ਮੁੰਬਈ(ਬਿਊਰੋ)— ਸ਼ਰਮਨ ਜੋਸ਼ੀ ਅੱਜ ਫਿਲਮ ਜਗਤ 'ਚ ਜਾਣਿਆ ਪਛਾਣਿਆ ਨਾਂ ਹੈ। ਉਨ੍ਹਾਂ ਨੇ ਆਪਣੀ ਲਾਜਵਾਬ ਕਾਮਿਕ ਟਾਈਮਿੰਗ ਨਾਲ ਸਾਰਿਆ ਨੂੰ ਹਸਾਉਣ 'ਤੇ ਮਜਬੂਰ ਕਰ ਦਿੱਤਾ ਹੈ। ਉਂਝ ਸ਼ਰਮਨ ਫਿਲਮਾਂ 'ਚ ਨਜ਼ਰ ਆਉਂਦੇ ਰਹਿੰਦੇ ਹਨ ਪਰ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਉਹ ਲਾਈਮਲਾਈਟ ਤੋਂ ਦੂਰ ਰੱਖਣਾ ਹੀ ਪਸੰਦ ਕਰਦੇ ਹਨ। ਸ਼ਰਮਨ ਦਾ ਜਨਮ 28 ਅਪ੍ਰੈਲ, 1979 ਨੂੰ ਇਕ ਗੁਜਰਾਤੀ ਪਰਿਵਾਰ 'ਚ ਹੋਇਆ ਸੀ।
ਸ਼ਰਮਨ ਜੋਸ਼ੀ ਨੇ ਫਿਲਮਾਂ ਦੇ ਮਸ਼ਹੂਰ ਖਲਨਾਇਕ ਪ੍ਰੇਮ ਚੋਪੜਾ ਦੀ ਬੇਟੀ ਪ੍ਰੇਰਣਾ ਨਾਲ ਸਾਲ 2000 'ਚ ਵਿਆਹ ਕਰਵਾਇਆ ਸੀ।
ਦੋਹਾਂ ਦੀ ਮੁਲਾਕਾਤ ਪਹਿਲੀ ਵਾਰ ਕਾਲਜ 'ਚ ਹੋਈ ਸੀ ਅਤੇ ਇਹ ਦੋਵੇਂ ਇਕ-ਦੂਜੇ ਨੂੰ ਦੇਖਦੇ ਹੀ ਪਸੰਦ ਕਰਨ ਲੱਗੇ ਸਨ। ਪਹਿਲਾਂ ਦੋਵੇਂ ਦੋਸਤ ਬਣੇ ਅਤੇ ਸਮੇਂ ਨਾਲ-ਨਾਲ ਦੋਹਾਂ ਦੀ ਦੋਸਤੀ ਡੂੰਘੀ ਹੁੰਦੀ ਚੱਲੀ ਗਈ।
ਦੋਹਾਂ ਵਲੋਂ ਇਕ-ਦੂਜੇ ਨੂੰ ਲਗਭਗ 1 ਸਾਲ ਤੱਕ ਡੇਟ ਕਰਨ ਤੋਂ ਬਾਅਦ ਸਾਲ 2000 ਨੂੰ ਦੋਹਾਂ ਨੇ ਵਿਆਹ ਕਰ ਲਿਆ। ਸ਼ਰਮਨ ਗੁਜਰਾਤੀ ਪਰਿਵਾਰ ਨਾਲ ਸੰਬੰਧ ਰੱਖਦੇ ਹਨ, ਇਸ ਲਈ ਦੋਹਾਂ ਦਾ ਵਿਆਹ ਗੁਜਰਾਤੀ ਰੀਤੀ-ਰਿਵਾਜਾਂ ਨਾਲ ਹੋਇਆ।
ਵਿਆਹ 'ਚ ਕਰੀਬੀ ਲੋਕ ਅਤੇ ਦੋਸਤ ਹੀ ਸ਼ਾਮਿਲ ਹੋਏ। ਇਕ ਵੈਬਸਾਈਟ ਨਾਲ ਗੱਲ ਕਰਦੇ ਹੋਏ ਸ਼ਰਮਨ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੇ ਕਦੇ ਇਕ-ਦੂਜੇ ਨੂੰ ਪ੍ਰਪੋਜ਼ ਨਹੀਂ ਕੀਤਾ। ਉਹ ਜਾਣਦੇ ਸਨ ਕਿ ਉਹ ਇਕ-ਦੂਜੇ ਲਈ ਹੀ ਬਣੇ ਹਨ।
ਜ਼ਿਕਰਯੋਗ ਹੈ ਕਿ ਸਾਲ 2005 'ਚ ਅਕਤੂਬਰ ਮਹੀਨੇ 'ਚ ਦੋਵੇਂ ਇਕ ਬੇਟੀ ਦੇ ਮਾਤਾ-ਪਿਤਾ ਬਣੇ, ਜਿਸ ਦਾ ਨਾਂ ਖਿਆਨਾ ਰੱਖਿਆ ਗਿਆ। ਇਸ ਤੋਂ ਬਾਅਦ ਜੁਲਾਈ 2009 'ਚ ਦੋਹਾਂ ਦੇ ਦੋ ਜੁੜਵਾ ਬੇਟੇ ਵਾਰਯਨ ਅਤੇ ਵਿਹਾਨ ਹੋਏ।
ਸ਼ਰਮਨ ਨੇ ਸਾਲ 1999 'ਚ ਆਰਟ ਫਿਲਮ 'ਗੌਡਮਦਰ' ਨਾਲ ਫਿਲਮੀ ਡੈਬਿਊ ਕੀਤਾ ਪਰ ਉਨ੍ਹਾਂ ਨੂੰ ਪਛਾਣ ਸਾਲ 2001 'ਚ ਫਿਲਮ 'ਸਟਾਈਲ' ਨਾਲ ਮਿਲੀ।
ਸਾਲ 2009 'ਚ ਉਨ੍ਹਾਂ ਨੇ ਅਭਿਨੇਤਾ ਆਮਿਰ ਖਾਨ ਨਾਲ ਫਿਲਮ '3 ਇਡੀਅਟਸ' 'ਚ ਕੰਮ ਕੀਤਾ ਸੀ। ਫਿਲਮ ਸੁਪਰਹਿੱਟ ਸਿੱਧ ਹੋਈ ਸੀ।
ਇਸ ਤੋਂ ਇਲਾਵਾ ਉਹ 'ਵਜ੍ਹਾ ਤੁਮ ਹੋ', 'ਹੇਟ ਸਟੋਰੀ 3', '1920 ਲੰਡਨ', 'ਰੰਗ ਦੇ ਬਸੰਤੀ', 'ਗੋਲਮਾਲ' ਵਰਗੀਆਂ ਕਈ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ।
