ਮੁੰਬਈ (ਬਿਊਰੋ) - ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ, ਡਾਇਰੈਕਟਰ ਤੇ ਪ੍ਰੋਡਿਊਸਰ ਸਤੀਸ਼ ਕੌਸ਼ਿਕ ਨੇ ਬੀਤੇ ਦਿਨ ਮੁੰਬਈ ਵਿਚ ਆਪਣਾ 63ਵਾਂ ਜਨਮਦਿਨ ਸੈਲੀਬ੍ਰੈਟ ਕੀਤਾ। ਸਤੀਸ਼ ਕੌਸ਼ਿਕ ਨੇ ਆਪਣੇ ਜਨਮਦਿਨ ਦੀ ਇਕ ਛੋਟੀ ਜਿਹੀ ਪਾਰਟੀ ਆਯੋਜਿਤ ਕੀਤੀ, ਜਿਸ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆ ਨੇ ਸ਼ਿਰਕਤ ਕੀਤੀ।
ਇਸ ਤੋਂ ਇਲਾਵਾ ਬਾਲੀਵੁੱਡ ਫਿਲਮਾਂ ਦੇ ਪ੍ਰੋਡਿਊਸਰ ਤੇ ਡਾਇਰੈਕਟਰ ਇਸ ਪਾਰਟੀ ਦਾ ਹਿੱਸਾ ਬਣੇ ਅਤੇ ਸਤੀਸ਼ ਕੌਸ਼ਿਕ ਨੂੰ ਵਧਾਈ ਦਿੱਤੀ।
ਸਤੀਸ਼ ਕੌਸ਼ਿਕ ਦੀ ਜਨਮਦਿਨ ਪਾਰਟੀ 'ਚ ਪਦਮਨੀਂ ਕੋਲਾਪੂਰੀ, ਰਵੀ ਸ਼ੰਕਰ, ਗੋਬਿੰਦ ਨਾਮਦੇਵ, ਡਾਇਰੈਕਟਰ ਮਧੁਰ ਭੰਡਾਰਕਰ ਤੇ ਅਬਾਸ ਮਸਤਾਨ ਸਮੇਤ ਹੋਰ ਕਈ ਫਿਲਮੀ ਜਗਤ ਨਾਲ ਜੁੜੀਆਂ ਸਖਸ਼ੀਅਤਾਂ ਮੌਜੂਦ ਰਹੀਆਂ।
ਸਤੀਸ਼ ਕੌਸ਼ਿਕ ਦੇ ਜਨਮਦਿਨ ਮੌਕੇ ਖਾਸ ਕੇਕ ਤਿਆਰ ਕਰਵਾਇਆ ਗਿਆ, ਜਿਸ ਨੂੰ ਉਨ੍ਹਾਂ ਦੀਆਂ ਫਿਲਮਾਂ ਦੀਆਂ ਤਸਵੀਰਾਂ ਨਾਲ ਸਜਾਇਆ ਗਿਆ।
ਦੱਸ ਦਈਏ ਕਿ ਸਤੀਸ਼ ਕੌਸ਼ਿਕ ਬਾਲੀਵੁੱਡ ਦਾ ਚਰਚਿਤ ਨਾਂ ਹੈ। ਉਨ੍ਹਾਂ ਨੇ ਬਤੌਰ ਡਾਇਰੈਕਟਰ ਭਾਰਤੀ ਸਿਨੇਮਾ ਨੂੰ 'ਹਮ ਆਪਕੇ ਦਿਲ ਮੈਂ ਰਹੇਤੇ ਹੈ', 'ਹਮਾਰਾ ਦਿਲ ਆਪਕੇ ਪਾਸ ਹੈ', 'ਤੇਰੇ ਨਾਮ', 'ਵਧਾਈ ਹੋ', ਤੇ 'ਕਰਜ਼' ਵਰਗੀਆਂ ਕਈ ਹਿੱਟ ਫਿਲਮਾਂ ਦਿੱਤੀਆਂ।
ਬਤੌਰ ਐਕਟਰ ਉਨ੍ਹਾਂ ਦੀਆਂ ਫਿਲਮਾਂ 'ਮਿਸਟਰ ਇੰਡੀਆ', 'ਦੀਵਾਨਾ ਮਸਤਾਨਾ', 'ਰਾਮ ਲਖਨ', 'ਸਵਰਗ', 'ਜਮਾਈ ਰਾਜਾ' ਤੇ 'ਉੜਤਾ ਪੰਜਾਬ' ਵਰਗੀਆਂ ਹਿੱਟ ਫਿਲਮਾਂ ਦਰਸ਼ਕਾਂ ਦੀ ਝੋਲੀ ਪਾਇਆ ਹੈ।
