ਮੁੰਬਈ(ਬਿਊਰੋ)— ਹਾਲ ਹੀ 'ਚ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੇ ਸ਼ਿਰਡੀ ਜਾ ਕੇ ਸਾਈਂ ਬਾਬਾ ਦੇ ਦਰਸ਼ਨ ਕੀਤੇ। ਉਸ ਨਾਲ ਪਤੀ ਰਾਜ ਕੁੰਦਰਾ, ਬੇਟਾ ਵਿਯਾਨ, ਭੈਣ ਸ਼ਮਿਤਾ ਸ਼ੈੱਟੀ ਤੇ ਮਾਂ ਸੁਨੰਦਾ ਸ਼ੈੱਟੀ ਮੌਜੂਦ ਸੀ। ਸਾਰਿਆਂ ਨੇ ਸਾਈ ਬਾਬਾ ਜੀ ਦਾ ਆਸ਼ੀਰਵਾਦ ਲਿਆ। ਅਦਾਕਾਰਾ ਨੇ ਬਾਬਾ ਨੂੰ ਸੋਨੇ ਦਾ ਮੁਕੁਟ ਨੂੰ ਬਾਬਾ ਦੇ ਸਿਰ 'ਤੇ ਪਾ ਰਹੇ ਹਨ। ਇਸ ਦੌਰਾਨ ਬਾਬਾ ਦੀ ਪ੍ਰਾਥਨਾ-ਅਰਚਨਾ ਕਰਦੀ ਦਿਸੀ ਸ਼ਿਲਪਾ ਦੀ ਫੈਮਿਲੀ।
ਦੱਸ ਦੇਈਏ ਕਿ ਸ਼ਿਲਪਾ ਸ਼ੈੱਟੀ ਸਾਈਂ ਬਾਬਾ ਨੂੰ ਮੰਨਦੀ ਹੈ ਤੇ ਉਨ੍ਹਾਂ ਦੀ ਵੱਡੀ ਭਗਤ ਹੈ। ਸ਼ਿਲਪਾ ਨੇ ਇਸ ਦੀਆਂ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਕੈਪਸ਼ਨ 'ਚ ਉਸ ਨੇ ਲਿਖਿਆ, ''ਧੰਨਵਾਧ ਸਾਈਂ ਹਰ ਚੀਜ ਲਈ। ਵਿਸ਼ਵਾਸ਼ ਤੇ ਧੀਰਜ ਰੱਖਣਾ ਤੁਸੀਂ ਮੈਨੂੰ ਸਿਖਾਇਆ। ਸਾਈਂ ਸਮਾਧੀ ਦੇ 100 ਸਾਲਾਂ ਨੂੰ ਸੈਲੀਬ੍ਰੇਟ ਕਰ ਰਹੀ ਹਾਂ।''
ਦੱਸਣਯੋਗ ਹੈ ਕਿ ਸ਼ਿਲਪਾ ਸ਼ੈੱਟੀ ਇਨ੍ਹੀਂ ਦਿਨੀਂ ਫਿਲਮਾਂ 'ਚ ਨਜ਼ਰ ਨਹੀਂ ਆ ਰਹੀ ਹੈ ਪਰ ਉਹ ਟੀ. ਵੀ. 'ਤੇ ਰਿਐਲਿਟੀ ਸ਼ੋਅਜ਼ ਨੂੰ ਜੱਜ ਕਰਦੀ ਨਜ਼ਰ ਆ ਰਹੀ ਹੈ। ਉਹ ਕਈ ਡਾਂਸਿੰਗ ਟੀ. ਵੀ. ਸ਼ੋਅਜ਼ ਦਾ ਹਿੱਸਾ ਬਣ ਚੁੱਕੀ ਹੈ। ਸ਼ਿਲਪਾ ਸ਼ੈੱਟੀ ਟੀ. ਵੀ. ਤੋਂ ਇਲਾਵਾ ਈਵੈਂਟਸ, ਪਾਰਟੀਆਂ ਤੇ ਐਵਾਰਡਜ਼ ਸ਼ੋਅ 'ਚ ਵੀ ਨਜ਼ਰ ਆਉਂਦੀ ਰਹਿੰਦੀ ਹੈ।