ਮੁੰਬਈ(ਬਿਊਰੋ)— ਹਾਲ ਹੀ 'ਚ ਪਾਲੀਵੁੱਡ ਅਦਾਕਾਰਾ ਤੇ ਟੀ. ਵੀ. ਦੀ ਮਸ਼ਹੂਰ ਨੂੰਹ ਸਰਗੁਣ ਮਹਿਤਾ ਦੇ ਭਰਾ ਪੁਲਕਿਤ ਦਾ ਵਿਆਹ ਗੋਆ 'ਚ ਆਯੋਜਿਤ ਕੀਤਾ ਗਿਆ।
ਸਰਗੁਣ ਨੇ ਇਸ ਵੈਡਿੰਗ ਦੀਆਂ ਕਾਫੀ ਤਸਵੀਰਾਂ ਆਪਣੇ ਇੰਸਟਾਗਰਾਮ 'ਤੇ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਸਰਗੁਣ ਦੀਆਂ ਖੂਬਸੂਰਤ ਰਿਵਾਇਤੀ ਲਹਿੰਗੇ ਤੋਂ ਲੈ ਕੇ ਕਾਕਟੇਲ ਪਾਰਟੀ 'ਚ ਵੈਸਟਰਨ ਲੁੱਕ 'ਚ ਕਾਫੀ ਗਾਰਜੀਅਸ ਤਸਵੀਰਾਂ ਹਨ।
ਵੈਡਿੰਗ 'ਚ ਸਰਗੁਣ ਨੇ ਜਿੱਥੇ ਨਤਾਸ਼ਾ ਦਲਾਲ ਦੇ ਡਿਜ਼ਾਈਨ ਕੀਤੇ ਆਊਟਫਿੱਟ ਪਹਿਨੇ ਤਾਂ ਉੱਥੇ ਉਨ੍ਹਾਂ ਦੇ ਪਤੀ ਤੇ ਐਕਟਰ ਰਵੀ ਦੁਬੇ ਡਿਜ਼ਾਈਨਰ ਪ੍ਰਣਵ ਸੂਦ ਦੇ ਆਊਟਫਿੱਟ 'ਚ ਨਜ਼ਰ ਆਏ।
ਇਸ ਦੌਰਾਨ ਟੀ. ਵੀ. ਐਕਟਰ ਰਿਥਵਿਕ ਧੰਨਜਾਨੀ, ਆਸ਼ਾ ਨੇਗੀ ਤੇ ਰਿਧੀ ਡੋਗਰਾ ਵੀ ਨਜ਼ਰ ਆਈ।
ਦੱਸਣਯੋਗ ਹੈ ਕਿ ਸਰਗੁਣ ਨੇ ਇੰਸਟਾਗਰਾਮ 'ਤੇ ਸੰਗੀਤ ਸੈਰੇਮਨੀ ਦੇ ਕਈ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ।
ਇਸ 'ਚ ਉਹ ਪਤੀ ਰਵੀ ਦੁਬੇ ਤੇ ਦੋਸਤਾਂ ਦੇ ਨਾਲ ਰੱਜ ਕੇ ਡਾਂਸ ਕਰਦੀ ਨਜ਼ਰ ਆਈ।
ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਰਵੀ ਦੁਬੇ ਤੇ ਸਰਗੁਣ ਮਹਿਤਾ ਨੂੰ ਹਾਲ ਹੀ 'ਚ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਸਪੈਸ਼ਲ ਗੈਸਟ ਦੇ ਤੌਰ 'ਤੇ ਦੇਖਿਆ ਗਿਆ ਸੀ।