ਮੁੰਬਈ (ਬਿਊਰੋ) - ਦੋ ਸਾਲ ਪਹਿਲਾ ਅੱਜ ਦੇ ਦਿਨ ਯਾਨੀਕਿ 28 ਅਪ੍ਰੈਲ ਨੂੰ ਹਿੱਟ ਫਿਲਮ 'ਬਾਹੁਬਲੀ 2' ਰਿਲੀਜ਼ ਹੋਈ ਸੀ। ਇਸ ਫਿਲਮ ਨੇ ਜਿੱਥੇ ਕਮਾਈ ਦੇ ਨਵੇਂ ਰਿਕਾਰਡਜ਼ ਕਾਇਮ ਕੀਤੇ, ਉਥੇ ਹੀ ਇਸ ਫਿਲਮ ਨੇ ਕਈ ਕਲਾਕਾਰ ਨੂੰ ਵੱਖਰੀ ਪਛਾਣ ਦਿਵਾਈ। 'ਬਾਹੁਬਲੀ 2' ਦੀ ਇਕ ਲਾਈਨ 'ਕਟੱਪਾ ਨੇ ਬਾਹੁਬਲੀ ਕੋ ਕਿਉਂ ਮਾਰਾ' ਤਾਂ ਤੁਹਾਨੂੰ ਜ਼ਰੂਰ ਯਾਦ ਹੋਣੀ ਹੈ। ਸੋ ਆਓ ਦੱਸਦੇ ਹਾਂ ਤੁਹਾਨੂੰ ਉਸ ਕਟੱਪਾ ਬਾਰੇ:-
'ਬਾਹੁਬਲੀ' ਅਤੇ 'ਬਾਹੁਬਲੀ 2' ਦਾ ਮਹੱਤਵਪੂਰਣ ਹਿੱਸਾ ਰਹੇ ਕਟੱਪਾ ਦਾ ਅਸਲ ਨਾਂ ਸਤਿਯਰਾਜ ਹੈ। ਉਹ ਤਾਮਿਲ ਫਿਲਮਾਂ ਦੇ ਸੁਪਰਸਟਾਰ ਹਨ। ਉਹ 500 ਤੋਂ ਵੱਧ ਫਿਲਮਾਂ ਵਿਚ ਕੰਮ ਕਰ ਚੁੱਕੇ ਹਨ। ਹਾਲਾਂਕਿ ਬਾਲੀਵੁੱਡ ਕਲਾਕਾਰ ਇਨ੍ਹਾਂ ਫਿਲਮਾਂ 'ਚ ਕੰਮ ਨਹੀ ਸਕੇ ਪਰ ਸਤਿਯਰਾਜ ਨੇ ਇਹ ਕਾਰਨਾਮਾ ਕਰਕੇ ਦਿਖਾਇਆ ਸੀ। 62 ਸਾਲਾਂ ਦੇ ਸਤਿਯਰਾਜ ਨੇ 1978 ਵਿਚ ਆਪਣੇ ਫਿਲਮੀਂ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਉਨ੍ਹਾਂ ਦੇ ਮਾਤਾ ਜੀ ਨਹੀਂ ਚਾਹੁੰਦੇ ਸਨ ਕਿ ਸਤਿਯਰਾਜ ਫਿਲਮਾਂ ਵਿਚ ਕੰਮ ਕਰੇ ਪਰ ਸਤਿਯਰਾਜ ਦੀ ਜਿੱਦ ਨੇ ਅੱਜ ਉਨ੍ਹਾਂ ਨੂੰ ਇਸ ਮੁਕਾਮ 'ਤੇ ਪਹੁੰਚਾ ਦਿੱਤਾ। ਅੱਜ ਸਾਰਾ ਭਾਰਤ ਉਨ੍ਹਾਂ ਨੂੰ ਕਟੱਪਾ ਦੇ ਨਾਂ ਨਾਲ ਜਾਣਦਾ ਹੈ।
ਦੱਸ ਦਈਏ ਕਿ ਸਤਿਯਰਾਜ ਨੂੰ 60 ਸਾਲ ਦੀ ਉਮਰ ਵਿਚ 'ਬਾਹੁਬਲੀ 2' ਨੇ ਖਾਸ ਪਛਾਣ ਦਿਵਾਈ, ਜੋ ਕਿ ਉਨ੍ਹਾਂ ਨੂੰ ਹੁਣ ਤੱਕ ਦੀਆਂ ਕੀਤੀਆਂ ਫਿਲਮਾਂ ਨਾ ਦਿਵਾ ਸਕੀਆਂ। ਦਰਸ਼ਕ ਉਨ੍ਹਾਂ ਨੂੰ ਕਟੱਪਾ ਦੇ ਕਿਰਦਾਰ ਵਿਚ ਕਦੇ ਵੀ ਨਹੀਂ ਭੁੱਲ ਸਕਦੇ। ਸਤਿਯਰਾਜ ਨੇ 'ਅੰਨਾਕੀਲੀ' ਫਿਲਮ ਰਾਹੀਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।