ਗਵਾਲੀਅਰ— ਬਾਲੀਵੁੱਡ ਐਕਟਰ ਸੰਜੇ ਦੱਤ ਸਟਾਰਰ ਫਿਲਮ 'ਭੂਮੀ' 22 ਸਤੰਬਰ ਤੋਂ ਵੱਡੇ ਪਰਦੇ 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਐਕਸ਼ਨ ਅਤੇ ਥ੍ਰੀਲਰ ਨਾਲ ਭਰਪੂਰ ਇਸ ਫਿਲਮ 'ਚ ਸੰਜੇ ਦੱਤ, ਅਦਿਤੀ ਰਾਓ ਹੈਦਰੀ ਅਤੇ ਸਿਧਾਂਤ ਗੁਪਤ ਮੁੱਖ ਭੂਮਿਕਾਵਾਂ 'ਚ ਹਨ। ਉੱਥੇ ਸ਼ਰਦ ਕੇਲਕਰ ਨੇ ਇਸ 'ਚ ਵਿਲੇਨ ਦਾ ਕਿਰਦਾਰ ਨਿਭਾਇਆ ਹੈ।
ਜਾਣਕਾਰੀ ਮੁਤਾਬਕ ਸ਼ਰਦ ਕੇਲਕਰ ਦਾ ਜਨਮ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਸ਼ਹਿਰ 'ਚ 7 ਅਕਤੂਬਰ 1976 'ਚ ਹੋਇਆ ਸੀ। ਉਨ੍ਹਾਂ ਨੇ ਆਪਣੀ ਪੜ੍ਹਾਈ ਗਵਾਲੀਅਰ ਅਤੇ ਐੱਮ. ਬੀ. ਏ. ਦੀ ਡਿਗਰੀ ਪ੍ਰੇਸਟੀਜ਼ ਕਾਲਜ ਇੰਦੌਰ ਤੋਂ ਪੁਰੀ ਕੀਤੀ ਹੈ। ਪੜ੍ਹਾਈ ਪੁਰੀ ਕਰਨ ਤੋਂ ਬਾਅਦ ਸ਼ਰਦ ਕੇਲਕਰ ਨੇ ਫਿਜ਼ੀਕਲ ਐਜੂਕੇਸ਼ਨ ਦੀ ਦੁਨੀਆਂ 'ਚ ਕਦਮ ਰੱਖਿਆ, ਜਿਸ ਤੋਂ ਬਾਅਦ ਉਹ ਇੰਸਟ੍ਰਕਟਰ ਦੇ ਰੂਪ 'ਚ ਕੰਮ ਕਰਨ ਲੱਗੇ।
ਜ਼ਿਕਰਯੋਗ ਹੈ ਕਿ 'ਬਾਹੂਬਲੀ' ਹਿੰਦੀ ਵਰਜ਼ਨ 'ਚ ਬਾਹੂਬਲੀ ਨੂੰ ਕਿਸ ਨੇ ਆਪਣੀ ਆਵਾਜ਼ ਦਿੱਤੀ ਹੈ? ਕਈ ਸਾਰੀਆਂ ਫਿਲਮਾਂ ਤੇ ਪ੍ਰਸਿੱਧ ਹਿੰਦੀ ਸੀਰੀਅਲ 'ਚ ਨਜ਼ਰ ਆ ਚੁੱਕੇ ਅਭਿਨੇਤਾ ਸ਼ਰਦ ਕੇਲਕਰ ਨੇ ਬਾਹੂਬਲੀ ਨੂੰ ਆਪਣੀ ਦਮਦਾਰ ਆਵਾਜ਼ ਦਿੱਤੀ ਹੈ, ਜਿਸ ਦੇ ਸਾਰੇ ਦੀਵਾਨੇ ਹਨ। ਟੀ. ਵੀ. ਦੀ ਦੁਨੀਆ ਦੇ ਨਾਮਵਰ ਅਭਿਨੇਤਾ ਸ਼ਰਦ ਕੇਲਕਰ ਨੂੰ ਉਸ ਦੀ ਦਮਦਾਰ ਆਵਾਜ਼ ਲਈ ਕਾਫੀ ਸਰਾਹਿਆ ਜਾਂਦਾ ਰਿਹਾ ਹੈ।
ਉਸ ਦੀ ਜ਼ਿੰਦਗੀ 'ਚ ਯੂ-ਟਰਨ ਉਸ ਸਮੇਂ ਆਇਆ, ਜਦੋਂ ਉਸ ਨੇ ਰਾਜਾਮੌਲੀ ਦੀ ਫਿਲਮ 'ਬਾਹੂਬਲੀ' ਲਈ ਵਾਇਸ ਟੈਸਟ ਦਿੱਤਾ। ਇਸ ਬਾਰੇ ਖੁਦ ਸ਼ਰਦ ਕੇਲਕਰ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਯਕੀਨ ਨਹੀਂ ਹੁੰਦਾ ਕਿ ਉਸ ਨੇ ਬਾਹੂਬਲੀ ਦੇ ਕਿਰਦਾਰ ਨੂੰ ਆਵਾਜ਼ ਦਿੱਤੀ ਹੈ।
ਸ਼ਰਦ ਕੇਲਕਰ ਨੇ 'ਬਾਹੂਬਲੀ' ਦਾ ਹਿੱਸਾ ਬਣਨ ਦੇ ਸਫਰ ਬਾਰੇ ਦੱਸਿਆ, 'ਮੈਂ ਟੀ. ਵੀ. 'ਤੇ ਕਈ ਸਾਲਾਂ ਤੋਂ ਕੰਮ ਕਰ ਰਿਹਾ ਹਾਂ। ਕਾਫੀ ਲੋਕ ਬੋਲਦੇ ਸਨ ਕਿ ਤੁਹਾਡੀ ਆਵਾਜ਼ ਬਹੁਤ ਵਧੀਆ ਹੈ, ਡਬਿੰਗ ਕਿਉਂ ਨਹੀਂ ਕਰਦੇ। ਇਕ ਡਬਿੰਗ ਕੰਪਨੀ ਹੈ, ਜਿਹੜੀ ਬਹੁਤ ਸਾਰੀਆਂ ਹਾਲੀਵੁੱਡ ਫਿਲਮਾਂ ਦੀ ਡਬਿੰਗ ਕਰਦੀ ਹੈ ਤੇ ਉਸ ਦਾ ਨਾਂ ਹੀ 'ਡਬਿੰਗ' ਹੈ। ਮੈਂ ਉਥੇ ਡਬਿੰਗ ਦੇ ਗੁਰ ਸਿੱਖੇ। ਮੈਂ ਪੇਸ਼ੇਵਰ ਤਰੀਕੇ ਨਾਲ ਡਬਿੰਗ ਨਹੀਂ ਕਰ ਰਿਹਾ ਸੀ ਪਰ ਉਥੋਂ ਸ਼ੁਰੂਆਤ ਹੋਈ।