ਮੁੰਬਈ (ਬਿਊਰੋ) : ਬਾਲੀਵੁੱਡ ਦੀ ਸਭ ਤੋਂ ਹੌਟ ਅਦਾਕਾਰਾ ਸ਼ਰਲਿਨ ਚੋਪੜਾ ਅੱਜ ਆਪਣਾ 35ਵਾਂ ਜਨਮਦਿਨ ਮਨਾ ਰਹੀ ਹੈ। ਉਸ ਦਾ ਜਨਮ 11 ਫਰਵਰੀ 1984 ਨੂੰ ਹੈਦਰਾਬਾਦ 'ਚ ਹੋਇਆ ਸੀ। ਉਸ ਨੇ ਇਸ ਬਾਲੀਵੁੱਡ ਇੰਡਸਟਰੀ 'ਚ ਪਛਾਣ ਬਣਾਉਣ ਲਈ ਬੋਲਡਨੈੱਸ ਦਾ ਸਹਾਰਾ ਲਿਆ।
ਹਮੇਸ਼ਾ ਹੀ ਅਦਾਕਾਰਾ ਫੈਨਜ਼ ਨਾਲ ਬੋਲਡ ਤਸਵੀਰਾਂ ਬਿਨਾਂ ਕਿਸੇ ਪ੍ਰਵਾਹ ਕੀਤੇ ਸ਼ੇਅਰ ਕਰਦੀ ਹੈ। ਸ਼ਰਲਿਨ ਨੇ ਸਾਲ 2002 'ਚ ਤੇਲੁਗੁ ਫਿਲਮ ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਉਸ ਦੌਰਾਨ ਸ਼ਰਲਿਨ ਚੋਪੜਾ ਨੇ ਫਿਲਮ 'ਟਾਈਮਪਾਸ', 'ਦੋਸਤੀ 'ਜਵਾਨੀ ਦੀਵਾਨੀ', ਨੌਟੀ ਬੁਆਏ', 'ਗੇਮ', 'ਰਕੀਬ', 'ਦਿਲ ਬੋਲੇ ਹੜੀਪਾ' ਵਰਗੀਆਂ ਘੱਟ ਬਜਟ ਵਾਲੀਆਂ ਫਿਲਮਾਂ 'ਚ ਕੰਮ ਕੀਤਾ ਸੀ।
ਸ਼ਰਲਿਨ ਨੇ ਸਾਲ 2012 'ਚ ਇਕ ਫੋਟੋਸ਼ੂਟ ਕਰਵਾਇਆ ਸੀ, ਜਿਨ੍ਹਾਂ ਦੀਆਂ ਤਸਵੀਰਾਂ ਲੱਗਭਗ 2 ਸਾਲ ਬਾਅਦ ਜਾਰੀ ਕੀਤੀਆਂ ਗਈਆਂ। ਸਾਲ 2012 'ਚ ਇਸ ਫੋਟੋਸ਼ੂਟ ਨੂੰ ਲੈ ਕੇ ਸ਼ਰਲਿਨ ਨੂੰ ਸੋਸ਼ਲ ਮੀਡੀਆ 'ਤੇ ਬੈਨ ਤੱਕ ਕਰ ਦਿੱਤਾ ਗਿਆ ਸੀ।
ਸ਼ਰਲਿਨ ਨੂੰ ਬੈਨ ਇਸ ਲਈ ਕੀਤਾ ਗਿਆ ਸੀ ਕਿਉਂਕਿ ਉਸ ਨੇ ਨਿਊਡ ਅਤੇ ਸੇਮੀ ਨਿਊਡ ਫੋਟੋਸ਼ੂਟ ਕਰਵਾਏ ਸਨ। ਸ਼ਰਲਿਨ ਜ਼ਿਆਦਾਤਰ ਆਪਣੀ ਬੋਲਡਨੈਸ ਫੋਟੋਸ਼ੂਟ ਨੂੰ ਲੈ ਕੇ ਵਿਵਾਦਾਂ 'ਚ ਰਹਿੰਦੀ ਹੈ।
ਦੱਸਣਯੋਗ ਹੈ ਕਿ ਸ਼ਰਲਿਨ ਮਿਸ ਆਂਧਰ ਪ੍ਰਦੇਸ਼ ਵੀ ਰਹਿ ਚੁੱਕੀ ਹੈ ਅਤੇ ਨਾਲ ਹੀ ਐੱਮ ਟੀ. ਵੀ. ਦੇ ਸ਼ੋਅ 'ਸਪਲਿਟਸਵਿਲਾ' ਨੂੰ ਵੀ ਹੋਸਟ ਕਰ ਚੁੱਕੀ ਹੈ। ਹੁਣ ਇਸ ਸ਼ੋਅ ਨੂੰ ਸੰਨੀ ਲਿਓਨੀ ਹੋਸਟ ਕਰ ਰਹੀ ਹੈ।
ਸਾਲ 2013 'ਚ 'ਬੈਡ ਗਰਲ' ਨਾਂ ਨਾਲ ਸ਼ਰਲਿਨ ਦੀ ਇਕ ਮਿਊਜ਼ਿਕ ਵੀਡੀਓ ਵੀ ਰਿਲੀਜ਼ ਹੋਈ ਸੀ।
ਸ਼ਰਲਿਨ 'ਕਾਮਾਸੂਤਰ 3 ਡੀ' ਫਿਲਮ ਕਰਨ ਨੂੰ ਲੈ ਕੇ ਸੁਰਖੀਆਂ 'ਚ ਰਹੀ ਸੀ ਪਰ ਬਾਅਦ 'ਚ ਫਿਲਮ ਦੇ ਡਾਇਰੈਕਟਰ ਨਾਲ ਉਸ ਦਾ ਵਿਵਾਦ ਹੋ ਗਿਆ।
ਸ਼ਰਲਿਨ ਨੇ ਪੌਲ 'ਤੇ ਆਰਥਿਕ ਧੋਖਾਧੜੀ ਕਰਨ ਦਾ ਦੋਸ਼ ਲਗਾ ਕੇ ਐੱਫ. ਆਈ. ਆਰ. ਦਰਜ ਕਰਵਾਈ ਸੀ।