ਜਲੰਧਰ(ਬਿਊਰੋ)— ਸ਼ਾਹਿਦ ਕਪੂਰ ਇਸ ਸਮੇਂ ਆਪਣੇ ਫਾਦਰਹੁੱਡ ਨੂੰ ਇੰਜੁਆਏ ਕਰ ਰਹੇ ਹਨ। ਕੁਝ ਸਮਾਂ ਪਹਿਲਾਂ ਹੀ ਸ਼ਾਹਿਦ ਅਤੇ ਮੀਰਾ ਦੀ ਜ਼ਿੰਦਗੀ 'ਚ ਬੇਟੇ ਜ਼ੈਨ ਨੇ ਐਂਟਰੀ ਲਈ ਸੀ। ਜ਼ੈਨ ਦੇ ਜਨਮ ਸਮੇਂ ਸ਼ਾਹਿਦ ਨੇ ਕੰਮ ਤੋਂ ਬਰੇਕ ਲਿਆ ਸੀ। ਉਸ ਸਮੇਂ ਸ਼ਾਹਿਦ ਨੇ ਮੀਡੀਆ ਨੂੰ ਦੱਸਿਆ ਸੀ ਕਿ ਮੈਂ ਮੀਸ਼ਾ ਦੇ ਜਨਮ ਸਮੇਂ ਤਾਂ ਬਹੁਤ ਬਿਜ਼ੀ ਸੀ ਪਰ ਇਸ ਵਾਰ ਮੈਂ ਆਪਣੀ ਪਤਨੀ ਨਾਲ ਰਹਾਂਗਾ ਅਤੇ ਆਪਣੇ ਬੱਚਿਆਂ ਨਾਲ ਸਮਾਂ ਬਿਤਾਊਂਗਾ। ਹਾਲ ਹੀ 'ਚ ਇਕ ਤਸਵੀਰ ਸਾਹਮਣੇ ਆਈ ਹੈ, ਜਿਸ 'ਚ ਉਹ ਆਪਣੀ ਗੱਲਾਂ 'ਤੇ ਬਿਲਕੁੱਲ ਖਰੇ ਉਤਰਦੇ ਨਜ਼ਰ ਆ ਰਹੇ ਹਨ।
ਜ਼ੈਨ ਨਾਲ ਨਜ਼ਰ ਆਏ ਸ਼ਾਹਿਦ
ਸ਼ਾਹਿਦ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਆਪਣੇ ਬੇਟੇ ਨਾਲ ਖੇਡਦੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਜ਼ੈਨ ਨੂੰ ਗੋਦ 'ਚ ਚੁੱਕ ਰੱਖਿਆ ਹੈ ਅਤੇ ਜੇਨ ਆਪਣੇ ਪਿਤਾ ਨੂੰ ਧਿਆਨ ਨਾਲ ਦੇਖ ਰਹੇ ਹਨ। ਸ਼ਾਹਿਦ ਕਪੂਰ ਨੇ ਆਪਣੀ ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ। ''ਦਿ ਸੰਨ''।
'ਕਬੀਰ ਸਿੰਘ' 'ਚ ਆਉਣਗੇ ਨਜ਼ਰ
ਸ਼ਾਹਿਦ ਕਪੂਰ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਕਬੀਰ ਸਿੰਘ' ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਕਿਆਰਾ ਅਡਵਾਣੀ ਨਜ਼ਰ ਆਏਗੀ।