ਮੁੰਬਈ— ਅੰਬਾਨੀ ਨੇ ਆਪਣੇ ਘਰ ਗਣੇਸ਼ ਚਤੁਰਥੀ ਮੌਕੇ ਇਕ ਪਾਰਟੀ ਰੱਖੀ। ਇਸ ਪਾਰਟੀ 'ਚ ਵੱਡੀ ਗਿਣਤੀ 'ਚ ਬਾਲੀਵੁੱਡ ਸਿਤਾਰੇ ਸ਼ਾਮਲ ਹੋਏ। ਇਸ ਪਾਰਟੀ 'ਚ ਮਜ਼ੇਦਾਰ ਗੱਲ ਇਹ ਹੋਈ ਕਿ ਪਾਰਟੀ 'ਚ ਸ਼ਾਮਲ ਹੋਣ ਸ਼ਾਹਰੁਖ ਖਾਨ ਪਹੁੰਚੇ ਤਾਂ ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਬੱਪਾ ਦੇ ਦਰਸ਼ਨ ਕੀਤੇ। ਦਰਸ਼ਨ ਕਰਨ ਤੋਂ ਪਹਿਲਾਂ ਉਨ੍ਹਾਂ ਨੇ ਆਪਣੇ ਬੂਟ ਉਤਾਰ ਦਿੱਤੇ ਸਨ ਪਰ ਗਣਪਤੀ ਦਰਸ਼ਨ ਕਰਨ ਤੋਂ ਬਾਅਦ ਸ਼ਾਹਰੁਖ ਪਾਰਟੀ 'ਚ ਆਏ ਲੋਕਾਂ ਨੂੰ ਮਿਲਣ 'ਚ ਇੰਨੇ ਬਿਜ਼ੀ ਹੋ ਗਏ ਕਿ ਉਹ ਬੂਟ ਪਹਿਨਣਾ ਹੀ ਭੁੱਲ ਗਏ। ਪੂਰੀ ਪਾਰਟੀ 'ਚ ਉਹ ਬਿਨਾਂ ਬੂਟਾਂ ਦੇ ਹੀ ਘੁੰਮਦੇ ਰਹੇ। ਪਾਰਟੀ ਖਤਮ ਹੋਣ ਤੋਂ ਬਾਅਦ ਜਦੋਂ ਉਹ ਅੰਬਾਨੀ ਦੇ ਬੰਗਲੇ ਦੇ ਬਾਹਰ ਆਏ, ਉਦੋਂ ਕਿਤੇ ਜਾ ਕੇ ਉਨ੍ਹਾਂ ਨੂੰ ਯਾਦ ਆਇਆ ਕਿ ਉਹ ਬੂਟ ਪਹਿਨਣਾ ਤਾਂ ਭੁੱਲ ਹੀ ਗਏ ਹਨ। ਸ਼ਾਹਰੁਖ ਨੇ ਅਸਿਸਟੈਂਟ ਨੂੰ ਉਨ੍ਹਾਂ ਦੇ ਬੂਟ ਲੱਭਣ ਲਈ ਕਿਹਾ। ਸ਼ਾਹਰੁਖ ਦੇ ਬੂਟ ਗੁਆਚਣ ਦੀ ਗੱਲ ਪਾਰਟੀ 'ਚ ਫੈਲ ਗਈ। ਉਹ ਬੂਟ ਨਾ ਮਿਲਣ ਕਾਰਨ ਇੰਨਾ ਹੜਬੜਾ ਗਏ ਕਿ ਉਨ੍ਹਾਂ ਨੂੰ ਯਾਦ ਹੀ ਨਹੀਂ ਆਇਆ ਕਿ ਉਨ੍ਹਾਂ ਨੇ ਬੂਟ ਕਿਥੇ ਉਤਾਰੇ ਸਨ। ਉਨ੍ਹਾਂ ਦੇ ਬੂਟ ਲੱਭਣ 'ਚ ਕੁਝ ਹੋਰ ਲੋਕ ਵੀ ਅੱਗੇ ਆਏ। ਇਹ ਗੱਲ ਜਦੋਂ ਮੁਕੇਸ਼ ਅੰਬਾਨੀ ਦੇ ਵੱਡੇ ਬੇਟੇ ਆਕਾਸ਼ ਨੂੰ ਪਤਾ ਲੱਗੀ ਤਾਂ ਉਹ ਵੀ ਬੂਟ ਲੱਭਣ ਦਾ ਕੰਮ ਕਰਨ ਲੱਗੇ। ਜਦੋਂ ਦੇਰ ਤਕ ਬੂਟ ਨਹੀਂ ਮਿਲੇ ਤਾਂ ਸ਼ਾਹਰੁਖ ਨੇ ਖੁਦ ਹੀ ਭਾਲ ਸ਼ੁਰੂ ਕੀਤੀ। ਦੇਰ ਤਕ ਲੱਭਣ ਤੋਂ ਬਾਅਦ ਆਖਿਰਕਾਰ ਸ਼ਾਹਰੁਖ ਨੂੰ ਬੂਟ ਮਿਲ ਹੀ ਗਏ, ਜਿਨ੍ਹਾਂ ਨੂੰ ਪਹਿਨ ਕੇ ਉਹ ਆਪਣੇ ਘਰ ਵਾਪਸ ਗਏ।