ਜਲੰਧਰ(ਬਿਊਰੋ)— ਪੰਜਾਬੀ ਗੀਤਾਂ ਦੀ ਮਸ਼ਹੂਰ ਮਾਡਲ ਤੇ ਗਾਇਕਾ ਸਾਰਾ ਗੁਰਪਾਲ ਹਮੇਸ਼ਾ ਹੀ ਸੋਸ਼ਲ ਮੀਡੀਆ 'ਤੇ ਕੁਝ ਨਾ ਕੁਝ ਪੋਸਟ ਕਰਕੇ ਚਰਚਾ 'ਚ ਬਣੀ ਰਹਿੰਦੀ ਹੈ। ਸਾਰਾ ਗੁਰਪਾਲ ਨੇ ਹਾਲ ਹੀ 'ਚ ਨਵੀਂ ਕਾਰ ਖਰੀਦੀ ਹੈ। ਇਸ ਦਾ ਇਕ ਵੀਡੀਓ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ ਨਾਲ ਸਾਰਾ ਨੇ ਇਕ ਕੈਪਸ਼ਨ ਵੀ ਦਿੱਤਾ ਹੈ।
ਸਾਰਾ ਨੇ ਲਿਖਿਆ,''ਸ਼ੁੱਕਰ ਹੈ ਪ੍ਰਮਾਤਮਾ ਦਾ ਹਰ ਉਸ ਸਿੰਗਲ ਚੀਜ਼ ਵਾਸਤੇ ਜੋ ਉਸ ਨੇ ਮੈਨੂੰ ਦਿੱਤੀ। ਮੈਂ ਬਹੁਤ ਹੀ ਭਾਵੁਕ ਹਾਂ ਇਨ੍ਹਾਂ ਪਲਾਂ ਦੌਰਾਨ ਅਤੇ ਮੈਂ ਪ੍ਰਮਾਤਮਾ ਵੱਲੋਂ ਇਸ ਦਾਤ ਦੀ ਸ਼ਬਦਾਂ 'ਚ ਖੁਸ਼ੀ ਬਿਆਨ ਨਹੀਂ ਕਰ ਸਕਦੀ। ਸੁਣਿਆ ਸੀ ਸੁਪਨੇ ਪੂਰੇ ਹੁੰਦੇ ਆ ਅੱਜ ਇਕ ਹੋਰ ਸੁਪਨਾ ਪੂਰਾ ਹੋ ਗਿਆ ਸ਼ੁੱਕਰ ਆ ਵਾਹਿਗੁਰੂ ਜੀ।''
ਦੱਸਣਯੋਗ ਹੈ ਕਿ ਸਾਰਾ ਗੁਰਪਾਲ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦੇ ਚੁੱਕੀ ਹੈ। ਇਸ ਤੋਂ ਇਲਾਵਾ ਉਹ ਮਾਡਲਿੰਗ 'ਚ ਕਾਫੀ ਕਮਾਲ ਦਿਖਾ ਚੁੱਕੀ ਹੈ।