ਮੁੰਬਈ(ਬਿਊਰੋ)— ਗੁਲ ਪਨਾਗ ਨੇ ਰਿਸ਼ੀ ਅਟਾਰੀ ਨਾਲ ਵਿਆਹ ਦੇ ਕਰੀਬ 8 ਸਾਲਾਂ ਬਾਅਦ ਇਕ ਪੁੱਤਰ ਨੂੰ ਜਨਮ ਦਿੱਤਾ ਪਰ ਇਸ ਦੀ ਖ਼ਬਰ 6 ਮਹੀਨਿਆਂ ਬਾਅਦ ਅਗਸਤ 2018 'ਚ ਪਤਾ ਲੱਗਾ। ਗੁਲ ਦਾ ਪੁੱਤਰ ਨਿਹਾਰ ਪ੍ਰੀ-ਮੇਚੇਓਰ ਸੀ। ਗੁਲ ਪਨਾਗ ਨੇ ਧੂਪ, ਜੁਰਮ, ਡੋਰ, ਅਬ ਤੱਕ 56 ਤੇ ਕਈ ਪੰਜਾਬੀ ਫ਼ਿਲਮਾਂ 'ਚ ਕੰਮ ਕੀਤਾ ਹੈ। ਸ਼੍ਰੇਅਸ ਤਲਪੜੇ ਤੇ ਉਨ੍ਹਾਂ ਦੀ ਪਤਨੀ ਦੀਪਤੀ ਨੇ ਵਿਆਹ ਤੋਂ 14 ਸਾਲਾਂ ਬਾਅਦ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦਿੱਤਾ। 4 ਮਈ ਨੂੰ ਉਨ੍ਹਾਂ ਦੇ ਘਰ ਧੀ ਨੇ ਜਨਮ ਲਿਆ ਜਿਸ ਦਾ ਨਾਮ ਉਨ੍ਹਾਂ ਨੇ ਆਧਿਆ ਰੱਖਿਆ ਹੈ। ਸ਼੍ਰੇਅਸ ਤੇ ਦੀਪਤੀ ਵੀ ਸੈਰੋਗੇਸੀ ਰਾਹੀਂ ਮਾਂ-ਪਿਓ ਬਣੇ ਹਨ। ਫਿਲਮੇਕਰ ਡੈਵਿਡ ਧਵਨ ਦੇ ਬੇਟੇ ਤੇ ਵਰੁਣ ਧਵਨ ਦੇ ਭਰਾ ਰੋਹਿਤ ਧਵਨ ਵੀ ਇਸ ਸਾਲ 31 ਮਈ ਨੂੰ ਪਿਤਾ ਬਣੇ ਹਨ। 2012 'ਚ ਜਾਹਨਵੀ ਦੇਸਾਈ ਨਾਲ ਵਿਆਹ ਕਰਨ ਤੋਂ ਬਾਅਦ ਇਹ ਉਨ੍ਹਾਂ ਦਾ ਪਹਿਲਾ ਬੱਚਾ ਹੈ। ਰੋਹਿਤ ਨੇ ਆਪਣੀ ਧੀ ਦਾ ਨਾਮ ਹੁਣ ਤੱਕ ਨਹੀਂ ਦੱਸਿਆ। ਇਸ ਮੌਕੇ ਵਰੁਣ ਨੇ ਪੂਰੇ ਪਰਿਵਾਰ ਦੀ ਤਸਵੀਰ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕਰਕੇ ਖੁਸ਼ੀ ਜਤਾਈ ਸੀ। ਰੋਹਿਤ ਧਵਨ ਨੇ ਫ਼ਿਲਮ ਦੇਸੀ ਬੁਆਇਜ਼ ਤੇ ਢਿਸ਼ੂਮ ਨੂੰ ਡਾਇਰੈਕਟ ਕੀਤਾ ਹੈ। ਫ਼ਿਲਮ ਕਸੂਰ, ਵਾੱਟਰ ਤੇ ਇਸ਼ਕ ਫਾੱਰਐਵਰ 'ਚ ਨਜ਼ਰ ਆਈ ਲਿਜ਼ਾ ਰੇ ਨੇ 2012 'ਚ ਦਿੱਲੀ ਦੇ ਜੈਸਨ ਦੇਹਨੀ ਨਾਲ ਵਿਆਹ ਕਰਨ ਤੋਂ ਬਾਅਦ ਇਸ ਸਾਲ ਸੈਰੋਗੇਸੀ ਦੀ ਮਦਦ ਨਾਲ ਜੁੜਵਾਂ ਧੀਆਂ ਦੀ ਮਾਂ ਬਣੀ। 46 ਸਾਲ ਦੀ ਉਮਰ 'ਚ ਮਾਂ ਬਣੀ ਲਿਜ਼ਾ ਨੇ ਆਪਣੀਆਂ ਧੀਆਂ ਦਾ ਨਾਮ ਸੂਫੀ ਤੇ ਸੋਲੀਅਲ ਰੱਖਿਆ ਹੈ। ਨਿਰਦੇਸ਼ਕ ਅਭਿਸ਼ੇਕ ਕਪੂਰ ਤੇ ਉਨ੍ਹਾਂ ਦੀ ਪਤਨੀ ਪ੍ਰਗਿਆ ਇਸ ਸਾਲ 28 ਅਗਸਤ ਨੂੰ ਮਾਤਾ-ਪਿਤਾ ਬਣੇ ਤੇ ਇਕ ਪੁੱਤਰ ਨੂੰ ਜਨਮ ਦਿੱਤਾ। ਇਸ ਤੋਂ ਪਹਿਲਾਂ ਇਨ੍ਹਾਂ ਦੋਵਾਂ ਦੇ ਘਰ ਇਕ ਧੀ ਵੀ ਹੈ ਜਿਸ ਦਾ ਨਾਮ ਇਸਾਨਾ ਹੈ। ਅਭਿਸ਼ੇਕ ਕਪੂਰ ਨੇ ਇਹ ਖੁਸ਼ੀ ਆਪਣੇ ਇੰਸਟਾਗ੍ਰਾਮ ਤੇ ਸਾਂਝੀ ਕੀਤੀ ਸੀ। ਸੰਨੀ ਲਿਓਨੀ ਤੇ ਉਨ੍ਹਾਂ ਦੇ ਪਤੀ ਡੇਨੀਅਲ ਨੇ 4 ਮਾਰਚ 2018 ਨੂੰ ਐਲਾਨ ਕੀਤਾ ਕਿ ਸੈਰੋਗੇਸੀ ਦੀ ਮਦਦ ਨਾਲ ਉਨ੍ਹਾਂ ਦੇ ਜੁੜਵੇ ਬੇਟੇ ਹੋਏ ਹਨ। ਇਨ੍ਹਾਂ ਦਾ ਨਾਮ ਉਨ੍ਹਾਂ ਨੇ ਅਸ਼ੇਰ ਸਿੰਘ ਵੈਬਰ ਤੇ ਨੋਰਾ ਸਿੰਘ ਵੈਬਰ ਰੱਖਿਆ ਹੈ। ਪਿਛਲੇ ਸਾਲ ਜੁਲਾਈ ਵਿਚ ਉਨ੍ਹਾਂ ਨੇ ਬੇਟੀ ਨਿਸ਼ਾ ਕੌਰ ਵੈਬਰ ਨੂੰ ਵੀ ਗੋਦ ਲਿਆ ਸੀ। ਸ਼ਾਹਿਦ ਕਪੂਰ ਤੇ ਉਨ੍ਹਾਂ ਦੀ ਪਤਨੀ ਮੀਰਾ ਰਾਜਪੂਤ ਦੇ ਪਹਿਲਾਂ ਇਕ ਧੀ ਹੈ, ਜਿਸ ਦਾ ਨਾਮ ਮਿਸ਼ਾ ਹੈ ਤੇ ਇਸ ਸਾਲ ਉਹ ਦੁਬਾਰਾ ਮਾਤਾ-ਪਿਤਾ ਬਣੇ ਤੇ ਉਨ੍ਹਾਂ ਘਰ ਪੁੱਤਰ ਨੇ ਜਨਮ ਲਿਆ ਜਿਸ ਦਾ ਨਾਮ ਉਨ੍ਹਾਂ ਨੇ ਜ਼ੈਨ ਕਪੂਰ ਰੱਖਿਆ। ਪਲੇਅਬੈਕ ਗਾਇਕਾ ਸੁਨੀਧੀ ਚੌਹਾਨ ਘਰ ਇਸ ਸਾਲ ਇਕ ਪੁੱਤਰ ਨੇ ਜਨਮ ਲਿਆ। ਸੰਗੀਤਕਾਰ ਹਿਤੇਸ਼ ਸੋਨਿਕ ਨਾਲ 2012 ਵਿਚ ਵਿਆਹ ਕਰਨ ਤੋਂ ਬਾਅਦ ਇਸ ਸਾਲ ਸੁਨੀਧੀ ਤੇ ਹਿਤੇਸ਼ ਨੇ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ ਤੇ ਇਸ ਬੱਚੇ ਦਾ ਨਾਮ ਤੇਘ ਸੋਨਿਕ ਰੱਖਿਆ। ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ ਘਰ 18 ਨਵੰਬਰ ਨੂੰ ਬੇਟੀ ਦਾ ਜਨਮ ਹੋਇਆ ਸੀ। ਦੱਸ ਦੇਈਏ ਕਿ ਨੇਹਾ ਧੂਪੀਆ ਤੇ ਅੰਗਦ ਬੇਦੀ ਨੇ ਇਸੇ ਸਾਲ 10 ਮਈ ਨੂੰ ਸੀਕ੍ਰੇਟ ਵੈਡਿੰਗ ਕੀਤੀ ਸੀ।