ਮੁੰਬਈ (ਬਿਊਰੋ) — ਫਿਲਮ ਐਕਟਰ ਤੇ ਸਾਬਕਾ ਲੋਕ ਸਭਾ ਸਾਂਸਦ ਸ਼ਤਰੂਘਨ ਸਿਨ੍ਹਾ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਖਬਰਾਂ ਮੁਤਾਬਕ, ਸ਼ਤਰੂਘਨ ਸਿਨ੍ਹਾ ਪਾਕਿਸਤਾਨ ਦੇ ਲਾਹੌਰ 'ਚ ਇਕ ਵਿਆਹ 'ਚ ਸ਼ਰੀਕ ਹੋਏ ਤੇ ਇਸ ਸਮਾਰੋਹ ਦੌਰਾਨ ਉਨ੍ਹਾਂ ਨੇ ਤਸਵੀਰਾਂ ਵੀ ਕਲਿੱਕ ਕਰਵਾਈਆਂ। ਪਾਕਿਸਤਾਨ ਦੇ ਪਰਵੇਜ ਮੁਗਲ ਨਾਂ ਦੇ ਫੋਟੋਗ੍ਰਾਫਰ ਨੇ ਇੰਸਟਾਗ੍ਰਾਮ 'ਤੇ ਵਿਆਹ ਦੀਆਂ ਕੁਝ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਸ਼ਤਰੂਘਨ ਸਿਨ੍ਹਾ ਵੀ ਨਜ਼ਰ ਆ ਰਹੇ ਹਨ।
ਪਰਵੇਜ ਨੇ ਇਕ ਦਿਨ ਪਹਿਲਾ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਸੀ, ''ਹਨਾ ਤੇ ਅਹਿਮਦ ਦੀ ਕਵਾਲੀ ਨਾਈਟ 'ਤੇ ਰੀਮਾ ਤੇ ਸ਼ਤਰੂ ਜੀ। ਹੈਪਨਿੰਗ ਨਾਊ।'' ਹਾਲਾਂਕਿ ਸਿਨ੍ਹਾ ਵਲੋਂ ਫਿਲਹਾਲ ਇਸ ਵੀਡੀਓ ਨੂੰ ਲੈ ਕੇ ਕੋਈ ਬਿਆਨ ਨਹੀਂ ਆਇਆ ਹੈ।
ਇਸੇ ਵਿਆਹ 'ਚ ਪਾਕਿਸਤਾਨੀ ਸਟਾਰ ਰੀਮਾ ਵੀ ਮੌਜੂਦ ਸੀ। ਭਾਰਤ-ਪਾਕਿਸਤਾਨ ਦੇ ਤਨਾਅਪੂਰਨ ਸਬੰਧਾਂ ਕਾਰਨ ਕੁਝ ਲੋਕ ਸ਼ਤਰੂਘਨ ਸਿਨ੍ਹਾ ਦੇ ਪਾਕਿਸਤਾਨੀ ਵਿਆਹ 'ਚ ਸ਼ਰੀਕ ਹੋਣ ਨੂੰ ਲੈ ਕੇ ਹੈਰਾਨੀ ਜਤਾ ਰਹੇ ਹਨ। ਵੀਡੀਓ 'ਚ ਸ਼ਤਰੂਘਨ ਸਿਨ੍ਹਾ ਪਾਕਿਸਤਾਨੀ ਸਟਾਰ ਰੀਮਾ ਤੇ ਹੋਰਨਾਂ ਮਹਿਮਾਨਾਂ ਨਾਲ ਤਸਵੀਰਾਂ ਖਿੱਚਵਾ ਰਹੇ ਹਨ। ਸ਼ਤਰੂਘਨ ਨੇ ਬਲੈਕ ਸੂਟ ਪਾਇਆ ਹੋਇਆ ਸੀ ਤੇ ਉਨ੍ਹਾਂ ਨੇ ਇਕ ਮਫਲਰ ਵੀ ਲਿਆ ਹੋਇਆ ਸੀ।