ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਸ਼ਾਹਿਦ ਕਪੂਰ ਨੂੰ ਪਤਨੀ ਮੀਰਾ ਰਾਜਪੂਤ ਨਾਲ ਮੁੰਬਈ ਦੇ ਪੀ. ਵੀ. ਆਰ. ਦੇ ਬਾਹਰ ਦੇਖਿਆ ਗਿਆ। ਇਹ ਤਸਵੀਰਾਂ ਉਦੋਂ ਕਲਿੱਕ ਕੀਤੀਆਂ ਗਈਆਂ, ਜਦੋਂ ਸ਼ਾਹਿਦ ਤੇ ਮੀਰਾ ਫਿਲਮ ਦੇਖਣ ਤੋਂ ਬਾਅਦ ਘਰ ਜਾਣ ਲਈ ਗੱਡੀ 'ਚ ਬੈਠ ਰਹੇ ਸੀ।
ਮੀਰਾ ਰਾਜਪੂਤ ਇਸ ਸਮੇਂ ਪ੍ਰੈਗਨੈਂਟ ਹੈ ਅਤੇ ਸ਼ਾਹਿਦ ਕਪੂਰ ਇਕ ਚੰਗੇ ਪਤੀ ਦੀ ਤਰ੍ਹਾਂ ਜ਼ਿਆਦਾ ਸਮਾਂ ਉਸ ਨਾਲ ਬਤੀਤ ਕਰ ਰਹੇ ਹਨ। ਇਸ ਦੌਰਾਨ ਸ਼ਾਹਿਦ ਪੋੜੀਆਂ ਤੋਂ ਥੱਲੇ ਉਤਰਦੇ ਅਤੇ ਗੱਡੀ 'ਚ ਬੈਠਣ ਸਮੇਂ ਮੀਰਾ ਨੂੰ ਸਹਾਰਾ ਦਿੰਦੇ ਨਜ਼ਰ ਆਏ। ਸ਼ਾਹਿਦ ਅਤੇ ਮੀਰਾ ਦਾ ਇਹ ਦੂਜਾ ਬੱਚਾ ਹੋਵੇਗਾ। ਇਸ ਤੋਂ ਪਹਿਲਾਂ ਸ਼ਾਹਿਦ ਦੀ ਇਕ ਬੇਟੀ ਹੈ ਜਿਸ ਦਾ ਨਾਂ ਮੀਸ਼ਾ ਹੈ।
ਫਿਲਮਾਂ ਦੀ ਗੱਲ ਕਰੀਏ ਤਾਂ ਸ਼ਾਹਿਦ ਜਲਦ ਹੀ ਫਿਲਮ 'ਬੱਤੀ ਗੁੱਲ ਮੀਟਰ ਚਾਲੂ' 'ਚ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਸ਼ਾਹਿਦ ਤੋਂ ਇਲਾਵਾ ਯਾਮੀ ਗੌਤਮ ਅਤੇ ਸ਼ਰਧਾ ਕਪੂਰ ਅਹਿਮ ਭੂਮਿਕਾ 'ਚ ਹਨ। ਇਹ ਫਿਲਮ 21 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।