ਰਿਸ਼ੀਕੇਸ਼ (ਬਿਊਰੋ) : 30ਵੇਂ ਕੌਮਾਂਤਰੀ ਯੋਗ ਮਹਾਉਤਸਵ ਦੇ 5ਵੇਂ ਦਿਨ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੇ ਵਿਸ਼ਵ ਦੇ 70 ਦੇਸ਼ਾਂ ਤੋਂ ਆਏ ਯੋਗਾ ਦੇ ਸ਼ੌਕੀਨਾਂ ਨੂੰ ਯੋਗਾ ਫਾਰ ਦਿ ਸੋਲ ਦੇ ਮਾਧਿਅਮ ਨਾਲ ਨਿਰੋਗ ਰਹਿਣ ਦੇ ਗੁਣ ਸਿਖਾਏ। ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੇ ਕਿਹਾ ਕਿ ''ਜੀਵਨ 'ਚ ਯੋਗ ਜ਼ਰੂਰ ਕਰੋ। ਇਸ ਲਈ ਮੈਂ ਯੋਗ 'ਤੇ ਹੀ ਜ਼ੋਰ ਦਿੰਦੀ ਹਾਂ। ਉਨ੍ਹਾਂ ਕਿਹਾ ਕਿ ਮੈਂ ਆਪਣੇ ਬੇਟੇ ਨੂੰ ਜਨਮ ਦੇਣ ਤੋਂ ਬਾਅਦ ਯੋਗ ਰਾਹੀਂ ਚਾਰ ਮਹੀਨਿਆਂ 'ਚ 32 ਕਿਲੋ ਭਾਰ ਘਟਾਇਆ ਹੈ।''
ਸ਼ਿਲਪਾ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਯੋਗ ਇਕ ਜੀਵਨਸ਼ੈਲੀ ਹੈ। ਜੇਕਰ ਯੋਗ ਕਰਨਾ ਸ਼ੁਰੂ ਕਰੋਗੇ ਤਾਂ ਤੁਸੀਂ ਦੇਖੋਗੇ ਕਿ ਜ਼ਿੰਦਗੀ 'ਚ ਕਿੰਨੀ ਤਬਦੀਲੀ ਆਈ ਹੈ। ਸਿਰਫ ਜ਼ਿੰਦਗੀ 'ਚ ਹੀ ਨਹੀਂ, ਸਗੋਂ ਤੁਹਾਡੇ ਦਿਮਾਗ 'ਚ ਵੀ ਤਬਦੀਲੀ ਆ ਜਾਏਗੀ।
ਯੋਗ ਨੇ ਮੈਨੂੰ ਸਰੀਰਕ ਹੀ ਨਹੀਂ ਮਾਨਸਿਕ ਰੂਪ ਨਾਲ ਵੀ ਮਜ਼ਬੂਤ ਕੀਤਾ ਹੈ। ਸ਼ਿਲਪਾ ਸ਼ੈੱਟੀ ਨੇ ਸੱਦਾ ਦਿੱਤਾ ਕਿ ਸਾਰੇ ਲੋਕ ਯੋਗ ਨੂੰ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣਾਓ।
ਕਿਹਾ ਕਿ ਜਿੰਨਾ ਨਾਂ ਯੋਗ ਨਾਲ ਮੇਰਾ ਹੋਇਆ ਹੈ, ਓਨਾ ਹੀ ਨਾਂ ਮੈਂ ਯੋਗ ਦਾ ਵਧਾਉਣਾ ਚਾਹੁੰਦੀ ਹਾਂ। ਉਸ ਨੇ ਦੱਸਿਆ ਕਿ ਮੈਂ ਇਕ ਯੋਗ ਐਪ ਬਣਾਇਆ ਹੈ। ਇਸ ਨੂੰ ਕੁਝ ਹਫਤਿਆਂ ਬਾਅਦ ਲਾਂਚ ਕਰਾਂਗੀ।