ਮੁੰਬਈ (ਬਿਊਰੋ)— ਬਾਲੀਵੁੱਡ ਦੇ ਸਿਤਾਰੇ ਇਕ-ਇਕ ਕਰਕੇ ਮੋਮ ਦੇ ਪੁਤਲਿਆਂ 'ਚ ਤਬਦੀਲ ਹੁੰਦੇ ਜਾ ਰਹੇ ਹਨ। ਇੱਥੇ ਅਸੀਂ ਮੈਡਮ ਤੁਸਾਦ ਦੀ ਗੱਲ ਕਰ ਰਹੇ ਹਾਂ। ਇਸੇ ਸਾਲ ਕਰਨ ਜੌਹਰ ਦਾ ਸਟੌਚੂ ਮੈਡਮ ਤੁਸਾਦ ਮਿਊਜ਼ੀਅਮ 'ਚ ਲੱਗਣ ਦੀਆਂ ਖਬਰਾਂ ਸਾਹਮਣੇ ਆਈਆਂ ਸਨ। ਉਸ ਤੋਂ ਬਾਅਦ ਸੋਮਵਾਰ ਨੂੰ ਹੀ ਖਬਰ ਆਈ ਕਿ ਦੀਪਿਕਾ ਪਾਦੂਕੋਣ ਦਾ ਵੀ ਸਟੈਚੂ ਜਲਦ ਲੰਡਨ ਅਤੇ ਦਿੱਲੀ 'ਚ ਮੈਡਮ ਤੁਸਾਦ ਮਿਊਜ਼ੀਅਮ 'ਚ ਲੱਗੇਗਾ ਅਤੇ ਹੁਣ ਇਕ ਹੋਰ ਸਟਾਰ ਇਸੇ ਰਾਹ 'ਤੇ ਦਿਖਾਈ ਦੇ ਰਿਹਾ ਹੈ। ਇਹ ਸਟਾਰ ਕੋਈ ਹੋਰ ਨਹੀਂ ਬਲਕਿ 'ਪਦਮਾਵਤ' 'ਚ ਦੀਪਿਕਾ ਦੇ ਸਹਿ-ਅਦਾਕਾਰ ਰਹੇ ਸ਼ਾਹਿਦ ਕਪੂਰ ਹਨ। ਜੀ ਹਾਂ ਜਲਦ ਸ਼ਾਹਿਦ ਕਪੂਰ ਦਾ ਸਟੈਚੂ ਵੀ ਲੰਡਨ ਦੇ ਮੈਡਮ ਤੁਸਾਦ ਮਿਊਜ਼ੀਅਮ 'ਚ ਨਜ਼ਰ ਆਵੇਗਾ।
ਕੁਝ ਸਮਾਂ ਪਹਿਲਾਂ ਹੀ ਸ਼ਾਹਿਦ ਕਪੂਰ ਨੇ ਇਕ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ, ''ਨਜ਼ਰ ਰੱਖੋ... ਜਲਦ ਆ ਰਿਹਾ ਹੈ।'' ਸ਼ਾਹਿਦ-ਦੀਪਿਕਾ ਇਸੇ ਸਾਲ ਦੇ ਸ਼ੁਰੂਆਤ 'ਚ ਰਿਲੀਜ਼ ਹੋਈ ਫਿਲਮ 'ਪਦਮਾਵਤ' 'ਚ ਨਜ਼ਰ ਆਏ ਸਨ। ਦੋਹਾਂ ਦੀ ਜੋੜੀ ਨੂੰ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਸ਼ਾਹਿਦ ਕਪੂਰ ਅਤੇ ਦੀਪਿਕਾ ਪਾਦੂਕੋਣ ਤੋਂ ਬਾਅਦ ਅਗਲਾ ਨੰਬਰ ਕਿਹੜੇ ਭਾਰਤੀ ਸਟਾਰ ਦਾ ਹੈ, ਇਹ ਤਾਂ ਦੇਖਣਾ ਸੱਚੀ 'ਚ ਕਾਫੀ ਦਿਲਚਸਪ ਹੋਵੇਗਾ।
ਬੀ-ਟਾਊਨ ਦੇ ਨੌਜਵਾਨਾਂ ਦੀ ਗੱਲ ਕਰੀਏ ਤਾਂ ਹਾਂਗ-ਕਾਂਗ ਦੇ ਮੈਡਮ ਤੁਸਾਦ ਮਿਊਜ਼ੀਅਮ 'ਚ ਵਰੁਣ ਧਵਨ ਦਾ ਵੀ ਵੈਕਸ ਸਟੈਚੂ ਲੱਗ ਚੁੱਕਾ ਹੈ। ਲੰਡਨ ਤੋਂ ਇਲਾਵਾ ਦਿੱਲੀ 'ਚ ਵੀ ਦੀਪਿਕਾ ਦਾ ਸਟੈਚੂ ਲੱਗੇਗਾ। ਮੈਡਮ ਤੁਸਾਦ 'ਚ ਦੀਪਿਕਾ ਤੋਂ ਪਹਿਲਾਂ ਸ਼ਾਹਰੁਖ ਖਾਨ, ਸਲਮਾਨ ਖਾਨ, ਕੈਟਰੀਨਾ ਕੈਫ, ਅਮਿਤਾਭ ਬੱਚਨ, ਐਸ਼ਵਰਿਆ ਰਾਏ, ਰਿਤਿਕ ਰੌਸ਼ਨ ਅਤੇ ਮਾਧੁਰੀ ਦੀਕਸ਼ਿਤ ਦਾ ਸਟੈਚੂ ਲੱਗ ਚੁੱਕਾ ਹੈ।