ਨਵੀਂ ਦਿੱਲੀ (ਬਿਊਰੋ) - ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਤੇ ਮਾਧੁਰੀ ਦੀਕਸ਼ਿਤ ਬਾਲੀਵੁੱਡ ਦੀਆਂ ਹਿੱਟ ਜੋੜੀਆਂ 'ਚੋਂ ਇਕ ਹੈ। ਇੰਨਾਂ ਹੀ ਨਹੀਂ ਅੱਜ ਵੀ ਜਦੋਂ ਦੋਵਾਂ ਨੂੰ ਸਟੇਜ 'ਤੇ ਇਕੱਠੇ ਦੇਖਿਆ ਜਾਂਦਾ ਹੈ ਤਾਂ ਸਾਰਿਆਂ ਦੀਆਂ ਨਜ਼ਰਾਂ ਥਮ ਜਾਂਦੀਆਂ ਹਨ। ਅਜਿਹਾ ਕਈ ਵਾਰ ਹੋਇਆ ਹੈ, ਜਦੋਂ ਮਾਧੁਰੀ ਨਾਲ ਸ਼ਾਹਰੁਖ ਖਾਨ ਡਾਂਸ ਕਰਦੇ ਨਜ਼ਰ ਆਉਂਦੇ ਹਨ। ਹਾਲ ਹੀ 'ਚ ਇਨ੍ਹਾਂ ਦੀ ਇਕ ਤਸਵੀਰ ਸਾਹਮਣੇ ਆਈ ਹੈ। ਸ਼ਾਹਰੁਖ ਖਾਨ ਤੇ ਮਾਧੁਰੀ ਦੀਕਸ਼ਿਤ ਦੀ ਇਸ ਤਸਵੀਰ 'ਚ ਦੋਵਾਂ ਦੀ ਬੋਡਿੰਗ ਦੇਖਣਯੋਗ ਹੈ। ਤਸਵੀਰ 'ਚ ਸ਼ਾਹਰੁਖ ਖਾਨ ਮਾਧੁਰੀ ਦੀਕਸ਼ਿਤ ਦੇ ਪਿੱਛੇ ਖੜ੍ਹੇ ਹਨ। ਜਦੋਂਕਿ ਮਾਧੁਰੀ ਹੱਸਦੀ ਹੋਈ ਨਜ਼ਰ ਆ ਰਹੀ ਹੈ। ਉਂਝ ਸ਼ਾਹਰੁਖ ਦੇ ਇਸ ਐਕਸਪ੍ਰੇਸ਼ਨ ਨੂੰ ਦੇਖ ਫੈਨਜ਼ ਦਾ ਹਾਸਾ ਨਿਕਲ ਜਾਵੇਗਾ।
ਦੱਸ ਦਈਏ ਕਿ ਇਸ ਤਸਵੀਰ ਨੂੰ ਦੇਖ ਕੇ ਅਜਿਹਾ ਲੱਗ ਰਿਹਾ ਹੈ ਕਿ ਸਾਹਰੁਖ ਖਾਨ ਪਾਊਟ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਉਹ ਵੀ ਬਣ ਨਹੀਂ ਰਿਹਾ। ਤਸਵੀਰ 'ਚ ਮਾਧੁਰੀ ਬਲਿਊ ਕਲਰ ਦੀ ਸਾੜ੍ਹੀ 'ਚ ਟ੍ਰਡੀਸ਼ਨਲ ਲੁੱਕ 'ਚ ਨਜ਼ਰ ਆ ਰਹੀ ਹੈ। ਦੂਜੇ ਪਾਸੇ ਸ਼ਾਹਰੁਖ ਖਾਨ ਬਲੇਜਰ 'ਚ ਨਜ਼ਰ ਆ ਰਿਹਾ ਹੈ। ਸ਼ਾਹਰੁਖ ਤੇ ਮਾਧੁਰੀ ਦੀ ਇਹ ਤਸਵੀਰ ਫੈਨਜ਼ ਦੇ ਪੁਰਾਣੇ ਦਿਨਾਂ ਦੀਆਂ ਯਾਦਾਂ ਨੂੰ ਤਾਜਾ ਕਰ ਰਹੀ ਹੈ। ਇਹ ਤਸਵੀਰ ਫਿਲਮ 'ਹਮ ਤੁਮਹਾਰੇ ਹੈਂ ਸਨਮ' ਦੇ ਸੈੱਟ ਦੀ ਹੈ, ਜਿਸ 'ਚ ਸ਼ਾਹਰੁਖ ਤੇ ਮਾਧੁਰੀ ਹੱਸਦੇ ਨਜ਼ਰ ਆ ਰਹੇ ਹਨ।