ਮੁੰਬਈ(ਬਿਊਰੋ)- ਬਾਲੀਵੁੱਡ ਦੇ ਕਿੰਗ ਖਾਨ ਦੀ ਪਤਨੀ ਗੌਰੀ ਖਾਨ ਨੇ ਹਾਲ ਹੀ ’ਚ ਸੋਸ਼ਲ ਮੀਡੀਆ ’ਤੇ ਇਕ ਤਸਵੀਰ ਸ਼ੇਅਰ ਕੀਤੀ, ਜਿਸ ‘ਚ ਉਸ ਦਾ ਪੂਰਾ ਪਰਿਵਾਰ ਇਕੱਠੇ ਨਜ਼ਰ ਆ ਰਿਹਾ ਹੈ। ਤਸਵੀਰ ‘ਚ ਸ਼ਾਹਰੁਖ ਖਾਨ, ਸੁਹਾਨਾ ਖਾਨ, ਆਰਿਅਨ ਖਾਨ, ਅਬਰਾਮ ਤੇ ਖੁਦ ਗੌਰੀ ਵੀ ਨਜ਼ਰ ਆ ਰਹੀ ਹੈ। ਤਸਵੀਰ ਦੇ ਨਾਲ ਗੌਰੀ ਨੇ ਇਕ ਕੈਪਸ਼ਨ ਵੀ ਦਿੱਤਾ ਹੈ। ਉਨ੍ਹਾਂ ਨੇ ਲਿਖਿਆ,“ਇਕ ਫਰੇਮ ‘ਚ ਯਾਦਾਂ ਨੂੰ ਕੈਦ ਕਰ ਲੈਣ ਦੀ ਕੋਸ਼ਿਸ਼।”
ਗੌਰੀ ਦੀ ਇਸ ਤਸਵੀਰ ਨੂੰ ਖੁਦ ਕਿੰਗ ਖਾਨ ਨੇ ਰੀ-ਟਵੀਟ ਕੀਤਾ। ਉਨ੍ਹਾਂ ਨੇ ਤਸਵੀਰ ਨੂੰ ਰੀ-ਟਵੀਟ ਕਰਦੇ ਹੋਏ ਲਿਖਿਆ, “ਕਈ ਸਾਲਾਂ ‘ਚ ਮੈਂ ਇਕ ਚੰਗਾ ਮਕਾਨ ਬਣਾਇਆ… ਗੌਰੀ ਨੇ ਇਕ ਵਧੀਆ ਘਰ ਬਣਾਇਆ, ਪਰ ਮੈਨੂੰ ਸੱਚ ‘ਚ ਲੱਗਦਾ ਹੈ ਕਿ ਅਸੀਂ ਦੋਵੇਂ ਬੱਚਿਆਂ ਦੀ ਚੰਗੀ ਪਰਵਰਿਸ਼ ਕਰਨ ‘ਚ ਬੈਸਟ ਹਾਂ।”
ਦੱਸ ਦੇਈਏ ਕਿ ਹਾਲ ਹੀ ’ਚ ਸ਼ਾਹਰੁਖ ਖਾਨ ਨੇ 2 ਨਵੰਬਰ ਨੂੰ ਆਪਣਾ 54ਵਾਂ ਜਨਮਦਿਨ ਮਨਾਇਆ। ਹਰ ਵਾਰ ਦੀ ਤਰ੍ਰਾਂ ਇਸ ਵਾਰ ਵੀ ਸ਼ਾਹਰੁਖ ਖਾਨ ਜਨਮਦਿਨ ਮੌਕੇ ਆਪਣੇ ਘਰ ‘ਮੰਨਤ’ ਦੀ ਬਾਲਕਨੀ ’ਚ ਆਏ ਅਤੇ ਉਨ੍ਹਾਂ ਨੇ ਆਪਣੇ ਫੈਨਜ਼ ਦਾ ਧੰਨਵਾਦ ਕੀਤਾ।