ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਭਾਵੇਂ ਆਪਣੇ-ਆਪ ਨੂੰ ਫਿੱਟ ਰੱਖਣ ਲਈ ਕਈ ਤਰ੍ਹਾਂ ਦੀਆਂ ਐਕਸਰਸਾਇਜ਼ ਕਰਦੀ ਰਹਿੰਦੀ ਹੈ ਅਤੇ ਆਪਣੇ ਖਾਣ-ਪੀਣ ਦਾ ਵੀ ਖਾਸ ਧਿਆਨ ਰੱਖਦੀ ਹੈ ਪਰ ਜਦੋਂ ਉਨ੍ਹਾਂ ਸਾਹਮਣੇ ਗੁਲਾਬ ਜਾਮੁਨ ਆ ਜਾਂਦੇ ਹਨ ਤਾਂ ਉਹ ਸਭ ਕੁਝ ਭੁੱਲ ਜਾਂਦੀ ਹੈ। ਕਿਉਂਕਿ ਸ਼ਿਲਪਾ ਸ਼ੈੱਟੀ ਨੂੰ ਗੁਲਾਬ ਜਾਮੁਨ ਬੇਹੱਦ ਪਸੰਦ ਹਨ। ਸ਼ਿਲਪਾ ਸ਼ੈੱਟੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਕਿਸੇ ਦੁਕਾਨ ਤੇ ਗੁਲਾਬ ਜਾਮੁਨ ਖਾਂਦੀ ਨਜ਼ਰ ਆ ਰਹੀ ਰਹੀ ਹੈ।
ਵੀਡੀਓ 'ਚ ਉਹ ਆਖ ਰਹੀ ਹੈ, ''ਜਦੋਂ ਵੀ ਉਸ ਦੇ ਸਾਹਮਣੇ ਗੁਲਾਬ ਜਾਮੁਨ ਆਉਂਦੇ ਹਨ ਤਾਂ ਮੈਂ ਆਪਣੇ-ਆਪ ਨੂੰ ਰੋਕ ਨਹੀਂ ਪਾਉਂਦੀ। ਸ਼ਿਲਪਾ ਸ਼ੈੱਟੀ ਮੁਤਾਬਕ, ਭਾਵੇਂ ਗੁਲਾਬ ਜਾਮੁਨ ਦੀਆਂ ਕਈ ਕਿਸਮਾਂ ਹਨ ਪਰ ਉਸ ਨੂੰ ਅਸਲੀ ਗੁਲਾਬ ਜਾਮੁਨ ਹੀ ਪਸੰਦ ਹੈ। ਇਸ ਤੋਂ ਇਲਾਵਾ ਸ਼ਿਲਪਾ ਨੇ ਲਿਖਿਆ, ਗੁਲਾਬ ਜਾਮੁਨ ਖਾਣ ਦਾ ਸ਼ੌਂਕ ਉਸ ਨੂੰ ਸਕੂਲ ਦੇ ਦਿਨਾਂ ਤੋਂ ਹੀ ਸੀ। ਉਹ ਅਕਸਰ ਆਪਣੇ ਪਰਿਵਾਰ ਨਾਲ ਇਸ ਜਗ੍ਹਾ ਤੇ ਗੁਲਾਬ ਜਾਮੁਨ ਖਾਣ ਲਈ ਆਉਂਦੀ ਸੀ। ਸ਼ਿਲਪਾ ਦਾ ਕਹਿਣਾ ਹੈ ਕਿ ਗੁਲਾਬ ਜਾਮੁਨ ਖਾ ਕੇ ਉਸ ਦਾ ਢਿੱਡ ਤਾਂ ਭਰ ਜਾਂਦਾ ਹੈ ਪਰ ਮਨ ਨਹੀਂ।''