ਮੁੰਬਈ(ਬਿਊਰੋ)— ਹੁਣ ਤੱਕ ਤਾਂ ਤੁਸੀਂ ਜਾਣ ਗਏ ਹੋਵੋਗੇ ਕਿ ਇੰਟਰਨੈਸ਼ਨਲ ਪੌਪ ਗਾਇਕ ਜੇਨ ਮਲਿਕ ਬਾਲੀਵੁੱਡ ਦੇ ਕਿੰਗ ਖਾਨ ਸ਼ਾਹਰੁਖ ਖਾਨ ਤੇ ਉਨ੍ਹਾਂ ਦੀ ਅਦਾਕਾਰੀ ਦੇ ਕਿੰਨੇ ਵੱਡੇ ਫੈਨ ਹਨ। ਹਾਲ ਹੀ 'ਚ ਇਸ ਪੌਪ ਗਾਇਕ ਨੇ ਆਪਣੀ ਪ੍ਰੇਮਿਕਾ 'ਗੀਗੀ ਹਦੀਦ' ਨੂੰ ਸ਼ਾਹਰੁਖ ਖਾਨ ਦੀ ਫਿਲਮ 'ਦੇਵਦਾਸ' ਦਿਖਾਈ ਪਰ ਜਦੋਂ ਗੱਲ ਖੁੱਲ੍ਹੀ ਕਿ ਪਹਿਲਾਂ ਤਾਂ ਅਜਿਹਾ ਕਦੇ ਨਹੀਂ ਹੋਇਆ।
ਜੇਨ ਸ਼ਾਹਰੁਖ ਦੇ ਫੈਨ ਤਾਂ ਦੂਰ ਉਨ੍ਹਾਂ ਨੂੰ ਖਾਸ ਪਸੰਦ ਵੀ ਨਹੀਂ ਕਰਦੇ। ਜੀ ਹਾਂ ਜੇਨ ਨੇ ਖੁਦ ਮੰਨਿਆ ਹੈ ਕਿ ਜਦੋਂ ਤੱਕ ਉਹ ਕਿੰਗ ਖਾਨ ਨੂੰ ਮਿਲੇ ਨਹੀਂ ਸਨ ਤਾਂ ਉਦੋਂ ਤੱਕ ਮੈਂ ਉਨ੍ਹਾਂ ਨੂੰ ਖਾਸ ਪਸੰਦ ਨਹੀਂ ਕਰਦਾ ਸੀ ਪਰ ਸ਼ਾਹਰੁਖ ਨਾਲ ਮਿਲਣ ਤੋਂ ਬਾਅਦ ਮੈਂ ਆਪਣੇ ਇਹ ਵਿਚਾਰ ਬਦਲ ਦਿੱਤੇ। ਜੇਨ ਨੇ ਕਿਹਾ ਕਿ ਸ਼ਾਹਰੁਖ ਨਾਲ ਮਿਲਣ ਤੋਂ ਬਾਅਦ ਮੈਨੂੰ ਪਤਾ ਲੱਗਾ ਕਿ ਉਹ ਕਿੰਨੇ ਪਿਆਰੇ ਇਨਸਾਨ ਹਨ।''
ਸ਼ਾਹਰੁਖ ਖਾਨ ਨਾਲ ਮਿਲ ਕੇ ਮੈਨੂੰ ਉਨ੍ਹਾਂ ਦੇ ਵਿਅਕਤਵ ਦਾ ਇਕ ਵੱਖਰਾ ਹੀ ਪਹਿਲੂ ਦੇਖਣ ਨੂੰ ਮਿਲਿਆ ਹੈ। ਫਿਲਮਾਂ 'ਚ ਉਹ ਘਮੰਡੀ ਜਿਹੇ ਲੱਗਦੇ ਸਨ ਪਰ ਅਸਲ ਜ਼ਿੰਦਗੀ 'ਚ ਉਹ ਇਸ ਤੋਂ ਬਿਲਕੁਲ ਵੱਖਰੇ ਹੀ ਹਨ। ਹੁਣ ਮੈਂ ਆਖ ਸਕਦਾ ਹਾਂ ਕਿ ਸ਼ਾਹਰੁਖ ਬਹੁਤ ਚੰਗੇ ਵਿਅਕਤੀ ਹਨ।''
ਦੱਸਣਯੋਗ ਹੈ ਕਿ ਸ਼ਾਹਰੁਖ ਖਾਨ ਦੇ ਬੱਚੇ ਜੇਨ ਦੇ ਬਹੁਤ ਵੱਡੇ ਫੈਨ ਹਨ। ਸ਼ਾਹਰੁਖ ਖਾਨ ਨੇ ਕੁਝ ਦਿਨ ਪਹਿਲਾਂ ਹੀ ਸੋਸ਼ਲ ਮੀਡੀਆ 'ਤੇ ਜੇਨ ਨਾਲ ਮਲਿਕ ਨਾਲ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਸੀ।
ਕਿੰਗ ਖਾਨ ਨੇ ਕਿਹਾ ਸੀ ਕਿ ਉਸ ਤਸਵੀਰ ਨੇ ਬੱਚਿਆਂ 'ਚ ਮੈਨੂੰ ਹੀਰੋ ਬਣਾ ਦਿੱਤਾ ਸੀ।
