ਮੁੰਬਈ (ਬਿਊਰੋ)— ਸਟਾਰ ਕਿਡਜ਼ ਸੁਹਾਨਾ ਖਾਨ, ਸ਼ਨਾਇਆ ਕਪੂਰ ਅਤੇ ਅਨਨਿਆ ਪਾਂਡੇ ਬੇਹੱਦ ਕਰੀਬੀ ਦੋਸਤ ਹਨ। ਹਾਲ ਹੀ 'ਚ ਸ਼ਨਾਇਆ ਦੇ 19ਵੇਂ ਜਨਮਦਿਨ ਮੌਕੇ ਸੁਹਾਨਾ ਅਤੇ ਅਨਨਿਆ ਨੇ ਮਿਲ ਕੇ ਬਰਥਡੇ ਦੀ ਪਾਰਟੀ ਕੀਤੀ। ਬਰਥਡੇ ਦੀ ਵੀਡੀਓ 'ਚ ਤਿੰਨੋਂ ਕਾਫੀ ਮਸਤੀ ਕਰਦੀਆਂ ਨਜ਼ਰ ਆ ਰਹੀਆਂ ਹਨ। ਗੱਲ ਕਰੀਏ ਸ਼ਨਾਇਆ ਕਪੂਰ ਦੇ ਬਰਥਡੇ ਦੀ ਤਾਂ ਉਸ ਦਾ ਬਰਥਡੇ ਇਸ ਲਈ ਖਾਸ ਹੁੰਦਾ ਹੈ ਕਿਉਂਕਿ ਉਸ ਦਾ ਅਤੇ ਦਿਗੱਜ ਅਭਿਨੇਤਾ ਸ਼ਾਹਰੁਖ ਖਾਨ ਦਾ ਬਰਥਡੇ ਇਕ ਹੀ ਦਿਨ ਆਉਂਦਾ ਹੈ। ਸ਼ਨਾਇਆ ਨੇ ਆਪਣਾ ਬਰਥਡੇ ਪਰਿਵਾਰ ਨਾਲ ਜੁੜੇ ਹੋਏ ਕਰੀਬੀ ਲੋਕਾਂ ਨਾਲ ਮਿਲ ਕੇ ਮਨਾਇਆ। ਇਸ ਮੌਕੇ ਅਰਜੁਨ, ਜਾਨਹਵੀ ਕਪੂਰ, ਖੁਸ਼ੀ ਕਪੂਰ ਅਤੇ ਬੋਨੀ ਕਪੂਰ ਮੌਜੂਦ ਸੀ।
ਆਪਣੀ ਦੋਸਤ ਦੀ ਪਾਰਟੀ ਨੂੰ ਖਾਸ ਬਣਾਉਣ ਲਈ ਸ਼ਾਹਰੁਖ ਦੀ ਬੇਟੀ ਸੁਹਾਨਾ ਲੰਡਨ ਤੋਂ ਆਈ ਸੀ। ਉਹ ਲੰਡਨ 'ਚ ਰਹਿ ਕੇ ਪੜ੍ਹਾਈ ਕਰਦੀ ਹੈ ਅਤੇ ਹੁਣ ਦੀਵਾਲੀ ਦੀਆਂ ਛੁੱਟੀਆਂ ਮਨਾਉਣ ਲਈ ਘਰ ਆਈ ਹੈ। ਸੁਹਾਨਾ ਨੇ ਇਨ੍ਹਾਂ ਲੋਕਾਂ ਨਾਲ ਇਕੱਠਿਆਂ ਬਰਥਡੇ 'ਤੇ ਖੂਬ ਮਸਤੀ ਕੀਤੀ।