ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਦਬੰਗ ਕਹੇ ਜਾਣ ਵਾਲੇ ਅਭਿਨੇਤਾ ਸਲਮਾਨ ਖਾਨ 52 ਸਾਲ ਦੇ ਹੋ ਚੁੱਕੇ ਹਨ ਪਰ ਅਜੇ ਤੱਕ ਕੁਆਰੇ ਹਨ। ਸਲਮਾਨ ਖਾਨ ਦਾ ਵਿਆਹ ਕਦੋਂ ਹੋਵੇਗਾ, ਇਸ ਸਵਾਲ ਦਾ ਜਵਾਬ ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਪਰ ਸਲਮਾਨ ਕਦੇ ਇਸ ਦਾ ਜਵਾਬ ਖੁੱਲ੍ਹ ਕੇ ਨਹੀਂ ਦਿੰਦੇ। ਹੁਣ ਇਸ ਗੱਲ ਦਾ ਜਵਾਬ ਦਿੱਤਾ ਹੈ ਸਲਮਾਨ ਨਾਲ ਪਰਛਾਵੇਂ ਵਾਂਗ ਰਹਿਣ ਵਾਲੇ ਉਨ੍ਹਾਂ ਦੇ ਬਾਡੀਗਾਰਡ ਸ਼ੇਰਾ ਨੇ।
ਹਾਲ ਹੀ 'ਚ ਸ਼ੇਰਾ ਇਕ ਇਵੈਂਟ 'ਚ ਸ਼ਾਮਲ ਹੋਣ ਲਈ ਦਿੱਲੀ ਗਏ ਸਨ, ਇੱਥੇ ਉਨ੍ਹਾਂ ਨੇ ਭਾਈਜਾਨ (ਸਲਮਾਨ) ਦੇ ਬਾਰੇ 'ਚ ਕਈ ਰਾਜ਼ ਖੋਲ੍ਹੇ। ਸਲਮਾਨ ਖਾਨ ਦੇ ਵਿਆਹ ਦੇ ਬਾਰੇ 'ਚ ਸ਼ੇਰਾ ਨੇ ਦੱਸਿਆ ਕਿ ਆਮ ਪ੍ਰਸ਼ੰਸਕਾਂ ਵਾਂਗ ਮੈਂ ਵੀ ਜਾਣਨਾ ਚਾਹੁੰਦਾ ਹਾਂ ਕਿ ਭਾਈਜਾਨ ਕਦੋਂ ਵਿਆਹ ਕਰਨਗੇ। ਸਾਨੂੰ ਅੰਦਾਜ਼ੇ ਲਗਾਉਣੇ ਨਹੀਂ ਚਾਹੀਦੇ। ਸ਼ੇਰਾ ਵੀ ਚਾਹੁੰਦੇ ਹਨ ਕਿ ਭਾਈਜਾਨ ਦਾ ਵਿਆਹ ਹੋਵੇ ਪਰ ਉਹ ਸਾਰਿਆਂ ਵਾਂਗ ਬੋਲ ਨਹੀਂ ਸਕਦੇ।
ਸ਼ੇਰਾ ਦਾ ਕਹਿਣਾ ਹੈ ਕਿ ਬਾਡੀਗਾਰਡ ਜਾਂ ਸਿਕਿਓਰਿਟੀ ਦੀ ਨੌਕਰੀ ਸਭ ਤੋਂ ਮੁਸ਼ਕਿਲ ਹੁੰਦੀ ਹੈ। ਜੇਕਰ ਤੁਹਾਡੇ ਮੋਢੇ 'ਤੇ ਜ਼ਿੰਮੇਦਾਰੀ ਵੱਡੀ ਹੋਵੇ ਤਾਂ ਨੌਕਰੀ ਹੋਰ ਵੀ ਮੁਸ਼ਕਿਲ ਹੋ ਜਾਂਦੀ ਹੈ। ਮਾਲਕ (ਸਲਮਾਨ) ਨੂੰ ਲੋਕਾਂ ਤੋਂ ਬਚਾ ਕੇ ਚੱਲਣਾ, ਭੀੜ 'ਚ ਤਿੱਖੀ ਨਜ਼ਰ ਰੱਖਣਾ, ਇਹ ਕਾਫੀ ਮੁਸ਼ਕਿਲ ਕੰਮ ਹੁੰਦਾ ਹੈ।
ਨਹੀਂ ਆਉਂਦਾ ਗੁੱਸਾ
ਸ਼ੇਰਾ, ਸਲਮਾਨ ਦੇ ਬਾਰੇ 'ਚ ਦੱਸਦੇ ਹਨ ਕਿ ਭਾਈਜਾਨ ਦਿਲ ਦੇ ਬਹੁਤ ਚੰਗੇ ਵਿਅਕਤੀ ਹਨ, ਉਹ ਹਰ ਸਮੇਂ ਮਦਦ ਲਈ ਤਿਆਰ ਰਹਿੰਦੇ ਹਨ। ਸ਼ੇਰਾ ਦੱਸਦੇ ਹਨ ਕਿ ਇਕ ਵਾਰ ਸਲਮਾਨ ਨੇ ਅਚਾਨਕ ਗੱਡੀ ਰੁਕਵਾਈ। ਉਹ ਗੱਡੀ 'ਚੋਂ ਉਤਰੇ ਅਤੇ ਇਕ ਗਰੀਬ ਬੱਚੀ ਕੋਲ੍ਹ ਗਏ ਅਤੇ ਉਸ ਨੂੰ ਪਿਆਰ ਕਰਨ ਲੱਗੇ।
ਉਨ੍ਹਾਂ ਨੇ ਦੱਸਿਆ ਕਿ ਸਲਮਾਨ ਗੁਸੈਲ ਕਿਸਮ ਦੇ ਨਹੀਂ ਹਨ। ਇਹ ਤਾਂ ਮੀਡੀਆ ਵਲੋਂ ਬਣਾਈ ਗਈ ਈਮੇਜ ਹੈ। ਸਲਮਾਨ ਬੇਹੱਦ ਮਿਲਨਸਾਰ, ਹਸਮੁੱਖ ਤੇ ਨਿਮਰ ਕਿਸਮ ਦੇ ਵਿਅਕਤੀ ਹਨ।
ਇੰਝ ਹੋਈ ਸੀ ਮੁਲਾਕਾਤ
ਸਲਮਾਨ ਲਈ ਸ਼ੇਰਾ ਨੂੰ ਉਨ੍ਹਾਂ ਦੇ ਭਰਾ ਸੋਹੇਲ ਖਾਨ ਨੇ ਤਲਾਸ਼ ਕੀਤਾ ਸੀ। 1995 'ਚ ਇਕ ਪਾਰਟੀ ਦੌਰਾਨ ਸ਼ੇਰਾ ਦੀ ਮੁਲਾਕਾਤ ਸਲਮਾਨ ਖਾਨ ਅਤੇ ਸੋਹੇਲ ਖਾਨ ਨਾਲ ਹੋਈ ਸੀ।
ਇਸ ਤੋਂ ਬਾਅਦ ਇਕ ਵਾਰ ਸਲਮਾਨ ਖਾਨ ਚੰਡੀਗੜ੍ਹ ਗਏ, ਜਿੱਥੇ ਭੀੜ 'ਚ ਉਹ ਬੁਰੀ ਤਰ੍ਹਾਂ ਫੱਸ ਗਏ। ਉਸ ਸਮੇਂ ਸੋਹੇਲ ਨੇ ਸੋਚਿਆ ਕਿ ਸਲਮਾਨ ਭਰਾ ਨੂੰ ਕਿਸੇ ਚੰਗੇ ਬਾਡੀਗਾਰਡ ਦੀ ਜ਼ਰੂਰਤ ਹੈ। ਉਸ ਸਮੇਂ ਉਨ੍ਹਾਂ ਦੇ ਦਿਮਾਗ 'ਚ ਸ਼ੇਰਾ ਹੀ ਆਏ।
