ਮੁੰਬਈ (ਬਿਊਰੋ)— ਫਰਹਾਨ ਅਖਤਰ ਅਤੇ ਅਧੂਨਾ ਭਵਾਨੀ ਵਿਆਹ ਦੇ 17 ਸਾਲ ਅਕਤੂਬਰ 2016 'ਚ ਵੱਖਰੇ ਹੋ ਗਏ ਸਨ ਪਰ 2017 'ਚ ਦੋਹਾਂ ਦਾ ਆਫੀਸ਼ੀਅਲ ਤਲਾਕ ਹੋਇਆ। ਇਸ ਤੋਂ ਬਾਅਦ ਫਰਹਾਨ ਦੇ ਅਫੇਅਰ ਦੀਆਂ ਖਬਰਾਂ ਆਉਣ ਲੱਗੀਆਂ।
ਕਦੇ ਫਰਹਾਨ ਦਾ ਨਾਂ ਅਦਿਤੀ ਰਾਓ ਹੈਦਰੀ ਨਾਲ ਜੋੜਿਆ ਗਿਆ ਅਤੇ ਕਦੇ ਸ਼ਰਧਾ ਕਪੂਰ ਨਾਲ। ਹੁਣ ਇਕ ਵਾਰ ਫਿਰ ਫਰਹਾਨ ਅਖਤਰ ਦਾ ਨਾਂ ਨਵੀਂ ਅਦਾਕਾਰਾ ਨਾਲ ਚਰਚਾ 'ਚ ਆ ਗਿਆ ਹੈ।
ਮੀਡੀਆ ਰਿਪੋਰਟ ਮੁਤਾਬਕ ਫਰਹਾਨ ਪਹਿਲਾਂ ਸ਼ਰਧਾ ਕਪੂਰ ਨੂੰ ਡੇਟ ਕਰ ਰਹੇ ਸਨ ਪਰ ਦੋਹਾਂ ਵਿਚਕਾਰ ਰਿਲੇਸ਼ਨ ਲੰਬਾ ਚੱਲ ਨਾ ਸਕਿਆ। ਅੱਜਕਲ ਫਰਹਾਨ ਦਾ ਨਾਂ ਮਸ਼ਹੂਰ ਐਂਕਰ, ਸਿੰਗਰ, ਅਦਾਕਾਰਾ ਅਤੇ ਮਾਡਲ ਸ਼ਿਬਾਨੀ ਦਾਂਡੇਕਰ ਨਾਲ ਜੁੜ ਰਿਹਾ ਹੈ।
ਹਾਲ ਹੀ 'ਚ ਸ਼ਿਬਾਨੀ 'ਭਾਵੇਸ਼ ਜੋਸ਼ੀ' ਫਿਲਮ 'ਚ ਅਰਜੁਨ ਕਪੂਰ ਨਾਲ ਆਈਟਮ ਨੰਬਰ 'ਚ ਨਜ਼ਰ ਆਈ ਸੀ। ਫਰਹਾਨ-ਸ਼ਿਬਾਨੀ ਸਾਲ 2015 'ਤੋਂ ਇਕ-ਦੂਜੇ ਨੂੰ ਜਾਣਦੇ ਹਨ ਪਰ ਪਿਛਲੇ ਦਿਨੀਂ ਦੋਹਾਂ ਨੂੰ ਇਕੱਠੇ ਟਾਈਮ ਸਪੈਂਡ ਕਰਦੇ ਦੇਖਿਆ ਗਿਆ।
ਸ਼ਿਬਾਨੀ ਦਾਂਡੇਕਰ ਮਸ਼ਹੂਰ ਵੀ. ਜੇ. , ਐਂਕਰ ਅਨੁਸ਼ਾ ਦਾਂਡੇਕਰ ਦੀ ਭੈਣ ਹੈ। ਦੱਸ ਦੇਈਏ ਕਿ ਫਰਹਾਨ ਆਪਣੀ ਜਲਦ ਰਿਲੀਜ਼ ਹੋਣ ਵਾਲੀ ਫਿਲਮ 'ਦਿ ਸਕਾਈ ਇਜ਼ ਪਿੰਕ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ।
ਇਸ ਫਿਲਮ 'ਚ ਪ੍ਰਿਯੰਕਾ ਚੋਪੜਾ ਅਤੇ ਜ਼ਾਇਰਾ ਵਸੀਮ ਅਹਿਮ ਕਿਰਦਾਰ 'ਚ ਨਜ਼ਰ ਆਉਣ ਵਾਲੀਆਂ ਹਨ, ਜਿਸ ਦੀ ਨਿਰਦੇਸ਼ਕ ਸ਼ੋਨਾਲੀ ਬੋਸ ਹੈ।
