ਜਲੰਧਰ(ਬਿਊਰੋ)- ਪੰਜਾਬ ਦੀ ਕੈਟਰੀਨਾ ਕੈਫ ਯਾਨੀ ਕਿ ਸ਼ਹਿਨਾਜ਼ ਕੌਰ ਗਿੱਲ ਅੱਜ ਬਹੁਤ ਖੁਸ਼ ਹੈ ਕਿਉਂਕਿ ਅੱਜ ਉਨ੍ਹਾਂ ਦੇ ਭਰਾ ਸ਼ਹਿਬਾਜ਼ ਗਿੱਲ ਦਾ ਜਨਮਦਿਨ ਹੈ। ਹਾਲ ਹੀ ਵਿਚ ਸ਼ਹਿਨਾਜ਼ ਗਿੱਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ਹਿਬਾਜ਼ ਦੀ ਤਸਵੀਰ ਸ਼ੇਅਰ ਕਰਕੇ ਇਕ ਖਾਸ ਮੈਸੇਜ ਲਿਖਿਆ ਹੈ। ਸ਼ਹਿਨਾਜ਼ ਨੇ ਲਿਖਿਆ, ‘‘ਮੇਰੇ ਲਈ ਤੁਸੀਂ ਇਕ ਭਰਾ, ਇਕ ਬਾਡੀਗਾਰਡ ਅਤੇ ਇਕ ਵਧੀਆ ਦੋਸਤ ਹੋ। ਜਨਮਦਿਨ ਮੁਬਾਰਕ ਮੇਰੇ ਭਰਾ !’’ ਨਾਲ ਹੀ ਉਨ੍ਹਾਂ ਹਾਰਟ ਵਾਲੇ ਇਮੋਜ਼ੀ ਪੋਸਟ ਕੀਤੇ ਹਨ। ਹੁਣ ਤੱਕ ਤਿੰਨ ਲੱਖ ਤੋਂ ਵੱਧ ਲਾਈਕਸ ਤੇ ਵੱਡੀ ਗਿਣਤੀ ‘ਚ ਸ਼ਹਿਬਾਜ਼ ਨੂੰ ਜਨਮਦਿਨ ਦੇ ਵਧਾਈਆਂ ਵਾਲੇ ਕੁਮੈਂਟਸ ਆ ਚੁੱਕੇ ਹਨ।
ਜੇ ਗੱਲ ਕਰੀਏ ਸ਼ਹਿਬਾਜ਼ ਗਿੱਲ ਦੀ ਤਾਂ ਉਹ ਟੀ.ਵੀ. ਦੇ ਰਿਐਲਟੀ ਸ਼ੋਅ ‘ਬਿੱਗ ਬੌਸ 13’ ‘ਚ ਮਹਿਮਾਨ ਦੇ ਰੂਪ ‘ਚ ਨਜ਼ਰ ਆਏ ਸੀ। ਸ਼ੋਅ ਦੌਰਾਨ ਸ਼ਹਿਬਾਜ਼ ਨੇ ਆਪਣੀ ਮਜ਼ਾਕੀਆ ਤੇ ਮਜ਼ੇਦਾਰ ਗੱਲਾਂ ਨਾਲ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ ਸੀ । ਜਿਸ ਦੇ ਚੱਲਦੇ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀਆਂ ਹਾਸੇ ਵਾਲੀਆਂ ਵੀਡੀਓਜ਼ ਖੂਬ ਪਸੰਦ ਕੀਤੀਆਂ ਜਾਂਦੀਆਂ ਹਨ। ਸ਼ਹਿਬਾਜ਼ ਦੀ ਲੋਕਪ੍ਰਿਯਤਾ ਦੇਖ ਕੇ ਹੀ ਉਹ ਇਕ ਹੋਰ ਰਿਐਲਟੀ ਸ਼ੋਅ ‘ਚ ਦਿਖਾਈ ਦਿੱਤੇ ਸਨ।