ਮੁੰਬਈ— ਬੀਤੇ ਸੋਮਵਾਰ ਹੀ ਹਾਲੀਵੁੱਡ ਸਟਾਰ ਸੇਲੇਨਾ ਗੋਮਜ਼ ਨੇ ਆਪਣਾ 25ਵਾਂ ਜਨਮਦਿਨ ਮਨਾਇਆ। ਸੋਮਵਾਰ ਉਨ੍ਹਾਂ ਨੂੰ ਬਕੈਲ ਗਾਊਨ 'ਚ ਸਪਾਟ ਕੀਤਾ ਗਿਆ, ਜਿਸ 'ਚ ਉਹ ਕਾਫੀ ਬੋਲਡ ਅਤੇ ਸੈਕਸੀ ਲੱਗ ਰਹੀ ਸੀ।
ਜਾਣਕਾਰੀ ਮੁਤਾਬਕ ਅਮਰੀਕੀ ਅਦਾਕਾਰਾ ਅਤੇ ਗਾਇਕਾ ਸੇਲੇਨਾ ਗੋਮਜ਼ ਨੇ ਬੀਤੇ ਦਿਨੀਂ ਆਪਣਾ ਜਨਮਦਿਨ ਮਨਾਇਆ। 22 ਜੁਲਾਈ 1992 'ਚ ਜਨਮੀ ਸੇਲੇਨਾ ਨੇ ਛੋਟੀ ਉਮਰ 'ਚ ਹੀ ਐਂਟਰਟੇਨਮੈਂਟ ਦੀ ਦੁਨੀਆ 'ਚ ਕਦਮ ਰੱਖਿਆ।
ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਨੂੰ ਡਿਜ਼ਨੀ ਚੈਨਲ ਦੇ ਐਮੀ ਪੁਰਸਕਾਰ ਵਿਜੇਤਾ ਟੈਲੀਵਿਜ਼ਨ ਸੀਰੀਅਲ ਵਿਜ਼ਾਰਡ ਆਫ ਵੇਵਰਲੀ ਪਲੇਸ 'ਚ ਐਲੇਕਸ ਰੂਸੋ ਦੀ ਭੁਮਿਕਾ ਲਈ ਜਾਣਿਆ ਜਾਂਦਾ ਹੈ।
ਸੇਲੇਨਾ ਨੇ ਡਿਜ਼ਨੀ ਚੈਨਲ ਦੀ ਸੀਰੀਜ਼ 'ਹੈਨਾ ਮੋਨਟੈਨਾ' ਲਈ ਵੀ ਕੰਮ ਕੀਤਾ ਹੈ। ਇਸ ਸੀਰੀਅਲ ਨੂੰ ਕਮਰਸ਼ੀਅਲ ਸਕਸੈੱਸ ਮਿਲਣ ਦੇ ਨਾਲ-ਨਾਲ ਆਲੋਚਕਾਂ ਦੀ ਵੀ ਪ੍ਰਸ਼ੰਸਾ ਮਿਲੀ। ਸੇਲੇਨਾ ਨੂੰ ਸੀਰੀਅਲ ਅਤੇ ਫਿਲਮਾਂ 'ਚ ਬਿਹਤਰੀਨ ਅਦਾਕਾਰੀ ਲਈ ਕਈ ਐਵਾਰਡ ਵੀ ਮਿਲੇ ਹਨ।
ਸੇਲੇਨਾ ਜ਼ਿੰਦਗੀ ਨੂੰ ਮਸਤੀ ਨਾਲ ਜੀਊਣ ਅਤੇ ਆਪਣੇ ਬੋਲਡ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਆਪਣੀ ਤਸਵੀਰ ਅਪਲੋਡ ਕਰਦੀ ਰਹਿੰਦੀ ਹੈ।