ਮੁੰਬਈ (ਬਿਊਰੋ)— ਸ਼ਾਹਿਦ ਕਪੂਰ ਦੀ ਪਤਨੀ ਮੀਰਾ ਰਾਜਪੂਤ ਤੇ ਅਮਿਤਾਭ ਬੱਚਨ ਦੀ ਬੇਟੀ ਸ਼ਵੇਤਾ ਨੰਦਾ ਮੁੰਬਈ 'ਚ ਐਤਵਾਰ ਨੂੰ ਹੋਏ 'ਹੈਲੋ ਹਾਲ ਆਫ ਫੇਮ ਐਵਾਰਡਸ' 'ਚ ਪਹੁੰਚੀਆਂ। ਇਸ ਦੌਰਾਨ ਮੀਰਾ ਰਾਜਪੂਤ ਤੇ ਸ਼ਵੇਤਾ ਨੰਦਾ ਕਾਫੀ ਖੂਬਸੂਰਤ ਲੱਗ ਰਹੀਆਂ ਸਨ। ਮੀਰਾ ਨੇ ਬਲੈਕ ਐਂਡ ਵਾਈਟ ਰੰਗ ਦਾ ਆਫ ਸ਼ੋਲਡਰ ਗਾਊਨ ਪਹਿਨ ਰੱਖਿਆ ਸੀ। ਇਸ ਗਾਊਨ 'ਚ ਮੀਰਾ ਕਾਫੀ ਸਿੰਪਲ ਲੱਗ ਰਹੀ ਸੀ। ਉਥੇ ਅਮਿਤਾਭ ਬੱਚਨ ਦੀ ਬੇਟੀ ਸ਼ਵੇਤਾ ਇਸ ਐਵਾਰਡ ਸਮਾਰੋਹ 'ਚ ਗੋਲਡਨ ਗਾਊਨ 'ਚ ਪਹੁੰਚੀ। ਇਸ ਦੌਰਾਨ ਸਾਰਿਆਂ ਦੀਆਂ ਨਜ਼ਰਾਂ ਇਨ੍ਹਾਂ ਹਸੀਨਾਵਾਂ 'ਤੇ ਟਿਕ ਗਈਆਂ। ਇਸ ਐਵਾਰਡ ਸਮਾਰੋਹ 'ਚ ਮੀਰਾ ਤੇ ਸ਼ਵੇਤਾ ਤੋਂ ਇਲਾਵਾ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਵੀ ਪਹੁੰਚੀ ਸੀ, ਉਥੇ ਬਾਲੀਵੁੱਡ ਦੇ ਸਿਤਾਰੇ ਵੀ ਇਸ ਐਵਾਰਡ ਨਾਈਟ 'ਚ ਆਪਣਾ ਜਲਵਾ ਦਿਖਾਉਣ ਪਹੁੰਚੇ। ਦੀਪਿਕਾ ਪਾਦੁਕੋਣ, ਰਣਵੀਰ ਸਿੰਘ, ਸ਼ਾਹਰੁਖ ਖਾਨ, ਰੇਖਾ, ਰਾਜਕੁਮਾਰ ਰਾਵ, ਨੁਸ਼ਰਤ ਭਰੂਚਾ ਤੇ ਕ੍ਰਿਤੀ ਸੈਨਨ ਵੀ ਇਸ ਐਵਾਰਡ ਸਮਾਰੋਹ 'ਚ ਨਜ਼ਰ ਆਏ।