ਮੁੰਬਈ (ਬਿਊਰੋ)— ਮਿੱਠੀ ਆਵਾਜ਼ ਅਤੇ ਆਪਣੀ ਪਿਆਰੀ ਜਿਹੀ ਸਮਾਈਲ ਲਈ ਮਸ਼ਹੂਰ ਬਾਲੀਵੁੱਡ ਗਾਇਕ ਸ਼ਾਨ ਇਕ ਕੰਸਰਟ ਲਈ ਅਸਾਮ ਪਹੁੰਚੇ ਹੋਏ ਸਨ। ਇੱਥੇ ਗੁਵਾਹਾਟੀ 'ਚ ਆਪਣੇ ਇਕ ਪ੍ਰੋਗਰਾਮ 'ਚ ਉਨ੍ਹਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ।
ਅਜਿਹਾ ਇਸ ਲਈ ਹੋਇਆ ਕਿਉਂਕਿ ਉੱਥੇ ਆਏ ਦਰਸ਼ਕ ਅਚਾਨਕ ਭੜਕ ਗਏ, ਜਿਸ ਕਾਰਨ ਉਨ੍ਹਾਂ ਨੇ ਪੱਥਰਬਾਜ਼ੀ ਤੇ ਭੰਨ-ਤੋੜ ਸ਼ੁਰੂ ਕਰ ਦਿੱਤੀ।
ਇਸ ਗੁੱਸੇ ਦੀ ਵਜ੍ਹਾ ਕਾਰਨ ਸੀ ਸ਼ਾਨ ਦਾ ਬੰਗਾਲੀ ਗੀਤ। ਜਿਵੇਂ ਹੀ ਸ਼ਾਨ ਨੇ ਗੀਤ ਗਾਉਣਾ ਸ਼ੁਰੂ ਕੀਤਾ ਤਾਂ ਲੋਕ ਚੀਕਾਂ ਮਾਰਦੇ ਹੋਏ ਕਹਿਣ ਲੱਗੇ ਕਿ ਇਹ ਅਸਾਮ ਹੈ ਬੰਗਾਲ ਨਹੀਂ। ਇਸੇ ਕਾਰਨ ਉੱਥੇ ਲੋਕਾਂ ਨੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ।
ਇਸ ਸ਼ੋਅ ਦੀ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਸ 'ਚ ਸ਼ਾਨ ਲੋਕਾਂ ਤੋਂ ਅਪੀਲ ਕਰਦੇ ਦਿਖਾਈ ਦੇ ਰਹੇ ਹਨ ਕਿ ਇਸ ਨੂੰ ਰਾਜਨੀਤੀ ਨਾਲ ਨਾ ਜੋੜਣ। ਕਦੇ-ਕਦੇ ਕਿਸੇ ਕਲਾਕਾਰ ਨਾਲ ਅਜਿਹਾ ਨਾ ਕਰੋ।
ਇਕ ਖਬਰ ਮੁਤਾਬਕ ਹੰਗਾਮੇ ਵੱਧਦੇ ਦੇਖ ਸ਼ਾਨ ਬੈਕ ਸਟੇਜ ਚਲੇ ਗਏ। ਉਨ੍ਹਾਂ ਨੇ ਦਰਸ਼ਕਾਂ ਨੂੰ ਦੱਸਿਆ ਕਿ ਉਹ ਬੁਖਾਰ ਹੋਣ ਦੇ ਬਾਵਜੂਦ ਪਰਫਾਰਮ ਕਰਨ ਲਈ ਆਏ ਪਰ ਕਿਸੇ 'ਤੇ ਕੋਈ ਅਸਰ ਨਹੀਂ ਸੀ।
ਸ਼ਾਨ ਨੇ ਸਟੇਜ ਛੱਡਿਆ ਤਾਂ ਆਯੋਜਕ ਉਨ੍ਹਾਂ ਨੂੰ ਸਮਝਾਉਣ ਲੱਗੇ। ਇਸ ਤੋਂ ਬਾਅਦ ਸ਼ਾਨ ਮੁੜ ਸਟੇਜ ਤੇ ਵਾਪਸ ਆ ਗਏ।