ਮੁੰਬਈ(ਬਿਊਰੋ) — ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖਾਨ ਤੇ ਗੌਰੀ ਖਾਨ ਦੀ ਜੋੜੀ ਬਾਲੀਵੁੱਡ ਦੀ ਸਭ ਤੋਂ ਬੈਸਟ ਜੋੜੀਆਂ 'ਚੋਂ ਇਕ ਹੈ। ਸ਼ਾਹਰੁਖ ਤੇ ਗੌਰੀ ਦਾ ਰਿਸ਼ਤਾ ਸਮੇਂ ਦੇ ਨਾਲ ਹੋਰ ਵੀ ਮਜ਼ਬੂਤ ਹੁੰਦਾ ਜਾ ਰਿਹਾ ਹੈ। ਸ਼ਾਹਰੁਖ ਪਤਨੀ ਗੌਰੀ ਖਾਨ ਨਾਲ ਬੇਹੱਦ ਪਿਆਰ ਕਰਦੇ ਹਨ। ਉਹ ਗੌਰੀ ਲਈ ਫਿਲਮ ਇੰਡਸਟਰੀ ਵੀ ਛੱਡ ਸਕਦੇ ਹਨ।
ਸ਼ਾਹਰੁਖ ਖਾਨ ਅੱਜ ਯਾਨੀ 2 ਨਵੰਬਰ ਨੂੰ ਆਪਣਾ 53ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਸੂਤਰਾਂ ਮੁਤਾਬਕ, ਇਕ ਇੰਟਰਵਿਊ 'ਚ ਸ਼ਾਹਰੁਖ ਖਾਨ ਨੇ ਦੱਸਿਆ ਸੀ, ''ਮੇਰੀ ਪਤਨੀ ਮੇਰੇ ਲਈ ਸਭ ਤੋਂ ਪਹਿਲਾਂ ਆਉਂਦੀ ਹੈ।
ਜੇਕਰ ਕਦੇ ਵੀ ਮੈਨੂੰ ਆਪਣੇ ਕਰੀਅਰ ਤੇ ਗੌਰੀ 'ਚੋਂ ਕਿਸੇ ਇਕ ਨੂੰ ਚੁਣਨਾ ਪਿਆ ਤਾਂ ਮੈਂ ਫਿਲਮ ਇੰਡਸਟਰੀ ਛੱਡ ਦਿਆਂਗਾ।
ਮੇਰਾ ਮਤਲਬ ਹੈ ਕਿ ਉਨ੍ਹਾਂ ਲਈ ਮੈਂ ਪਾਗਲ ਹੋ ਜਾਵਾਂਗਾ। ਉਹ ਮੇਰੇ ਲਈ ਸਭ ਕੁਝ ਹੈ।'' ਸਾਲ 1984 'ਚ ਦਿੱਲੀ 'ਚ ਸ਼ਾਹਰੁਖ ਤੇ ਗੌਰੀ ਖਾਨ ਦੀ ਮੁਲਾਕਾਤ ਹੋਈ ਸੀ। ਦੋਵਾਂ ਦੀ ਫਰਸਟ ਡੇਟ ਸਿਰਫ 5 ਮਿੰਟ ਹੀ ਚੱਲੀ ਸੀ।
ਉਥੇ ਹੀ ਸ਼ਾਹਰੁਖ ਦੀ ਤੀਜੀ ਮੁਲਾਕਾਤ 'ਚ ਗੌਰੀ ਖਾਨ ਦਾ ਫੋਨ ਨੰਬਰ ਮਿਲਿਆ ਸੀ। ਕੁਝ ਸਾਲ ਰੋਮਾਂਸ ਤੋਂ ਬਾਅਦ ਦੋਵਾਂ ਨੇ ਸਾਲ 1991 'ਚ ਵਿਆਹ ਕਰਵਾ ਲਿਆ ਸੀ।
ਦੱਸਣਯੋਗ ਹੈ ਕਿ ਸ਼ਾਹਰੁਖ ਤੇ ਗੌਰੀ ਖਾਨ ਦੇ ਤਿੰਨ ਬੱਚੇ ਹਨ, ਜਿਨ੍ਹਾਂ ਦੇ ਨਾਂ ਆਰਿਅਨ, ਸੁਹਾਨਾ ਖਾਨ ਤੇ ਅਬਰਾਮ ਹੈ। ਗੌਰੀ ਵੀ ਇਕ ਸਫਲ ਇੰਟੀਰਿਅਰ ਡਿਜ਼ਾਈਨਰ, ਬਿਜ਼ਨੈੱਸ ਵੂਮੈਨ ਹੈ। ਜਸ਼ਨ ਲਈ ਸ਼ਾਹਰੁਖ ਖਾਨ ਦਾ ਘਰ 'ਮੰਨਤ' ਵੀ ਸਜਾ ਕੇ ਤਿਆਰ ਕੀਤਾ ਗਿਆ ਹੈ।
ਇਸ ਵਾਰ ਸ਼ਾਹਰੁਖ ਖਾਨ ਦਾ ਬਰਥਡੇ ਬਹੁਤ ਹੀ ਸਪੈਸ਼ਲ ਹੋਣ ਜਾ ਰਿਹਾ ਹੈ। ਅਜਿਹੇ 'ਚ ਖਬਰਾਂ ਹਨ ਕਿ ਫਿਲਮ 'ਜ਼ੀਰੋ' ਦਾ ਟਰੇਲਰ ਉਨ੍ਹਾਂ ਦੇ ਬਰਥਡੇ ਦੇ ਖਾਸ ਮੌਕੇ 'ਤੇ ਰਿਲੀਜ਼ ਹੋ ਸਕਦਾ ਹੈ।
