ਖਾਸ ਬਾਂਡਿੰਗ ਨਜ਼ਰ ਆ ਰਹੀ ਹੈ।
ਦੱਸਣਯੋਗ ਹੈ ਕਿ ਫਿਲਮ ਮੇਕਰ ਕਰਨ ਜੌਹਰ ਦੇ ਸ਼ੋਅ 'ਕੌਫੀ ਵਿਦ ਕਰਨ' 'ਚ ਸਾਰਾ ਅਲੀ ਖਾਨ ਨੇ ਕਾਰਤਿਕ ਆਰਿਅਨ 'ਤੇ ਆਪਣੇ ਕਰੱਸ਼ ਦਾ ਖੁਲਾਸਾ ਕੀਤਾ ਸੀ।
ਇਸ ਤੋਂ ਬਾਅਦ ਰਣਵੀਰ ਸਿੰਘ ਨੇ ਇਕ ਐਵਾਰਡ ਨਾਈਟ 'ਚ ਦੋਵਾਂ ਨੂੰ ਇੰਟਰਡਿਊਸ ਕਰਵਾਇਆ ਸੀ। ਉਦੋਂ ਤੋਂ ਕਾਰਤਿਕ ਤੇ ਸਾਰਾ ਸੁਰਖੀਆਂ 'ਚ ਛਾਏ ਹੋਏ ਹਨ।
ਕਾਰਤਿਕ ਤੇ ਸਾਰਾ ਅਲੀ ਖਾਨ ਇਮਤਿਆਜ ਅਲੀ ਦੀ ਫਿਲਮ 'ਲਵ ਆਜਕਲ 2' 'ਚ ਨਜ਼ਰ ਆਉਣ ਵਾਲੇ ਹਨ।
ਫਿਲਮ ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ। ਇਹ ਫਿਲਮ ਸਾਲ 2009 'ਚ ਆਈ ਫਿਲਮ 'ਲਵ ਆਜਕਲ' ਦਾ ਸੀਕਵਲ ਹੈ।
