ਮੁੰਬਈ(ਬਿਊਰੋ)- ਇਨ੍ਹੀਂ ਦਿਨੀਂ ਬਾਲੀਵੁੱਡ ਐਕਟਰ ਸ਼ਾਹਿਦ ਕਪੂਰ ਜੋ ਕਿ ਆਪਣੀ ਫ਼ਿਲਮ ਕਬੀਰ ਸਿੰਘ ਦੇ ਚਲਦੇ ਕਾਫੀ ਸੁਰਖੀਆਂ ਵਿਚ ਛਾਏ ਹੋਏ ਹਨ। ਕਬੀਰ ਸਿੰਘ ਦੀ ਸਫਲਤਾ ਤੋਂ ਬਾਅਦ ਹੁਣ ਉਹ ਆਪਣਾ ਕੁਝ ਸਮਾਂ ਅੱਜਕੱਲ੍ਹ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਉੱਤੇ ਬਿਤਾ ਰਹੇ ਹਨ। ਕੁਝ ਦਿਨ ਪਹਿਲਾਂ ਹੀ ਉਨ੍ਹਾਂ ਨੇ ਆਪਣੇ ਬੇਟੇ ਜੈਨ ਨਾਲ ਆਪਣੀ ਇਕ ਤਸਵੀਰ ਇੰਸਟਾਗ੍ਰਾਮ ਉੱਤੇ ਸ਼ਾਂਝੀ ਕੀਤੀ ਸੀ। ਜਿਸ ਚ ਤਸਵੀਰ ਦੀ ਇਕ ਸਾਈਡ ਜੈਨ ਤੇ ਦੂਜੇ ਪਾਸੇ ਸ਼ਾਹਿਦ ਕਪੂਰ ਦੀ ਬਚਪਨ ਦੀ ਤਸਵੀਰ ਹੈ। ਇਸ ਤਸਵੀਰ ਕੋਲਾਜ ਨੂੰ ਸ਼ਾਹਿਦ ਕਪੂਰ ਨੇ ਪੋਸਟ ਕਰਦੇ ਹੋਏ ਲਿਖਿਆ ਹੈ, ‘ਅੰਤਰ ਲੱਭੋ #likefatherlikeson’
ਇਸ ਤਸਵੀਰ ‘ਚ ਜੈਨ ਬਿਲਕੁਲ ਆਪਣੇ ਪਿਤਾ ਸ਼ਾਹਿਦ ਵਾਂਗ ਦਿਖਾਈ ਦੇ ਰਿਹਾ ਹੈ ਜਾਂ ਇਹ ਵੀ ਕਹਿ ਸਕਦੇ ਹਾਂ ਪਾਪਾ ਬਚਪਨ ‘ਚ ਆਪਣੇ ਬੇਟੇ ਵਰਗੇ ਸੀ। ਇਸ ਤਸਵੀਰ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਪਿਓ-ਪੁੱਤਰ ਦੀ ਇਸ ਕਿਊਟ ਤਸਵੀਰ ਨੂੰ ਇੰਸਟਾਗ੍ਰਾਮ ਉੱਤੇ ਇਕ ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।