ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਤੇ ਗੌਰੀ ਖਾਨ ਦੀ ਜੋੜੀ ਨੂੰ ਸਾਰੇ ਕਾਫੀ ਪਸੰਦ ਕਰਦੇ ਹਨ। ਇਨ੍ਹਾਂ ਵਰਗੀ ਮੈਜੀਕਲ ਲਵ ਸਟੋਰੀ ਬਾਲੀਵੁੱਡ 'ਚ ਘੱਟ ਹੀ ਦੇਖਣ ਨੂੰ ਮਿਲਦੀ ਹੈ। ਅੱਜ ਦੋਹਾਂ ਦੇ ਵਿਆਹ ਨੂੰ 26 ਸਾਲ ਪੂਰੇ ਹੋ ਗਏ ਹਨ। ਸ਼ਾਹਰੁਖ-ਗੌਰੀ ਦੀ ਮੈਰਿਜ ਐਨੀਵਰਸਿਰੀ 'ਤੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਇਨ੍ਹਾਂ ਦੀ ਲਵ ਸਟੋਰੀ ਦੀਆਂ ਕੁਝ ਖਾਸ ਗੱਲਾਂ, ਜਿਨ੍ਹਾਂ ਬਾਰੇ ਕੁਝ ਹੀ ਲੋਕ ਜਾਣਦੇ ਹਨ। ਇਨ੍ਹਾਂ ਦਾ ਵਿਆਹ ਇੰਨਾ ਆਸਾਨ ਨਹੀਂ ਸੀ।
ਦੱਸਿਆ ਜਾਂਦਾ ਹੈ ਕਿ ਸ਼ਾਹਰੁਖ ਤੇ ਗੌਰੀ ਦੀ ਲਵ ਸਟੋਰੀ ਕਿਸੇ ਫਿਲਮੀ ਕਹਾਣੀ ਤੋਂ ਘੱਟ ਨਹੀਂ ਸੀ। ਦੋਹਾਂ ਨੇ ਇਕ-ਦੂਜੇ ਨੂੰ ਪਾਉਣ ਲਈ ਖੂਬ ਪਾਪੜ ਵੇਲੇ ਪਰ ਆਖਿਰਕਾਰ ਪਿਆਰ ਦੀ ਜਿੱਤ ਹੋਈ।
ਜਾਣਕਾਰੀ ਮੁਤਾਬਕ ਦੋਹਾਂ ਦੀ ਪਹਿਲੀ ਮੁਲਾਕਾਤ 1984 'ਚ ਇਕ ਕਾਮਨ ਫ੍ਰੈਂਡ ਦੀ ਪਾਰਟੀ ਦੌਰਾਨ ਹੋਈ ਸੀ। ਉਦੋਂ ਸ਼ਾਹਰੁਖ ਸਿਰਫ 18 ਸਾਲ ਦੇ ਸਨ। ਸ਼ਾਹਰੁਖ ਨੇ ਦੇਖਿਆ ਕਿ ਪਾਰਟੀ 'ਚ ਗੌਰੀ ਕਿਸੇ ਹੋਰ ਲੜਕੇ ਨਾਲ ਡਾਂਸ ਕਰ ਰਹੀ ਹੈ। ਸ਼ਾਹਰੁਖ ਨੂੰ ਉਹ ਪਸੰਦ ਆਈ।
ਗੌਰੀ ਡਾਂਸ ਕਰਨ 'ਚ ਸ਼ਰਮ ਰਹੀ ਸੀ। ਸ਼ਾਹਰੁਖ ਨੇ ਹਿੰਮਤ ਦਿਖਾਈ ਤੇ ਗੌਰੀ ਨੂੰ ਡਾਂਸ ਲਈ ਪੁੱਛਿਆ ਪਰ ਗੌਰੀ ਨੇ ਕੁਝ ਖਾਸ ਦਿਲਚਸਪੀ ਨਹੀਂ ਦਿਖਾਈ ਤੇ ਕਿਹਾ ਕਿ ਉਹ ਆਪਣੇ ਬੁਆਏਫ੍ਰੈਂਡ ਦੀ ਉਡੀਕ ਕਰ ਰਹੀ ਹੈ। ਇੰਨਾ ਸੁਣਦੇ ਹੀ ਸਾਹਰੁਖ ਦੇ ਸਾਰੇ ਸੁਪਨੇ ਟੁੱਟ ਗਏ ਪਰ ਅਸਲੀਅਤ ਤਾਂ ਇਹ ਸੀ ਕਿ ਗੌਰੀ ਦਾ ਕੋਈ ਬੁਆਏਫ੍ਰੈਂਡ ਨਹੀਂ ਸੀ। ਗੋਰੀ ਦਾ ਭਰਾ ਉਨ੍ਹਾਂ ਦੇ ਨਾਲ ਸੀ, ਇਸ ਲਈ ਉਨ੍ਹਾਂ ਨੇ ਝੂਠ ਬੋਲਿਆ ਸੀ।
ਇਹ ਗੱਲ ਸ਼ਾਹਰੁਖ ਨੇ ਆਪਣੇ ਇਕ ਇੰਟਰਵਿਊ 'ਚ ਦੱਸੀ ਸੀ।
ਜਦੋਂ ਸ਼ਾਹਰੁਖ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਗੌਰੀ ਨੂੰ ਕਿਹਾ ਕਿ 'ਮੈਨੂੰ ਵੀ ਆਪਣਾ ਭਰਾ ਸਮਝੋ'। ਉਸੇ ਸਮੇਂ ਤੋਂ ਇਹ ਖੂਬਸੂਰਤ ਰਿਸ਼ਤਾ ਸ਼ੁਰੂ ਹੋ ਗਿਆ। ਗੌਰੀ ਨੂੰ ਵੀ ਸ਼ਾਹਰੁਖ ਦਾ ਸਟਾਈਲ ਤੇ ਉਨ੍ਹਾਂ ਦਾ ਕਾਨਫੀਡੈਂਸ ਬਹੁਤ ਪਸੰਦ ਆਇਆ ਸੀ। ਸ਼ਾਹਰੁਖ ਗੌਰੀ ਨੂੰ ਲੈ ਕੇ ਕਾਫੀ ਪੋਜੈਸਿਵ ਰਹਿੰਦੇ ਸਨ। ਉਨ੍ਹਾਂ ਨੂੰ ਬਿਲਕੁੱਲ ਪਸੰਦ ਨਹੀਂ ਸੀ ਕਿ ਗੌਰੀ ਆਪਣੇ ਵਾਲਾਂ ਨੂੰ ਖੁੱਲ੍ਹਾ ਰੱਖੇ ਜਾਂ ਇੱਕਲੇ ਕਿਸੇ ਲੜਕੇ ਨਾਲ ਗੱਲ ਕਰੇ।
ਇਹ ਸਭ ਦੇਖ ਕੇ ਗੌਰੀ ਨੂੰ ਲੱਗਣ ਲੱਗਾ ਕਿ ਉਨ੍ਹਾਂ ਨੂੰ ਇਸ ਰਿਲੇਸ਼ਨ ਤੋਂ ਬ੍ਰੇਕ ਲੈਣਾ ਚਾਹੀਦਾ ਹੈ ਤੇ ਇਕ ਦਿਨ ਗੌਰੀ ਅਚਾਨਕ ਸ਼ਾਹਰੁਖ ਨੂੰ ਛੱਡ ਕੇ ਆਊਟ ਆਫ ਸਟੇਸ਼ਨ ਚੱਲੀ ਗਈ। ਇਸ ਲਈ ਉਨ੍ਹਾਂ ਨੇ ਇਹ ਗੱਲ ਦੱਸੀ। ਸ਼ਾਹਰੁਖ ਦੀ ਮਾਂ ਨੇ ਉਨ੍ਹਾਂ ਨੂੰ 10 ਹਜ਼ਾਰ ਰੁਪਏ ਦਿੱਤੇ ਤੇ ਲੱਭਣ ਲਈ ਕਿਹਾ। ਸ਼ਾਹਰੁਖ ਨੇ ਆਪਣੇ ਦੋਸਤਾਂ ਨਾਲ ਪੂਰੇ ਸ਼ਹਿਰ 'ਚ ਲੱਭਣ ਦੀ ਕੋਸ਼ਿਸ਼ ਕੀਤੀ ਪਰ ਗੌਰੀ ਉਨ੍ਹਾਂ ਨੂੰ ਨਹੀਂ ਮਿਲੀ। ਕਾਫੀ ਦੇਰ ਬਾਅਦ ਸ਼ਾਹਰੁਖ ਨੂੰ ਗੌਰੀ ਇਕ ਬੀਚ 'ਤੇ ਮਿਲੀ। ਮਿਲਣ 'ਤੇ ਇਕ-ਦੂਜੇ ਦੇ ਗਲੇ ਲੱਗ ਕੇ ਦੋਵੇਂ ਖੂਬ ਰੋਏ ਤੇ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ।
ਇਸ ਤੋਂ ਬਾਅਦ ਦੋਹਾਂ ਦੇ ਰਸਤੇ 'ਚ ਧਰਮ ਤੇ ਪਰਿਵਾਰ ਰੋੜਾ ਬਣੇ। ਇਸ ਸ਼ਾਹਰੁਖ-ਗੌਰੀ ਨੂੰ ਇਕ-ਦੂਜੇ ਦਾ ਸਾਥ ਪਾਉਣ ਲਈ ਕਾਫੀ ਸੰਘਰਸ਼ ਕਰਨਾ ਪਿਆ। ਸ਼ਾਹਰੁਖ ਨੇ ਗੌਰੀ ਦੇ ਮਾਤਾ-ਪਿਤਾ ਨੂੰ ਖੁਸ਼ ਕਰਨ ਲਈ ਪੰਜ ਸਾਲ ਤੱਕ ਹਿੰਦੀ ਹੋਣ ਦਾ ਨਾਟਕ ਕੀਤਾ। ਉਨ੍ਹਾਂ ਨੇ ਆਪਣਾ ਨਾਂ ਵੀ ਬਦਲ ਲਿਆ ਸੀ। ਆਖਿਰਕਾਰ ਸ਼ਾਹਰੁਖ-ਗੌਰੀ ਦੇ ਮਾਤਾ-ਪਿਤਾ ਨੂੰ ਖੁਸ਼ ਕਰਨ 'ਚ ਸਫਲ ਹੋਏ ਤੇ 25 ਅਕਤੂਬਰ 1991 'ਚ ਦੋਹਾਂ ਨੇ ਵਿਆਹ ਹੋ ਗਿਆ।