ਮੁੰਬਈ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਮੁਝਸੇ ਸ਼ਾਦੀ ਕਰੋਗੇ' ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ। ਸ਼ੋਅ 'ਚ ਸ਼ਹਿਨਾਜ਼ ਕੌਰ ਗਿੱਲ ਨਾਲ ਉਸ ਦਾ ਭਰਾ ਸ਼ਹਿਬਾਜ਼ ਗਿੱਲ ਵੀ ਨਜ਼ਰ ਆ ਰਿਹਾ ਹੈ। ਸ਼ਹਿਨਾਜ਼ ਤੇ ਸ਼ਹਿਬਾਜ਼ ਸੈਪਸ਼ਲ ਬਾਂਡ ਸ਼ੇਅਰ ਕਰਦੇ ਹਨ ਪਰ ਸ਼ੋਅ 'ਚ ਦੋਵਾਂ 'ਚ ਕਿਸੇ ਚੀਜ ਨੂੰ ਲੈ ਕੇ ਜ਼ਬਰਦਸਤ ਝਗੜਾ ਹੋ ਗਿਆ ਹੈ। ਸ਼ੋਅ 'ਚ ਸ਼ਹਿਨਾਜ਼ ਸ਼ਹਿਬਾਜ਼ ਨੂੰ ਬੋਲਦੀ ਹੈ ਕਿ, ''ਤੈਨੂੰ ਹੁਣੇ ਕੱਢ ਦਿਆਂਗੀ ਬਕਵਾਲ ਕਰੇਗਾ ਤਾਂ। ਬੱਚੀ ਨਹੀਂ ਹਾਂ ਮੈਂ। ਤੂੰ ਇਥੇ ਬੈਠਿਆ ਹੈ ਮੇਰੀ ਵਜ੍ਹਾ ਕਰਕੇ...ਲਿਮਿਟ 'ਚ ਰਹਿ।'' ਉਥੇ ਹੀ ਸ਼ਹਿਬਾਜ਼ ਨੇ ਸ਼ਹਿਨਾਜ਼ ਨੂੰ ਜਵਾਬ ਦਿੰਦੇ ਕਿਹਾ, ''ਤੂੰ ਜ਼ਿਆਦਾ ਨਾ ਬੋਲ। ਫਿਰ ਸ਼ਹਿਨਾਜ਼ ਕਹਿੰਦੀ ਹੈ ਕਿ ਤੂੰ ਮੈਨੂੰ ਗਾਲ੍ਹਾਂ ਕੱਢਣ ਵਾਲਾ ਕੌਣ ਹੁੰਦਾ ਹੈ? ਇਥੇ ਵੀ ਲੜਕੇ ਵਿਆਹ ਲਈ ਹੀ ਆਏ ਹਨ। ਮੇਰੇ ਜੋ ਦਿਲ 'ਚ ਹੈ ਮੈਂ ਉਹੀ ਬੋਲਾਂਗੀ। ਬੇਇੱਜਤੀ ਹੀ ਹੋ ਰਹੀ ਹੈ ਨਾ ਤਾਂ ਹੋਰ ਕਰਵਾ ਦੇ।''
ਦੱਸ ਦਈਏ ਕਿ ਇਸ ਤੋਂ ਬਾਅਦ ਸ਼ਹਿਨਾਜ਼ ਬੱਚਿਆਂ ਵਾਂਗ ਫੁੱਟ-ਫੁੱਟ ਕੇ ਰੋਣ ਲੱਗਦੀ ਹੈ। ਉਥੇ ਹੀ ਭਰਾ ਸ਼ਹਿਬਾਜ਼ ਵੀ ਕਾਫੀ ਇਮੋਸ਼ਨਲ ਹੋ ਜਾਂਦਾ ਹੈ।
ਦੱਸਣਯੋਗ ਹੈ ਕਿ ਸ਼ੋਅ 'ਚ ਸ਼ਹਿਨਾਜ਼ ਦੀ ਮਦਦ ਕਰਨ ਲਈ ਜੈ ਭਾਨੂਸ਼ਾਲੀ ਤੇ ਮਾਹੀ ਵਿਜ ਆਏ ਸਨ। ਇਸ ਦੌਰਾਨ ਸ਼ਹਿਨਾਜ਼ ਨੇ ਦੱਸਿਆ ਕਿ ਉਸ ਦੀ ਮਾਂ ਨੂੰ ਕਿਵੇਂ ਦਾ 'ਜਵਾਈ' ਤੇ ਉਸ ਨੂੰ ਕਿਵੇਂ ਦਾ ਜੀਵਨ ਸਾਥੀ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਧੀ ਦੇ ਬਰਥਡੇ 'ਤੇ ਜੱਸੀ ਗਿੱਲ ਨੇ ਸਾਂਝੀ ਕੀਤੀ ਪਰਿਵਾਰ ਨਾਲ ਤਸਵੀਰ (ਵੀਡੀਓ)