ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਅੱਜ ਆਪਣਾ 53ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਸਾਹਰੁਖ ਖਾਨ ਨੂੰ ਕਿੰਗ ਖਾਨ ਇੰਝ ਹੀ ਨਹੀਂ ਆਖਿਆ ਜਾਂਦਾ। ਇਸ ਇੰਡਸਟਰੀ 'ਚ ਰਹਿ ਕੇ ਸ਼ਾਹਰੁਖ ਖਾਨ ਨੇ ਜਿੰਨੀ ਇੱਜ਼ਤ ਤੇ ਸ਼ੌਹਰਤ ਕਮਾਈ ਹੈ, ਉਸ ਤੋਂ ਕਿਤੇ ਜ਼ਿਆਦਾ ਸ਼ਾਹਰੁਖ ਖਾਨ ਨੇ ਆਪਣੇ ਫੈਨਜ਼ ਦਾ ਪਿਆਰ ਕਮਾਇਆ ਹੈ।
ਜੀ ਹਾਂ, ਦੇਰ ਰਾਤ 2 ਨਵੰਬਰ ਨੂੰ ਸ਼ਾਹਰੁਖ ਖਾਨ ਦੇ ਘਰ ਫੈਨਜ਼ ਦਾ ਸੈਲਾਬ ਆ ਗਿਆ, ਜਿਨ੍ਹਾਂ ਨੇ ਸ਼ਾਹਰੁਖ ਖਾਨ ਨੂੰ ਆਪਣੇ ਅੰਦਾਜ਼ 'ਚ ਬਰਥਡੇ ਵਿਸ਼ ਕੀਤਾ।
ਰਾਤ 12 ਵਜਦੇ ਹੀ ਸ਼ਾਹਰੁਖ ਖਾਨ ਫੈਨਜ਼ ਨੂੰ ਮਿਲਣ ਆਪਣੇ ਘਰ ਦੇ ਬਾਹਰ ਆਏ।
ਦੱਸ ਦੇਈਏ ਕਿ ਸ਼ਾਹਰੁਖ ਖਾਨ ਨੂੰ ਦੇਖਣ ਮੰਨਤ ਦੇ ਬਾਹਰ ਕਰੀਬ 500 ਤੋਂ ਜ਼ਿਆਦਾ ਫੈਨਜ਼ ਪਹੁੰਚੇ ਸਨ।
ਇਸ ਦੌਰਾਨ ਸ਼ਾਹਰੁਖ ਦੇ ਫੈਨਜ਼ ਲਗਾਤਾਰ ਹੈਪੀ ਬਰਥਡੇ ਸ਼ਾਹਰੁਖ ਖਾਨ ਆਖ ਰਹੇ ਸਨ।
ਉਨ੍ਹਾਂ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਸ਼ਾਹਰੁਖ ਨੇ ਇਸ ਦੌਰਾਨ ਬਲਿਊ ਰੰਗ ਦੀ ਸ਼ਰਟ ਤੇ ਗ੍ਰੇਅ ਟਰਾਊਜ਼ਰ ਪਾਇਆ ਸੀ।
ਸ਼ਾਹਰੁਖ ਨੂੰ ਦੇਖ ਫੈਨਜ਼ ਨੇ ਆਪਣੀਆਂ ਸ਼ਰਟਸ ਉਤਾਰ ਕੇ ਹਵਾ 'ਚ ਉਡਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਸ਼ਾਹਰੁਖ ਨੇ ਹੱਥ ਜੋੜ ਕੇ ਸਾਰਿਆਂ ਦਾ ਧੰਨਵਾਦ ਕੀਤਾ।